ਬਿਓਰੋ। ਪੰਜਾਬ ‘ਚ ਅਕਾਲੀ ਦਲ ਦੇ ਨਾਲ ਗਠਜੋੜ ਕਰਨ ਵਾਲੀ ਬਹੁਜਨ ਸਮਾਜ ਪਾਰਟੀ ਵੀ ਪੂਰੇ ਐਕਸ਼ਨ ਮੋਡ ‘ਚ ਹੈ। ਹੁਣ ਖੁਦ BSP ਸੁਪਰੀਮੋ ਮਾਇਆਵਤੀ ਨੇ ਕੈਪਟਨ ਸਰਕਾਰ ‘ਤੇ ਹਮਲਾ ਬੋਲਿਆ ਹੈ। ਬਿਜਲੀ ਸੰਕਟ ਦੇ ਬਹਾਨੇ ਮਾਇਆਵਤੀ ਨੇ ਕਾਂਗਰਸ ਨੂੰ ਆਪਸੀ ਖਿੱਚੋਤਾਣ ਦੇ ਮੁੱਦੇ ‘ਤੇ ਘੇਰਿਆ ਹੈ।
ਮਾਇਆਵਤੀ ਨੇ ਪੰਜਾਬ ਸਰਕਾਰ ‘ਤੇ ਹਮਲਾ ਬੋਲਦੇ ਹੋਏ ਟਵੀਟ ਕੀਤਾ, “ਪੰਜਾਬ ‘ਚ ਬਿਜਲੀ ਦੇ ਗੰਭੀਰ ਸੰਕਟ ਨਾਲ ਆਮ ਜਨਜੀਵਨ, ਉਦਯੋਗ-ਧੰਦੇ ਅਤੇ ਖੇਤੀ-ਕਿਸਾਨੀ ਬੁਰੀ ਤਰ੍ਹਾਂ ਨਾਲ ਪ੍ਰਭਾਵਿਤ ਹੈ, ਜੋ ਇਹ ਸਾਬਿਤ ਕਰਦਾ ਹੈ ਕਿ ਉਥੋਂ ਦੀ ਕਾਂਗਰਸ ਸਰਕਾਰ ਆਪਸੀ ਧੜੇਬੰਦੀ, ਖਿੱਚੋਤਾਣ ਅਤੇ ਟਕਰਾਅ ‘ਚ ਉਲਝ ਕੇ ਲੋਕਹਿੱਤ ਅਤੇ ਲੋਕ ਕਲਿਆਣ ਦੀ ਜ਼ਿੰਮੇਵਾਰੀ ਨੂੰ ਤਿਲਾਂਜਲੀ ਦੇ ਚੁੱਕੀ ਹੈ. ਜਿਸਦਾ ਜਨਤਾ ਨੂੰ ਨੋਟਿਸ ਲੈਣਾ ਜ਼ਰੂਰੀ ਹੈ।”
ਬਿਜਲੀ ਦੇ ਬਹਾਨੇ ਮੰਗਿਆ ਸਾਥ
BSP ਸੁਪਰੀਮੋ ਨੇ ਇੱਕ ਦੂਜੇ ਟਵੀਟ ‘ਚ ਲਿਖਿਆ, “ਪੰਜਾਬ ਦੇ ਬਿਹਤਰ ਭਵਿੱਖ ਅਤੇ ਸੂਬੇ ‘ਚ ਲੋਕਾਂ ਦੀ ਭਲਾਈ ਇਸੇ ‘ਚ ਹੈ ਕਿ ਉਹ ਕਾਂਗਰਸ ਪਾਰਟੀ ਦੀ ਸਰਕਾਰ ਤੋਂ ਮੁਕਤੀ ਪਾਉਣ ਅਤੇ ਅਗਾਮੀ ਵਿਧਾਨ ਸਭਾ ਚੋਣਾਂ ‘ਚ ਸ਼੍ਰੋਮਣੀ ਅਕਾਲੀ ਦਲ ਅਤੇ BSP ਗਠਜੋੜ ਦੀ ਪੂਰਨ ਬਹੁਮਤ ਵਾਲੀ ਸਰਕਾਰ ਬਣਾਉਣਾ ਸੁਨਿਸ਼ਚਿਤ ਕਰਨ, ਅਜਿਹੀ ਮੇਰੀ ਸਾਰਿਆਂ ਤੋਂ ਗੁਜ਼ਾਰਿਸ਼ ਹੈ।”
2. अतः पंजाब के बेहतर भविष्य व राज्य में वहाँ के लोगों की भलाई इसी में निहित है कि वे कांग्रेस पार्टी की सरकार से मुक्ति पाएं तथा आगामी विधानसभा आमचुनाव में शिरोमणि अकाली दल व बी.एस.पी. गठबंधन की पूर्ण बहुमत वाली लोकप्रिय सरकार बनाना सुनिश्चित करें, ऐसी मेरी सभी से गुज़ारिश।
— Mayawati (@Mayawati) July 3, 2021
ਸੁਖਬੀਰ ਨੇ ਵੀ ਮਿਲਾਏ ਸੁਰ
ਮਾਇਆਵਤੀ ਦੇ ਟਵੀਟ ਨੂੰ ਸ਼ੇਅਰ ਕਰਦੇ ਹੋਏ ਸੁਖਬੀਰ ਬਾਦਲ ਨੇ ਲਿਖਿਆ, “ਭੈਣਜੀ ਮਾਇਆਵਤੀ ਨੇ ਠੀਕ ਕਿਹਾ ਹੈ ਕਿ ਪੰਜਾਬ ‘ਚ ਕਾਂਗਰਸ ਦੇ ਆਗੂ ਸਿਰਫ਼ ਸਰਕਾਰੀ ਲੁੱਟ ਲਈ ਲੜਨ ‘ਚ ਲੱਗੇ ਹਨ। ਬਿਜਲੀ ਕਟੌਤੀ ਦਾ ਸਾਹਮਣਾ ਕਰ ਰਹੇ ਝੋਨਾ ਕਿਸਾਨਾਂ ਅਤੇ ਆਮ ਲੋਕਾਂ ਦੀ ਚਿੰਤਾ ਨਾਲ ਇਹਨਾਂ ਨੂੰ ਕੋਈ ਮਤਲਬ ਨਹੀਂ ਹੈ।”
Bahenji @Mayawati has rightly pointed out that Congress leaders in Punjab are only interested in fighting for the spoils of office & that concerns of ppl including paddy farmers & common man who are facing power cuts is of no concern to them. https://t.co/0qD6SJvx2F
— Sukhbir Singh Badal (@officeofssbadal) July 3, 2021
ਪੰਜਾਬ ‘ਚ ਕਰੀਬ 25 ਸਾਲਾਂ ਬਾਅਦ ਅਕਾਲੀ ਦਲ ਅਤੇ BSP ਮਿਲ ਕੇ ਚੋਣ ਲੜ ਰਹੇ ਹਨ। ਅਕਾਲੀ ਦਲ 97 ਅਤੇ BSP 20 ਸੀਟਾਂ ‘ਤੇ ਚੋਣ ਲੜੇਗੀ। ਇਸ ਗਠਜੋੜ ਤੋਂ ਦੋਵੇਂ ਹੀ ਪਾਰਟੀਆਂ ਨੂੰ ਖਾਸੀਆਂ ਉਮੀਦਾਂ ਹਨ।
