ਬਠਿੰਡਾ। ਕਾਂਗਰਸ ਹਾਈ ਕਮਾਂਡ ਵੱਲੋਂ ਜਿੰਨੀਆਂ ਮਰਜੀ ਕਮੇਟੀਆਂ ਬਣਾ ਲਈਆਂ ਜਾਣ ਤੇ ਜਿੰਨੀਆਂ ਮਰਜੀ ਮੀਟਿੰਗਾਂ ਕਰ ਲਈਆਂ ਜਾਣ, ਲਗਦਾ ਨਹੀਂ ਕਿ ਪੰਜਾਬ ਕਾਂਗਰਸ ਦਾ ਅੰਦਰੂਨੀ ਵਿਵਾਦ ਸੁਲਝਾਇਆ ਜਾ ਸਕਦਾ ਹੈ। ਸੁਲ੍ਹਾ ਦੀਆਂ ਕੋਸ਼ਿਸ਼ਾਂ ਵਿਚਾਲੇ ਇੱਕ ਵਾਰ ਫਿਰ ਪਾਰਟੀ ਦੇ 2 ਵੱਡੇ ਚਿਹਰੇ ਇੱਕ-ਦੂਜੇ ਦੇ ਆਹਮੋ-ਸਾਹਮਣੇ ਹਨ।
ਕਾਂਗਰਸ ਵਿਧਾਇਕ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਸਿੱਧੇ ਨਾੰਅ ਲੈ ਕੇ ਸੂਬੇ ਦੇ ਖਜ਼ਾਨਾ ਮੰਤਰੀ ਮਨਪ੍ਰੀਤ ਬਾਦਲ ‘ਤੇ ਹਮਲਾ ਬੋਲਿਆ ਹੈ। ਵੜਿੰਗ ਨੇ ਮਨਪ੍ਰੀਤ ਬਾਦਲ ‘ਤੇ ਅਕਾਲੀ ਦਲ ਦੇ ਜ਼ੋਨ ਇੰਚਾਰਜ ਨੂੰ ਕਥਿਤ ਤੌਰ ‘ਤੇ 15 ਲੱਖ ਦਾ ਚੈੱਕ ਦੇਣ ਦਾ ਇਲਜ਼ਾਮ ਲਾਇਆ ਹੈ।
ਸੋਸ਼ਲ ਮੀਡੀਆ ‘ਤੇ ਵੜਿੰਗ ਨੇ ਲਿਖਿਆ, “ਪੰਜਾਬ ਦੇ ਖਜ਼ਾਨਾ ਮੰਤਰੀ ਲੋਕਾਂ ਦਾ ਪੈਸਾ ਪੰਜਾਬ ਨੂੰ ਬਰਬਾਦ ਕਰਨ ਵਾਲੇ ਅਕਾਲੀਆਂ ਨੂੰ ਪੈਸੇ ਵੰਡਣ ”
ਰਾਜਾ ਵੜਿੰਗ ਦੇ ਇਹਨਾਂ ਇਲਜ਼ਾਮਾਂ ਦੇ ਤੱਥ ਤਾਂ ਬਾਅਦ ਦੀ ਗੱਲ ਹੈ, ਪਰ ਆਪਣਾ ਇਲਜ਼ਾਮ ਸਾਬਿਤ ਕਰਨ ਲਈ ਵੜਿੰਗ ਨੇ ਚੈੱਕ ਲੈਣ ਵਾਲੇ ਦੀ ਤਸਵੀਰ ਅਤੇ ਉਸੇ ਸ਼ਖਸ ਦੀ ਪ੍ਰਕਾਸ਼ ਸਿੰਘ ਬਾਦਲ, ਸੁਖਬੀਰ ਬਾਦਲ ਅਤੇ ਬਿਕਰਮ ਸਿੰਘ ਮਜੀਠੀਆ ਨਾਲ ਤਸਵੀਰ ਵੀ ਸ਼ੇਅਰ ਕੀਤੀ ਹੈ।
पंजाब के वित्त मंत्री लोगों का पैसा पंजाब को बर्बाद करने वाले अकालियों को बांटने में व्यस्त है
कांग्रेस को कमजोर और अकाली दल को मज़बूत करने की यह योजना @MSBADAL द्वारा महीनों से चलाई जा रही है@RahulGandhi जी से निवेदन है कि तुरंत अनुशासनात्मक कार्यवाही कर इनका इस्तीफा लिया जाए pic.twitter.com/V5oih5R8pn
— Amarinder Singh Raja (@RajaBrar_INC) July 12, 2021
ਰਾਜਾ ਵੜਿੰਗ ਦੇ ਇਹਨਾਂ ਇਲਜ਼ਾਮਾਂ ਦਾ ਮਨਪ੍ਰੀਤ ਬਾਦਲ ਨੇ ਤਾਂ ਜਵਾਬ ਨਹੀਂ ਦਿੱਤਾ, ਪਰ ਕੈਬਨਿਟ ਮੰਤਰੀ ਸੁਖਜਿੰਦਰ ਰੰਧਾਵਾ ਨੇ ਜ਼ਰੂਰ ਅੱਗ ‘ਚ ਘਿਓ ਪਾਉਣ ਦਾ ਕੰਮ ਕੀਤਾ ਹੈ। ਰੰਧਾਵਾ ਨੇ ਰਾਜਾ ਵੜਿੰਗ ਦਾ ਟਵੀਟ ਸ਼ੇਅਰ ਕਰਦਿਆਂ ਲਿਖਿਆ, “ਜਿਸ ਅਕਾਲੀ ਦਲ ਨੇ ਪੰਜਾਬ ਨੂੰ ਜੜ੍ਹਾਂ ਤੋਂ ਤਬਾਹ ਕਰ ਦਿੱਤਾ, ਉਸ ਨਾਲ ਕਾਂਗਰਸ ਦੀ ਕਦੇ ਕੋਈ ਸਮਝ ਨਹੀਂ ਹੋ ਸਕਦੀ। ਫਿਰ ਵੀ, ਜੇਕਰ ਅਜਿਹਾ ਹੈ ਤਾਂ ਇਹ ਖ਼ਤਮ ਹੋਣਾ ਚਾਹੀਦਾ ਹੈ।”
Congress can never have any understanding with Akali Dal which has destroyed Punjab from roots. Still, if there is any perception, it should broken https://t.co/rmvOkMkeqD
— Sukhjinder Singh Randhawa (@Sukhjinder_INC) July 12, 2021
