Ludhiana, May 21
ਲੁਧਿਆਣਾ ਪੁਲਿਸ ਨੇ ਗਾਇਕਾ ਯਸ਼ ਇੰਦਰ ਕੌਰ ਹਤਿਆ ਮਾਮਲੇ ਦੀ ਗੁੱਥੀ ਸੁਲਝਾ ਲਈ ਹੈ। ਆਪਣੇ ਨਾਲ ਵਿਆਹ ਨਾ ਕਰਵਾਉਣ ਕਰਕੇ Canada ਦੇ ਸੁਖਵਿੰਦਰ ਸਿੰਘ ਸੁੱਖਾ ਨੇ ਯਸ਼ਇੰਦਰ ਕੌਰ ਦਾ ਕਤਲ ਕੀਤਾ ਅਤੇ ਖੁਦ ਕੈਨੇਡਾ ਫਰਾਰ ਹੋ ਗਿਆ। ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਸੁੱਖੇ ਨੇ 2 ਹੋਰਨਾਂ ਵਿਅਕਤੀਆਂ ਦੀ ਮਦਦ ਲਈ ਅਤੇ ਹਤਿਆ ਦੀ ਸਾਜ਼ਿਸ਼ ਬਾਰੇ ਉਸਦੇ ਪਿਤਾ ਪ੍ਰੀਤਮ ਸਿੰਘ ਨੂੰ ਪਤਾ ਸੀ। ਸੋਸ਼ਲ ਮੀਡਿਆ ਉੱਤੇ ਕਈ ਸਾਲ ਤੋਂ ਯਸ਼ ਇੰਦਰ ਕੌਰ ਦਾ ਜਾਣਕਾਰ ਸੁੱਖਾ ਪਿਛਲੇ ਕਈ ਸਾਲਾਂ ਤੋਂ ਇੰਦਰ ਉੱਤੇ ਵਿਆਹ ਕਰਵਾਉਣ ਲਈ ਦਬਾਅ ਪਾ ਰਿਹਾ ਸੀ।
ਯਸ਼ ਇੰਦਰ ਦਾ ਕਤਲ ਕਾਰਨ ਸੁੱਖਾ ਨੇਪਾਲ ਦੇ ਰਸਤੇ ਭਾਰਤ ਆਇਆ ਅਤੇ ਯਸ਼ਇੰਦਰ ਕੌਰ ਨੂੰ ਮਿਲਣ ਦੇ ਬਹਾਨੇ ਬੁਲਾ ਕੇ ਉਸਦਾ ਕਤਲ ਕਰ ਦਿੱਤਾ। ਇਕ ਕਾਰ ਵਿੱਚ ਗੋਲੀਆਂ ਮਾਰ ਕੇ ਕੀਤੇ ਇੰਦਰ ਦੇ ਕਤਲ ਤੋਂ ਬਾਅਦ ਇੰਦਰ ਨੂੰ ਲੁਧਿਆਣਾ ਚੰਡੀਗੜ੍ਹ ਰੋਡ ਉਤੇ ਪੈਂਦੇ ਨੀਲੋਂ ਪੁੱਲ ਤੋਂ ਨਹਿਰ ਚ ਸੁੱਟ ਦਿੱਤਾ ਗਿਆ।
ਪੁਲਿਸ ਨੇ ਇਸ ਮਾਮਲੇ ਚ ਸੁਖਵਿੰਦਰ ਸੁੱਖਾ ਦੇ ਪਿਤਾ ਪ੍ਰੀਤਮ ਸਿੰਘ ਸਮੇਤ ਦੋ ਹੋਰ ਮੁਲਜ਼ਮਾਂ ਨੂੰ ਕਾਬੂ ਕੀਤਾ ਹੈ ਅਤੇ ਉਹਨਾਂ ਕੋਲੋਂ 2 ਪਿਸਤੌਲਾਂ ਬਰਾਮਦ ਕੀਤੀਆਂ ਗਈਆਂ ਨੇ।
