ਕੌਮੀ ਰਾਜਧਾਨੀ ਦਿੱਲੀ ਸ਼ੁਕਰਵਾਰ ਸ਼ਾਮ ਇਕ ਦਿਲ ਦਹਿਲਾ ਦੇਣ ਵਾਲੇ ਹਾਦਸੇ ਦਾ ਕੇਂਦਰ ਬਣੀ। ਮੁੰਡਕਾ ਇਲਾਕੇ ਦੀ ਇਕ ਵਪਾਰਕ ਇਮਾਰਤ ਚ ਲੱਗੀ ਭੀਸ਼ਣ ਅੱਗ ਚ 27 ਲੋਕ ਝੁਲਸ ਕੇ ਸਵਾਹ ਹੋ ਗਏ। ਵੇਖਦਿਆਂ ਹੀ ਵੇਖਦਿਆਂ ਅੱਗ ਫ਼ੈਲਦੀ ਗਈ ਅਤੇ ਬਿਲਡਿੰਗ ਦੇ ਸ਼ੀਸ਼ੇ ਤੋੜਦੇ ਲੋਕ, ਮਹਿਲਾਵਾਂ, ਕੰਮਕਾਜੀ ਕਰਮਚਾਰੀ ਬਿਲਡਿੰਗ ਵਿਚੋਂ ਨਿੱਕਲ ਨਾ ਪਾਉਣ ਕਾਰਣ ਅੱਗ ਚ ਸੜ ਕੇ ਮਰ ਗਏ।
ਹਾਦਸਾ ਲੂ ਕੰਢੇ ਖੜ੍ਹ ਕਰ ਦੇਣ ਵਾਲ਼ਾ ਸੀ। ਇਮਾਰਤ ਵਿੱਚੋਂ ਝੁਲਸ ਰਹੇ ਲੋਕ ਖਾਸਕਰ ਮਹਿਲਾਵਾਂ ਬਿਲਡਿੰਗ ਤੋਂ ਛਾਲਾਂ ਮਾਰਦੀਆਂ ਵੇਖੀਆਂ ਗਈਆਂ। ਪੌੜੀਆਂ ਲਾਕੇ ਲੋਕਾਂ ਨੂੰ ਕੱਢਣ ਦੀਆਂ ਕੋਸ਼ਿਸ਼ਾਂ ਵੀ ਨਾਕਾਮਯਾਬ ਰਹੀਆਂ ਅਤੇ ਹਾਦਸੇ ਚ 27 ਮੌਤਾਂ ਹੋ ਗਈਆਂ। Building ਮਾਲਕਾਂ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ।
ਬੀਤੇ 25 ਸਾਲਾਂ ਦਾ ਦਿੱਲੀ ਦਾ ਇਹ ਸੱਭ ਤੋਂ ਭਿਆਨਕ ਹਾਦਸਾ ਹੈ ਜਿਸ ਵਿਚ 27 ਲਾਸ਼ਾਂ ਰਿਪੋਰਟ ਫਾਈਲ ਹੋਣ ਤੱਕ ਮਿਲ ਚੁੱਕੀਆਂ ਸਨ। ਪ੍ਰਧਾਮੰਤਰੀ ਨਰਿੰਦਰ ਮੋਦੀ, ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ, ਰੱਖਿਆ ਮੰਤਰੀ ਰਾਜਨਾਥ ਸਿੰਘ, ਦਿੱਲੀ ਦੇ CM ਅਰਵਿੰਦ ਕੇਜਰੀਵਾਲ ਸਮੇਤ ਦੇਸ਼ ਦੇ ਤਮਾਮ ਵੱਡੇ ਆਗੂਆਂ ਵਲੋਂ ਇਸ ਦੁਰਘਟਨਾ ਅਤੇ ਤ੍ਰਾਸਦੀ ਉੱਤੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ। ਪ੍ਰਧਾਨਮੰਤ੍ਰੀ ਮੋਦੀ ਨੇ ਕੌਮੀ ਰਿਲੀਫ਼ ਫੰਡ ਤੋਂ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 2-2 ਲੱਖ ਦੇਣ ਦਾ ਐਲਾਨ ਕੀਤਾ ਹੈ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਦਿੱਲੀ ਚ 1997 ਚ ਉਪਹਾਰ ਸਿਨੇਮਾ ਕਾਂਢ ਹੋਇਆ ਸੀ ਜਿਸ ਵਿੱਚ 59 ਮੌਤਾਂ ਹੋਈਆਂ ਸਨ। ਬਾਰਡਰ ਫਿਲਮ ਵੇਖਣ ਗਏ 59 ਲੋਕ ਉਸ ਤ੍ਰਾਸਦੀ ਚ ਝੁਲਸ ਕੇ ਮਰ ਗਏ ਸਨ। ਸ਼ੁਕਰਵਾਰ ਦਾ ਹਾਦਸਾ ਕੌਮੀ ਰਾਜਧਾਨੀ ਦਾ ਇਕ ਵੱਡਾ ਹਾਦਸਾ ਹੈ ਜੋ ਕਿ ਵਪਾਰਕ ਬਿਲਡਿੰਗਾਂ ਦੇ ਫਾਇਰ ਸੇਫਟੀ norms ਉੱਤੇ ਕਈ ਗੰਭੀਰ ਸਵਾਲ ਚੁੱਕਦਾ ਹੈ।
