May 20
ਪੰਜਾਬ ਇੰਟੈਲੀਜੈਂਸ ਹੈੱਡ ਕੁਆਰਟਰ ਦੀ ਮੋਹਾਲੀ ਬਿਲਡਿੰਗ ਉੱਤੇ ਮਈ 9, 2022 ਨੂੰ ਹੋਏ ਰਾਕੇਟ ਲਾਂਚਰ ਹਮਲੇ ਦੇ ਮਾਸਟਰਮਾਇੰਡ ਮੰਨੇ ਜਾਣ ਵਾਲੇ ਲਖਬੀਰ ਸਿੰਘ ਉਰਫ਼ ਲੰਡਾ ਹਰੀਕੇ ਨੇ ਵਾਰਦਾਤ ਚ ਖ਼ੁਦ ਦੀ ਸ਼ਮਹੁਲੀਅਤ ਤੋਂ ਇੰਨਕਾਰ ਕਰ ਦਿੱਤਾ ਹੈ। Newsdateline ਪੰਜਾਬ ਨਾਲ ਇਕ exclusive ਇੰਟਰਵਿਊ ਦੌਰਾਨ ਲਖਬੀਰ ਲੰਡਾ ਨੇ ਇਹ ਦਾਅਵਾ ਸੀਨੀਅਰ ਪਤਰਕਾਰ ਅਤੇ ਨਿਊਜ਼ Dateline ਦੇ ਸੰਪਾਦਕ ਰਿਤੇਸ਼ ਲੱਖੀ ਨਾਲ ਇਕ YouTube ਚਰਚਾ ਦੋਰਾਨ ਕਹੀ। ਲੰਡਾ ਹਰੀਕੇ ਨੇ ਕੈਨੇਡਾ ਤੋਂ ਗੱਲ ਕੀਤੀ।
ਖੁਦ ਖਿਲਾਫ ਬੀਤੇ ਸਾਲ ਪੱਟੀ ਦੇ ਅਕਾਲੀ ਲੀਡਰਾਂ ਅਮਨਦੀਪ ਫੌਜ਼ੀ ਅਤੇ ਪ੍ਰਭਜੀਤ ਦੇ ਕਰਵਾਏ ਗਏ ਕਤਲਾਂ ਦੇ ਦੋਸ਼ ਲੰਡੇ ਨੇ ਕਬੂਲੇ। ਇਹ ਜ਼ਿੰਮੇਵਾਰੀ ਵੀ ਲੰਡੇ ਨੇ ਇਸ ਇੰਟਰਵਿਉ ਦੋਰਾਨ ਲਈ। ਫ਼ਿਰੌਤੀਆਂ ਅਤੇ ਰੰਗਦਾਰੀ ਵਸੂਲਣ ਦੀਆਂ ਆਪਣੀਆਂ ਕਈ ਵਾਰਦਾਤਾਂ ਦਾ ਵੇਰਵਾ ਦਿੰਦਿਆਂ ਲੰਡੇ ਹਰੀਕੇ ਨੇ ਖ਼ੁਲਾਸਾ ਕੀਤਾ ਕਿ ਉਹ 14 ਲੱਖ ਰੁਪਏ ਰਿਸ਼ਵਤ ਦੇਕੇ ਪੁਲਿਸ ਕਲੀਅਰੈਂਸ ਲੈਕੇ ਕੈਨੇਡਾ ਗਿਆ ਅਤੇ ਅੱਜ ਦੀ ਘੜੀ ਉੱਥੇ ਸੈਟਲ ਹੈ।
ਲੰਡਾ ਹਰੀਕੇ ਨੇ ਗੈਂਗਸਟਰ ਤੋਂ ਅੱਤਵਾਦੀ ਬਣੇ ਰਿੰਦੇ ਸੰਧੂ ਨਾਲ ਵੀ ਆਪਣੇ ਸੰਬੰਧ ਕਬੂਲੇ ਲੇਕਿਨ 9 ਮਈ ਦੀ ਘਟਨਾ ਤੋਂ ਇੰਨਕਾਰ ਕੀਤਾ। ਆਪਣੀ ਇੰਟਰਵਿਊ ਦੋਰਾਨ ਲੰਡਾ ਹਰੀਕੇ ਨੇ ਤਰਨਤਾਰਨ ਇਲਾਕੇ ਦੇ ਕਈ ਅਫ਼ਸਰਾਂ ਉੱਤੇ ਨਸ਼ਾ ਤਸਕਰਾਂ ਨਾਲ ਸੰਬੰਧ ਹੋਣ ਦਾ ਦੋਸ਼ ਵੀ ਲਾਇਆ।
