ਬਿਓਰੋ। ਪੀਐੱਮ ਨਰੇਂਦਰ ਮੋਦੀ ਦੀ ਸੁਰੱਖਿਆ ‘ਚ ਕੁਤਾਹੀ ਨੂੰ ਲੈ ਕੇ ਚੰਨੀ ਸਰਕਾਰ ‘ਤੇ ਲਗਾਤਾਰ ਸਵਾਲ ਉਠ ਰਹੇ ਹਨ। ਹੁਣ ਇੰਟਰਨਲ ਸਕਿਉਰਿਟੀ ਮੈਮੋ ਕਾਰਨ ਵੀ ਸਰਕਾਰ ਘਿਰਦੀ ਨਜ਼ਰ ਆ ਰਹੀ ਹੈ। ਦਰਅਸਲ, ਪੰਜਾਬ ਦੇ ADGP ਲਾਅ ਐਂਡ ਆਰਡਰ ਨੇ 3 ਵਾਰ ਚੰਨੀ ਸਰਕਾਰ ਨੂੰ ਕਿਸਾਨਾਂ ਦੇ ਧਰਨੇ ਕਾਰਨ ਰੋਡ ਬਲਾਕ ਹੋਣ ਦੇ ਬਾਰੇ ਚੇਤਾਵਨੀ ਦਿੱਤੀ ਸੀ ਅਤੇ ਪੁਲਿਸ ਨੂੰ ਡਾਇਵਰਜ਼ਨ ਪਲਾਨ ਬਣਾਉਣ ਲਈ ਕਿਹਾ ਗਿਆ ਸੀ। 1, 3 ਅਤੇ 4 ਜਨਵਰੀ ਨੂੰ ਇਹ ਨਿਰਦੇਸ਼ ਭੇਜੇ ਗਏ ਸਨ, ਪਰ ਕਿਸੇ ਨੇ ਇਸਨੂੰ ਗੰਭੀਰਤਾ ਨਾਲ ਨਹੀਂ ਲਿਆ।
ਪਹਿਲਾ ਮੈਮੋ- ਐਡਵਾਂਸ ਰੂਟ ਅਰੇਂਜਮੈਟਸ ਦੀ ਪਲਾਨਿੰਗ ਹੋਵੇ
1 ਜਨਵਰੀ ਨੂੰ ਭੇਜੇ ਗਏ ਇੰਟਰਨਲ ਮੈਮੋ ਵਿੱਚ ਕਿਹਾ ਗਿਆ ਸੀ ਕਿ 5 ਜਨਵਰੀ ਨੂੰ ਮੀਂਹ ਦੀ ਸੰਭਾਵਨਾ ਦੇ ਚਲਦੇ CM ਅਤੇ ਦੂਜੇ VIPs ਸੜਕ ਮਾਰਗ ਰਾਹੀਂ ਆ ਸਕਦੇ ਹਨ। ਖਾਸਕਰ ਚੰਡੀਗੜ੍ਹ ਤੋਂ ਫਿਰੋਜ਼ਪੁਰ ਸੈਕਟਰ ਦਾ ਇਸਤੇਮਾਲ ਹੋ ਸਕਦਾ ਹੈ। ਇਸਦੇ ਲਈ ਐਡਵਾਂਸ ਵਿੱਚ ਰੂਟ ਅਰੇਂਜਮੈਂਟਸ ਦੀ ਪਲਾਨਿੰਗ ਕਰਨ ਨੂੰ ਕਿਹਾ ਗਿਆ ਸੀ।
ਦੂਜਾ ਮੈਮੋ- ਐਡਵਾਂਸ ‘ਚ ਵੈਕਲਪਿਕ ਰੂਪ ਬਣਾਓ
ਇਸ ਤੋਂ ਬਾਅਦ 3 ਜਨਵਰੀ ਨੂੰ ਇਕ ਹੋਰ ਇੰਟਰਨਲ ਮੈਮੋ ਭੇਜਿਆ ਗਿਆ ਸੀ, ਜਿਸ ਵਿੱਚ ਕਿਹਾ ਗਿਆ ਕਿ ਫ਼ਿਰੋਜ਼ਪੁਰ ਵਿੱਚ ਗੰਨੇ ਦੇ ਖੇਤ, ਨਹਿਰ ਅਤੇ ਟਿਊਬਵੈੱਲ ਹਨ। ਇੱਥੇ ਵੀ ਪੁਲਿਸ ਫੋਰਸ ਦੀ ਤੈਨਾਤੀ ਬਾਰੇ ਵਿਚਾਰ ਕੀਤਾ ਜਾਵੇ। ਇਸ ਵਿੱਚ ਇਹ ਵੀ ਸੁਨਿਸ਼ਚਿਤ ਕਰਨ ਨੂੰ ਕਿਹਾ ਗਿਆ ਸੀ ਕਿ ਪ੍ਰਦਰਸ਼ਨਕਾਰੀ ਰੈਲੀ ਦਾ ਰੂਟ ਬਲਾਕ ਨਾ ਕਰਨ।
ਐਡਵਾਂਸ ਵੈਕਲਪਿਕ ਰੂਪ ਬਣਾਇਆ ਜਾਵੇ। ਇਸ ਤੋਂ ਇਲਾਵਾ ਰਾਸ਼ਟਰ ਵਿਰੋਧੀ ਤੱਤਾਂ, ਟਿਫਨ ਬੰਬ, ਗ੍ਰਨੇਡ ਅਤੇ IED ਦੀ ਫੋਟੋ ਵੀ ਗਜ਼ਟਿਡ ਅਫਸਰਾਂ ਨੂੰ ਦੇਣ ਨੂੰ ਕਿਹਾ ਗਿਆ ਸੀ, ਤਾਂ ਜੋ ਉਹ ਆਪਣੇ ਮੁਲਾਜ਼ਮਾਂ ਨੂੰ ਵਿਖਾ ਸਕਣ। ਰੂਟ ‘ਤੇ ਪੁਲਿਸ ਮੁਲਾਜ਼ਮਾਂ ਦੇ ਗਰੁੱਪ ਅਤੇ ਮੋਬਾਇਲ ਟੀਮਾਂ ਦੇ ਰੂਪ ਵਿੱਚ ਤੈਨਾਤੀ ਲਈ ਵੀ ਕਿਹਾ ਗਿਆ ਸੀ, ਤਾਂ ਜੋ ਲੋੜ ਪੈਣ ‘ਤੇ ਉਹ ਜਾਮ ਨੂੰ ਹਟਾ ਸਕਣ।
ਤੀਜਾ ਮੈਮੋ- ਰੋਡ ਬਲਾਕ ਹੋ ਸਕਦਾ ਹੈ, ਤਿਆਰੀ ਰੱਖੋ
PM ਦੀ ਵਿਜਿਟ ਤੋਂ 24 ਘੰਟੇ ਪਹਿਲਾਂ 4 ਜਨਵਰੀ ਦੇ ਇੰਟਰਨਲ ਮੈਮੋ ਵਿੱਚ ADGP ਨੇ ਨਿਰਦੇਸ਼ ਦਿੱਤਾ ਸੀ ਕਿ ਕਿਸਾਨਾਂ ਦੀ ਮੂਵਮੈਂਟ ‘ਤੇ ਪੂਰੀ ਨਜ਼ਰ ਰੱਖੀ ਜਾਵੇ। ਉਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਫਿਰੋਜ਼ਪੁਰ ਰੈਲੀ ਵਿੱਚ ਰੁਕਾਵਟ ਨਾ ਪੈਦਾ ਕਰਨ ਦਿੱਤੀ ਜਾਵੇ। ਇਸ ਵਿੱਚ ਇਹ ਵੀ ਕਿਹਾ ਗਿਆ ਸੀ ਕਿ ਧਰਨੇ ਦੀ ਵਜ੍ਹਾ ਨਾਲ ਰੋਡ ਬਲਾਕ ਹੋ ਸਕਦਾ ਹੈ, ਇਸ ਲਈ ਐਡਵਾਂਸ ਵਿੱਚ ਜ਼ਰੂਰੀ ਟ੍ਰੈਫਿਕ ਡਾਇਵਰਜ਼ਨ ਪਲਾਨ ਤਿਆਰ ਕੀਤਾ ਜਾਵੇ।
ਕੁੱਲ ਮਿਲਾ ਕੇ ADGP ਨੇ ਸਬੰਧਤ ਅਧਿਕਾਰੀਆਂ ਨੂੰ 3 ਵਾਰ ਅਲਰਟ ਕੀਤਾ, ਪਰ ਜ਼ਮੀਨ ‘ਤੇ ਕੋਈ ਠੋਸ ਪਲਾਨ ਤਿਆਰ ਨਹੀਂ ਹੋਇਆ ਅਤੇ ਪੀਐੱਮ ਦੀ ਸੁਰੱਖਿਆ ਵਿੱਚ ਵੱਡੀ ਲਾਪਰਵਾਹੀ ਹੋ ਗਈ।
