September 12, 2022
(New Delhi)
ਕੌਮੀ ਜਾੰਚ ਏਜੰਸੀ(NIA) ਨੇ ਗੈੰਗਸਟਰਾੰ ‘ਤੇ ਵੱਡੀ ਕਾਰਵਾਈ ਕਰਦੇ ਹੋਏ ਸੋਮਵਾਰ ਨੂੰ ਪੰਜਾਬ, ਹਰਿਆਣਾ, ਰਾਜਸਥਾਨ ਅਤੇ ਦਿੱਲੀ-NCR ‘ਚ ਕਰੀਬ 50 ਟਿਕਾਣਿਆੰ ‘ਤੇ ਛਾਪੇਮਾਰੀ ਕੀਤੀ। NIA ਦੀ ਜਾੰਚ ਵਿੱਚ ਸਾਹਮਣੇ ਆਇਆ ਕਿ ਵਿਦੇਸ਼ਾੰ ‘ਚ ਬੈਠੇ ਗੈੰਗਸਟਰ ਅਤੇ ਹਿੰਦੁਸਤਾਨ ਦੀਆੰ ਵੱਖ-ਵੱਖ ਜੇਲ੍ਹਾੰ ਵਿੱਚ ਬੰਦ ਗੈੰਗਸਟਰ ਆਪਣਾ ਇੱਕ ਵੱਖਰਾ ਲੈਵਲ ਦਾ ਨੈੱਟਵਰਕ ਚਲਾ ਰਹੇ ਹਨ ਅਤੇ ਲਗਾਤਾਰ ਵਾਰਦਾਤਾੰ ਨੂੰ ਅੰਜਾਮ ਦੇ ਰਹੇ ਹਨ। ਇੰਨਾ ਹੀ ਨਹੀੰ, ਜਾੰਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਇਹਨਾੰ ਗੈੰਗਸਟਰਾੰ ਦੇ ਲਿੰਕ ਅੱਤਵਾਦੀ ਜਥੇਬੰਦੀਆੰ ਨਾਲ ਵੀ ਹਨ।
ਸਰਚ ਅਪਰੇਸ਼ਨ ‘ਚ ਹੋਏ ਖੁਲਾਸੇ
NIA ਮੁਤਾਬਕ, ਹਾਲ ਹੀ ਵਿੱਚ ਸਨਸਨੀਖੇਜ਼ ਵਾਰਦਾਤਾੰ ਕਰਨਾ ਅਤੇ ਵਸੂਲੀ ਲਈ ਲੋਕਾੰ ਨੂੰ ਧਮਕਾਉਣ ਦਾ ਸਿਲਸਿਲਾ ਜਾਰੀ ਸੀ, ਜਿਸ ਨਾਲ ਲੋਕਾੰ ਦੇ ਮਨਾੰ ਵਿੱਚ ਡਰ ਪੈਦਾ ਹੋ ਰਿਹਾ ਸੀ। ਜਾੰਚ ਵਿੱਚ ਵੀ ਸਾਹਮਣੇ ਆਇਆ ਕਿ ਇਹ ਗੈੰਗਸਟਰ ਵੱਡੇ ਪੈਮਾਨੇ ‘ਤੇ ਲੋਕਾੰ ਦੇ ਵਿੱਚ ਦਹਿਸ਼ਤ ਪੈਦਾ ਕਰਨ ਲਈ ਅਤੇ ਆਪਣੀਆੰ ਵਾਰਦਾਤਾੰ ਦਾ ਪ੍ਰਚਾਰ ਕਰਨ ਲਈ ਸਾਈਬਰ ਸਪੇਸ ਦਾ ਵੀ ਇਸਤੇਮਾਲ ਕਰ ਰਹੇ ਸਨ।
ਜਾੰਚ ਵਿੱਚ ਪਤਾ ਲੱਗਿਆ ਹੈ ਕਿ ਜੋ ਗੈੰਗਸਟਰ ਵਿਦੇਸ਼ ਭੱਜ ਗਏ ਹਨ, ਉਹ ਉਥੋੰ ਹੀ ਆਪਰੇਟ ਕਰ ਰਹੇ ਹਨ ਜਿਵੇੰ ਪਾਕਿਸਤਾਨ, ਕੈਨੇਡਾ, ਮਲੇਸ਼ੀਆ, ਆਸਟ੍ਰੇਲੀਆ ਤੋੰ ਆਪਣਾ ਗੈੰਗ ਚਲਾ ਰਹੇ ਹਨ। ਇਹ ਗਿਰੋਹ ਡਰੱਗਜ਼ ਅਤੇ ਹਥਿਆਰਾੰ ਦੀ ਤਸਕਰੀ ਦੇ ਜ਼ਰੀਏ ਇਸ ਤਰ੍ਹਾੰ ਦੀਆੰ ਅਪਰਾਧਿਕ ਗਤੀਵਿਧੀਆੰ ਨੂੰ ਅੰਜਾਮ ਦੇਣ ਲਈ ਫੰਡ ਵੀ ਜੁਟਾ ਰਹੇ ਸਨ।
NIA ਨੂੰ ਮਿਲੇ ਹਥਿਆਰ ਅਤੇ ਅਹਿਮ ਦਸਤਾਵੇਜ਼
NIA ਨੂੰ ਤਲਾਸ਼ੀ ਦੇ ਦੌਰਾਨ 6 ਪਿਸਟਲ, ਇੱਕ ਰਿਵਾਲਵਰ, ਇੱਕ ਸ਼ੌਟਗਨ ਅਤੇ ਗੋਲਾ-ਬਾਰੂਦ ਬਰਾਮਦ ਹੋਇਆ ਹੈ। ਇਸ ਤੋੰ ਇਲਾਵਾ ਡਰੱਗਜ਼, ਨਗਦੀ, ਇਤਰਾਜ਼ਯੋਗ ਦਸਤਾਵੇਜ਼, ਇਲੈਕਟ੍ਰਾਨਿਕ ਡਿਵਾਈਸ, ਬੇਨਾਮੀ ਜਾਇਦਾਦ ਦੇ ਕਾਗਜ਼ਾਤ, ਧਮਕੀ ਭਰੇ ਪੱਤਰ ਆਦਿ ਵੀ NIA ਨੇ ਜ਼ਬਤ ਕੀਤੇ ਹਨ।
ਇਹਨਾੰ ਥਾਵਾੰ ‘ਤੇ ਕੀਤੀ ਛਾਪੇਮਾਰੀ
ਇਹਨਾੰ ਗੈੰਗਸਟਰਾੰ ਦੇ ਪੂਰੇ ਨੈੱਟਵਰਕ ਨੂੰ ਖਤਮ ਕਰਨ ਲਈ NIA ਨੇ ਪੰਜਾਬ ਦੇ ਫਾਜ਼ਿਲਕਾ, ਫਰੀਦਕੋਟ, ਮੁਕਤਸਰ ਸਾਹਿਬ, ਮੋਗਾ, ਤਰਨਤਾਰਨ, ਅੰਮ੍ਰਿਤਸਰ, ਲੁਧਿਆਣਾ, ਮੋਹਾਲੀ, ਚੰਡੀਗੜ੍ਹ, ਹਰਿਆਣਾ ਦੇ ਗੁਰੂਗ੍ਰਾਮ, ਭਿਵਾਨੀ, ਯਮੁਨਾਨਗਰ, ਸੋਨੀਪਤ ਅਤੇ ਝੱਜਰ ਜ਼ਿਲ੍ਹੇ, ਰਾਜਸਥਾਨ ਦੇ ਹਨੂਮਾਨਗੜ੍ਹ ਅਤੇ ਗੰਗਾਨਗਰ ਜ਼ਿਲ੍ਹੇ ਅਤੇ ਦਿੱਲੀ-NCR ਦੇ ਦਵਾਰਕਾ, ਆਊਟਰ ਨਾਰਥ, ਨਾਰਥ ਈਸਟ, ਨਾਰਥ ਵੈਸਟ ਅਤੇ ਸ਼ਹਾਦਰਾ ‘ਚ ਛਾਪੇਮਾਰੀ ਕੀਤੀ।
ਇਹਨਾੰ ਗੈੰਗਸਟਰਾੰ ਦੇ ਟਿਕਾਣਿਆੰ ‘ਤੇ ਮਾਰਿਆ ਛਾਪਾ
- ਗੋਲਡੀ ਬਰਾੜ, ਇਸ ਵਕਤ ਕੈਨੇਡਾ ‘ਚ
- ਲਾਰੈੰਸ ਬਿਸ਼ਨੋਈ
- ਜੱਗੂ ਭਗਵਾਨਪੁਰੀਆ
- ਵਰਿੰਦਰ ਪ੍ਰਤਾਪ ਉਰਫ ਕਾਲਾ ਰਾਣਾ
- ਕਾਲਾ ਜਠੇੜੀ
- ਵਿਕਰਮ ਬਰਾੜ
- ਗੌਰਵ ਪਟਿਆਲ ਉਰਫ ਲੱਕੀ ਪਟਿਆਲ
- ਨੀਰਜ ਬਵਾਨੀਆ
- ਕੌਸ਼ਲ ਚੌਧਰੀ
- ਟਿੱਲੂ ਤਾਜਪੁਰੀਆ
- ਅਮਿਤ ਡਾਗਰ
- ਦੀਪਕ ਕੁਮਾਰ(ਟੀਨੂੰ)
- ਸੰਦੀਪ(ਬੰਦਰ)
- ਉਮੇਸ਼(ਕਾਲਾ)
- ਇਰਫਾਨ(ਚੀਨੂ ਭਲਵਾਨ)
- ਆਸ਼ਿਮ(ਹਾਸ਼ਿਮ ਬਾਬਾ)
- ਸਚਿਨ ਭਾਣਜਾ
