ਪੰਜਾਬ: ਚੋਰੀ ਦੀਆਂ ਵਾਰਦਾਤਾਂ ਦਿਨੋਂ ਦਿਨ ਵਧਦੀ ਹੀ ਜਾ ਰਹੀਆਂ ਹਨ। ਅਜਿਹਾ ਹੀ ਇਕ ਮਾਮਲਾ ਨੂਰਪੁਰ ਬੇਦੀ ਤੋਂ ਸਾਹਮਣੇ ਆਇਆ ਹੈ ਜਿਥੇ ਨੂਰਪੁਰ ਬੇਦੀ ਰੂਪਨਗਰ ਮੁੱਖ ਮਾਰਗ ਤੇ ਪੈਦੇ ਪਿੰਡ ਬਜਰੂੜ ਚ ਐਸਬੀਆਈ ਦਾ ਏਟੀਐਮ ਨੂੰ ਚੋਰਾਂ ਵਲੋ ਨਿਸਾਨਾ ਬਣਾਇਆ ਗਿਆ ਨੇ ਇਸ ਏਟੀਐੱਮ ਚੋ 19 ਲੱਖ 17 ਹਜਾਰ ਰੁਪਏ ਲੁੱਟ ਲਏ ਹਨ।
ਬੈਕ ਕਰਮਚਾਰੀ ਦੇ ਮੁਤਾਬਿਕ ਲੁਟੇਰਿਆਂ ਨੇ ਪਹਿਲਾ ਏਟੀਐੱਮ ਦੇ ਕੈਮਰੇ ਤੇ ਸਪ੍ਰੇਅ ਪਾਈ ਤੇ ਫਿਰ ਗੈਸ ਕਟਰ ਦੀ ਸਹਾਇਤਾ ਦੇ ਨਾਲ ਏਟੀਐੱਮ ਦਾ ਸ਼ਟਰ ਕੱਟਕੇ ਤੇ ਬਾਅਦ ਦੇ ਵਿੱਚ ਏਟੀਐੱਮ ਮਸ਼ੀਨ ਨੂੰ ਕੱਟ ਕੇ ਇਸ ਵਿੱਚ ਪਿਆ ਕੈਸ਼ ਲੁੱਟ ਕੇ ਲੈ ਗਏ ।
ਮਾਮਲੇ ਦੀ ਜਾਣਕਾਰੀ ਮਿਲਦੇ ਹੀ ਪੁਲਿਸ ਮੌਕੇ ਤੇ ਪਹੁੰਚੀ ਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕੀਤੀ। ਮਿਲੀ ਜਾਣਕਾਰੀ ਅਨੁਸਾਰ ਦਸ ਦਈਏ ਕਿ ਇਹ ਘਟਨਾ ਨੂਰਪੁਰ ਬੇਦੀ ਰੂਪਨਗਰ ਮੁੱਖ ਮਾਰਗ ਤੇ ਪਿੰਡ ਬਜਰੂੜ ਸਥਿਤ ਐੱਸਬੀਆਈ ਬਰਾਂਚ ਦੀ ਹੈ।
ਇਸ ਮਾਮਲੇ ਦੀ ਤਫਤੀਸ਼ ਕਰ ਰਹੇ ਏ ਐੱਸ ਆਈ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸਵੇਰੇ ਇਸ ਚੋਰੀ ਦੀ ਘਟਨਾ ਦੀ ਮੈਨੇਜਰ ਸਾਹਬ ਵੱਲੋਂ ਸੂਚਨਾ ਦਿੱਤੀ ਗਈ ਸੀ ,ਜਦੋ ਮੋਕੇ ਤੇ ਪਹੁੰਚਕੇ ਦੇਖਿਆ ਕਿ ਚੋਰਾਂ ਵੱਲੋਂ ਸੀਸੀਟੀਵੀ ਕੈਮਰਿਆਂ ਤੇ ਸਪਰੇਅ ਮਾਰਕੇ ਇਸ ਏਟੀਐੱਮ ਦਾ ਸ਼ਟਰ ਗੈਸ ਕਟਰ ਨਾਲ ਕੱਟਿਆ ਗਿਆ ਅਤੇ ਬਾਅਦ ਦੇ ਵਿੱਚ ਏਟੀਐਮ ਮਸ਼ੀਨ ਨੂੰ ਗੈਸ ਕਟਰ ਨਾਲ ਕੱਟ ਕੇ ਉੱਨੀ ਲੱਖ ਤੋਂ ਵੱਧ ਦੀ ਰਾਸ਼ੀ ਲੈ ਕੇ ਲੁਟੇਰੇ ਫਰਾਰ ਹੋ ਗਏ ,ਪੁਲਿਸ ਸੀਸੀਟੀਵੀ ਦੀ ਮਦਦ ਨਾਲ ਚੋਰ ਨੂੰ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਅਤੇ ਮਾਮਲੇ ਦੀ ਜਾਂਚ ਜਾਰੀ ਹੈ।
