ਦਿੱਲੀ ਕੁੰਡਲੀ ਸਿਘੂ ਮੋਰਚੇ ਨੂੰ ਸਬੰਧਿਤ ਕਰਦਿਆਂ ਕਿਸਾਨ ਮਜਦੂਰ ਸਘੰਰਸ਼ ਕਮੇਟੀ ਪੰਜਾਬ ਦੇ ਸੂਬਾ ਪ੍ਰਧਾਨ ਸਤਨਾਮ ਸਿੰਘ ਪੰਨੂੰ,ਸੂਬਾ ਜਰਨਲ ਸਕੱਤਰ ਸਰਵਣ ਸਿੰਘ ਪੰਧੇਰ ਨੇ ਕਿਹਾ ਕਿ ਸੁਪਰੀਮ ਕੋਰਟ ਵੱਲੋਂ ਜੋ ਚਾਰ ਮੈਂਬਰੀ ਕਮੇਟੀ ਬਣਾਈ ਹੈ ਉਸ ਵਿੱਚ ਅੱਜ ਸਾਡੀ ਜਥੇਬੰਦੀ ਪੇਸ਼ ਨਹੀਂ ਹੋਵੇਗੀ। ਅੱਗੇ ਉਹਨਾਂ ਕਿਹਾ ਕਿ ਗਣਰਾਜ ਦਿਹਾੜਾ ਮਨਾਉਣਾ ਕਿਸਾਨਾਂ ਮਜਦੂਰਾਂ ਦਾ ਹੱਕ ਹੈ। ਕੇਂਦਰ ਦੀ ਮੋਦੀ ਸਰਕਾਰ ਸੁਪਰੀਮ ਕੋਟ ਰਾਹੀਂ ਟ੍ਰੈਕਟਰ ਪਰੇਟ ਤੇ ਪਾਬੰਦੀ ਲਾਉਣ ਲਈ ਪੱਬਾਂ ਭਾਰ ਹੈ। ਜਿਸ ਵਿੱਚ ਉਹ ਅੱਜ ਤੱਕ ਨਾ ਕਾਮਯਾਬ ਹੈ,ਕਿਸਾਨਾਂ ਮਜਦੂਰਾਂ ਦੇ ਜਮਹੂਰੀ ਹੱਕ ਖੋਹਣ ਦੀ ਮਨਸਾ ਰੱਖਣਾ ਲੋਕਤੰਤਰ ਦਾ ਘਾਣ ਹੈ। ਐਨ.ਆਈ.ਏ. ਦੁਵਾਰਾ ਕਿਸਾਨ ਮਜਦੂਰਾਂ ਵਿਰੁੱਧ ਲਗਾਤਾਰ ਨੋਟਿਸ ਭੇਜ ਕੇ ਉਹਨਾਂ ਨੂੰ ਡਰਾਉਣ ਦੀ ਕੋਸ਼ਿਸ਼ ਕਰਨਾ ਅੰਦੋਲਨ ਵਿੱਚ ਸਾਮਲ ਹੱਕ ਨੂੰ ਪਾਉਣ ਦੀ ਕਾਰਵਾਈ ਹੈ। ਕੇਂਦਰ ਸਰਕਾਰ ਦੀ ਇਹ ਕਾਰਵਾਈ ਵਿਰੋਧ ਨਖੇਦੀ,ਮਤਾ ਮੋਰਚੇ ਵਿੱਚ ਬੈਠੀ ਆਮ ਜਨਤਾਂ ਨੇ ਸਰਬ ਸਮਤੀ ਨਾਲ ਪਾਸ ਕੀਤਾ। ਆਗੂਆਂ ਨੇ ਕਿਹਾ ਪੰਜਾਬੀਆਂ ਤੇ ਦੇਸ਼ ਵਾਸੀਆਂ ਨੂੰ ਨਿਰਾਸ ਨਹੀਂ ਹੋਣਾ ਚਾਹੀਦਾ, ਦਿੱਲੀ ਮੋਰਚਾ ਲੰਬਾ ਚੱਲੇਗਾ। ਇਸ ਲੰਬੇ ਸਘੰਰਸ਼ ਦੀ ਮਾਨਸਿਕ ਤਿਆਰੀ ਕਰਕੇ ਇਸ ਦਾ ਦਾਇਰਾ ਹੋਰ ਵਿਸਾਲ ਕਰਨਾ ਚਾਹੀਦਾ ਹੈ, ਆਉਣ ਵਾਲੇ ਦਿਨਾਂ ਵਿੱਚ ਅੰਦੋਲਨ ਨੂੰ ਹੋਰ ਤੇਜ ਕੀਤਾ ਜਾਵੇਗਾ। ਅੰਬਾਨੀਆ,ਅਡਾਨੀਆ ਦੇ ਉਤਪਾਦਾਂ ਦਾ ਬਾਈਕਾਟ ਜਾਰੀ ਰੱਖਿਆ ਜਾਵੇ ਤੇ ਉਸ ਨੂੰ ਹੋਰ ਵਧਾਇਆ ਜਾਵੇ।ਇਸ ਮੌਕੇ ਗੁਰਬਚਨ ਸਿੰਘ ਚੱਬਾ, ਲਖਵਿੰਦਰ ਸਿੰਘ ਵਰਿਆਮਨੰਗਲ,ਜਰਮਨਜੀਤ ਸਿੰਘ ਬੰਡਾਲਾ,ਸਕੱਤਰ ਸਿੰਘ ਕੋਟਲਾ,ਰਾਜ ਸਿੰਘ ਤਾਜੇਚੱਕ,ਕੁਲਵੰਤ ਸਿੰਘ ਕੱਕੜ,ਗੁਰਦੇਵ ਸਿੰਘ ਗੱਗੋਮਾਹਲ,ਅਜੀਤ ਸਿੰਘ ਠੱਠੀਆਂ, ਹਰਬਿੰਦਰ ਸਿੰਘ ਭਲਾਈਪੁਰ,ਕੰਵਲਜੀਤ ਸਿੰਘ ਜੋਧਾਨਗਰੀ ਆਦਿ ਆਗੂ ਹਾਜਰ ਸਨ।
