ਬਿਓਰੋ। ਭਾਰਤ ਦੇ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਨੇ ਓਲੰਪਿਕ ਐਥਲੈਟਿਕਸ ‘ਚ ਦੇਸ਼ ਲਈ ਪਹਿਲੀ ਵਾਰ ਗੋਲਡ ਮੈਡਲ ਜਿੱਤਿਆ ਹੈ। ਇਹ ਜਿੱਤ ਇਸ ਕਰਕੇ ਹੋਰ ਵੀ ਅਹਿਮ ਹੋ ਜਾਂਦੀ ਹੈ, ਕਿਉਂਕਿ ਨੀਰਜ ਨਾ ਸਿਰਫ ਇੱਕ ਖਿਡਾਰੀ ਹਨ, ਬਲਕਿ ਭਾਰਤੀ ਫੌਜ ਦੇ ਜਵਾਨ ਵੀ ਹਨ। ਨੀਰਜ ਚੋਪੜਾ ਭਾਰਤੀ ਫੌਜ ਦੀ 4 ਰਾਜਪੁਤਾਨਾ ਰਾਈਫਲਜ਼ ‘ਚ ਸੂਬੇਦਾਰ ਹਨ।
ਸ਼ਨੀਵਾਰ ਨੂੰ ਜਦੋਂ ਨੀਰਜ ਨੇ ਗੋਲਡ ਮੈਡਲ ਦੇਸ਼ ਦੀ ਝੋਲੀ ਪਾਇਆ, ਤਾਂ ਉਹਨਾਂ ਦੀ ਰੈਜੀਮੈਂਟ ਦੇ ਸਾਥੀਆਂ ਨੇ ਵੀ ਖੂਬ ਜਸ਼ਨ ਮਨਾਇਆ। ਦਿੱਲੀ ‘ਚ ਰਾਜਪੁਤਾਨਾ ਰਾਈਫਲਜ਼ ਦੇ ਜਵਾਨਾਂ ਨੇ ਭਾਰਤ ਮਾਤਾ, ਇੰਡੀਅਨ ਆਰਮੀ ਦੇ ਨਾਲ-ਨਾਲ ਨੀਰਜ ਦੇ ਜੈਕਾਰੇ ਲਾਏ। ਇਸ ਤੋਂ ਬਾਅਦ ਜਵਾਨਾਂ ਨੇ ਰੈਜੀਮੈਂਟਲ ਸੌਂਗ ਵੀ ਗਾਇਆ।
#rajputanarifles #NeerajChopra 🇮🇳 https://t.co/DrRap4Afxv
— RAJPUTANA RIFLES (@rajrif_centre) August 7, 2021
ਫੌਜ ਮੁਖੀ ਨੇ ਨੀਰਜ ਨੂੰ ਦਿੱਤੀ ਵਧਾਈ
ਇੰਡੀਅਨ ਆਰਮੀ ਦੇ ਟਵਿਟਰ ਹੈਂਡਲ ਤੋਂ ਕੀਤੇ ਗਏ ਟਵੀਟ ‘ਚ ਭਾਰਤੀ ਫੌਜ ਮੁਖੀ ਅਤੇ ਫੌਜ ਦੇ ਸੀਨੀਅਰ ਅਧਿਕਾਰੀਆਂ ਵੱਲੋਂ ਨੀਰਜ ਨੂੰ ਇਸ ਇਤਿਹਾਸਕ ਜਿੱਤ ‘ਤੇ ਵਧਾਈ ਦਿੱਤੀ ਗਈ।
General MM Naravane #COAS and All Ranks of #IndianArmy congratulate Subedar Neeraj Chopra on winning Nation’s first ever #GoldMedal in #Javelin in Olympics with a throw of 87.58 meters at #TokyoOlympics.#MissionOlympics#Tokyo2020 pic.twitter.com/HUotK29P4K
— ADG PI – INDIAN ARMY (@adgpi) August 7, 2021
ਕੈਪਟਨ ਵੱਲੋਂ 2 ਕਰੋੜ ਦੇਣ ਦਾ ਐਲਾਨ
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਨੀਰਜ ਚੋਪੜਾ ਨੂੰ 2 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ ਦੇਣ ਦਾ ਐਲਾਨ ਕੀਤਾ ਹੈ। ਸੀਐੱਮ ਨੇ ਟਵਿਟਰ ‘ਤੇ ਲਿਖਿਆ, “ਨੀਰਜ ਚੋਪੜਾ ਨੇ ਇੱਕ ਫੌਜੀ ਦੇ ਤੌਰ ‘ਤੇ ਦੇਸ਼ ਦਾ ਮਾਣ ਵਧਾਇਆ ਹੈ। ਉਹਨਾਂ ਦੀ ਇਹ ਉਪਲਬਧੀ ਇਤਿਹਾਸਕ ਹੈ। ਇਹ ਸਾਡਾ ਸੁਭਾਗ ਹੈ ਕਿ ਅਸੀਂ ਉਹਨਾਂ ਨੂੰ 2 ਕਰੋੜ ਰੁਪਏ ਦਾ ਸਪੈਸ਼ਲ ਕੈਸ਼ ਇਨਾਮ ਦੇਣ ਜਾ ਰਹੇ ਹਾਂ। ਸਾਰੇ ਭਾਰਤੀਆਂ ਅਤੇ ਫੌਜੀਆਂ ਲਈ ਇੱਕ ਮਾਣ ਵਾਲਾ ਪਲ।”
Neeraj Chopra, who is serving the @adgpi has brought glory to the nation & scripted his name in history by winning India’s first Olympic Gold in athletics. It’s our honour to announce a special cash reward of Rs. 2 Cr for him. A proud moment for all Indians & our Armed Forces. 🇮🇳 pic.twitter.com/oGqgJbMKuq
— Capt.Amarinder Singh (@capt_amarinder) August 7, 2021
ਮੋਦੀ ਦਾ 8 ਸਾਲ ਪੁਰਾਣਾ ਵੀਡੀਓ ਵਾਇਰਲ
ਇਸ ਸਭ ਦੇ ਵਿਚਾਲੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦਾ 8 ਸਾਲ ਪੁਰਾਣਾ ਉਹ ਬਿਆਨ ਵੀ ਸੋਸ਼ਲ ਮੀਡੀਆ ‘ਤੇ ਖੂਬ ਸ਼ੇਅਰ ਕੀਤਾ ਜਾ ਰਿਹਾ ਹੈ, ਜਿਸ ‘ਚ ਉਹਨਾਂ ਨੇ ਕਿਹਾ ਸੀ ਕਿ ਜੇਕਰ ਫੌਜ ਦੇ ਜਵਾਨਾਂ ਨੂੰ ਟ੍ਰੇਨਿੰਗ ਦੇ ਦਿੱਤੀ ਜਾਵੇ, ਤਾਂ 5-10 ਮੈਡਲ ਤਾਂ ਓਹੀ ਲਿਆ ਸਕਦੇ ਹਨ। ਇਹ ਵੀਡੀਓ 2013 ਦਾ ਹੈ, ਜਦੋਂ ਮੋਦੀ ਗੁਜਰਾਤ ਦੇ ਮੁੱਖ ਮੰਤਰੀ ਸਨ। ਮੋਦੀ ਇੱਕ ਕਾਲਜ ‘ਚ ਸਪੀਚ ਦਿੰਦਿਆਂ 2012 ਦੇ ਲੰਡਨ ਓਲੰਪਿਕ ‘ਚ ਭਾਰਤ ਦੇ ਗੋਲਡ ਮੈਡਲ ਨਾ ਲਿਆਉਣ ਬਾਰੇ ਬੋਲ ਰਹੇ ਸਨ।
Prophetic @narendramodi ji. This was a speech he had given in Pune when he was the CM of Gujarat. Place – The historic amphitheater of Fergusson college. @SidShirole do listen! @Neeraj_chopra1 pic.twitter.com/vqsrQtg2KH
— Shefali Vaidya. 🇮🇳 (@ShefVaidya) August 8, 2021
