ਬਿਓਰੋ। ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਸਿਆਸੀ ਪਾਰਟੀਆਂ ਵਿਚਾਲੇ ਘਮਸਾਣ ਤੇਜ਼ ਹੋਣ ਲੱਗਿਆ ਹੈ। ਹੁਣ ਆਮ ਆਦਮੀ ਪਾਰਟੀ ਨੇ ਨਵਾਂ ਸਿਆਸੀ ਧਮਾਕਾ ਕੀਤਾ ਹੈ। ਪਾਰਟੀ ਦੇ ਪੰਜਾਬ ਸਹਿ-ਇੰਚਾਰਜ ਰਾਘਵ ਚੱਢਾ ਨੇ ਦਾਅਵਾ ਕੀਤਾ ਹੈ ਕਿ ਪੰਜਾਬ ਸਰਕਾਰ ਦੇ 4 ਵੱਡੇ ਮੰਤਰੀ ਕਾਂਗਰਸ ਪਾਰਟੀ ਨੂੰ ਛੱਡ ਕੇ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਲ ਹੋਣਾ ਚਾਹੁੰਦੇ ਹਨ। ਉਹ ਲਗਾਤਾਰ ਸਾਡੇ ਨਾਲ ਸੰਪਰਕ ਕਰ ਰਹੇ ਹਨ।
ਚੱਢਾ ਦੇ ਮੁਤਾਬਕ, ਇਹਨਾਂ ਸਾਰੇ ਮੰਤਰੀਆਂ ‘ਤੇ ਨਜਾਇਜ਼ ਰੇਤ ਮਾਈਨਿੰਗ ਦੇ ਗੰਭੀਰ ਇਲਜਾਮ ਹੈ। ਉਹਨਾਂ ਕਿਹਾ, “ਆਮ ਆਦਮੀ ਪਾਰਟੀ ਕੱਟੜ ਇਮਾਨਦਾਰ ਪਾਰਟੀ ਹੈ। ਇਸ ਲਈ ਅਸੀਂ ਉਹਨਾਂ ਨੂੰ ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਸਾਨੂੰ ਸਾਡੀ ਪਾਰਟੀ ਵਿੱਚ ਦਾਗੀ ਆਗੂ ਨਹੀਂ ਚਾਹੀਦੇ।“
पंजाब की कांग्रेस सरकार के चार बड़े मंत्री कांग्रेस पार्टी को छोड़कर आम आदमी पार्टी में शामिल होना चाहते हैं। उन चारों मंत्रियों पर नजायज रेता माइनिंग के गंभीर आरोप हैं।
आम आदमी पार्टी कट्टर ईमानदार पार्टी है। इसलिए हमने उन्हें लेने से मना कर दिया। pic.twitter.com/VuvnPadV76
— Raghav Chadha (@raghav_chadha) December 13, 2021
CM ਚੰਨੀ ਦਾ ‘ਆਪ’ ‘ਤੇ ਪਲਟਵਾਰ
ਚੱਢਾ ਦੇ ਇਸ ਦਾਅਵੇ ‘ਤੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਪਲਟਵਾਰ ਕੀਤਾ। ਉਹਨਾਂ ਨੇ ਸਿੱਧੇ ਰਾਘਵ ਚੱਢਾ ‘ਤੇ ਹਮਲਾ ਬੋਲਦੇ ਹੋਏ ਕਿਹਾ, “ਆਮ ਆਦਮੀ ਪਾਰਟੀ ਨੇ ਇੱਕ ਬੱਚੇ ਨੂੰ ਪੰਜਾਬ ਵਿੱਚ ਭੇਜਿਆ ਹੋਇਆ ਹੈ, ਜੋ ਬਚਪਨਾ ਕਰ ਰਿਹਾ ਹੈ ਅਤੇ ਬਿਨ੍ਹਾਂ ਕਿਸੇ ਗੱਲ ਦੇ ਬੇਤੁਕੇ ਬਿਆਨ ਦੇ ਰਿਹਾ ਹੈ, ਜਿਹਨਾਂ ਦਾ ਕੋਈ ਮਤਲਬ ਨਹੀਂ ਹੈ।”
ਮੋਰਿੰਡਾ ਵਿੱਚ ਸੀਐੱਮ ਨੇ ਕਿਹਾ ਕਿ ਪੰਜਾਬ ਵਿੱਚ ਅਜਿਹੀਆਂ ਕੋਈ ਛੁਰਲੀਆਂ ਕੰਮ ਨਹੀਂ ਆਉਣਗੀਆਂ, ਜੋ ਦਿੱਲੀ ਵਿੱਚ ਚੱਲ ਚੁੱਕੀਆਂ ਹਨ। ਉਹਨਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਪਿਛਲੀ ਵਾਰ ਤੋਂ ਵੀ ਬੁਰੀ ਹਾਲਤ ਅਤੇ ਇਹਨਾਂ ਦੇ ਵਿਧਾਇਕ ਤੇ ਸਾਂਸਦ ਤੱਕ ਪਾਰਟੀ ਛੱਡ ਕੇ ਜਾ ਰਹੇ ਹਨ। ਮੁੱਖ ਮੰਤਰੀ ਨੇ ਆਮ ਆਦਮੀ ਪਾਰਟੀ ਨੂੰ ਡਰਾਮੇਬਾਜ਼ ਦੱਸਦੇ ਹੋਏ ਕਿਹਾ, “ਇਹ ਸਿਰਫ਼ ਗੱਲਾਂ ਦਾ ਕੜਾਹ ਬਣਾਉਂਦੇ ਹਨ ਅਤੇ ਖੁਦ ਹੀ ਖਾ ਲੈਂਦੇ ਹਨ।”
ਇਸ ਤੋਂ ਪਹਿਲਾਂ ਚੱਢਾ ਨੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ‘ਤੇ ਰੇਤ ਮਾਫੀਆ ਨੂੰ ਸ਼ਹਿ ਦੇਣ ਦਾ ਇਲਜਾਮ ਲਗਾਇਆ ਸੀ। ਉਹਨਾਂ ਨੇ ਕਿਹਾ ਸੀ ਕਿ ਸੀਐੱਮ ਦੇ ਵਿਧਾਨ ਸਭਾ ਹਲਕੇ ਵਿੱਚ ਹੀ ਗੈਰ-ਕਾਨੂੰਨੀ ਤਰੀਕੇ ਨਾਲ ਮਾਈਨਿੰਗ ਹੋ ਰਹੀ ਹੈ ਅਤੇ ਸੀਐੱਮ ਉਹਨਾਂ ਨੂੰ ਸਹਿਯੋਗ ਕਰ ਰਹੇ ਹਨ।
