ਬਿਓਰੋ। ਬਾਲੀਵੁੱਡ ਅਦਾਕਾਰ ਰਣਵੀਰ ਸਿੰਘ ਨੂੰ ਹਮੇਸ਼ਾ ਕੁਝ ਨਵਾੰ ਤੇ ਵੱਖਰਾ ਕਰਨ ਲਈ ਜਾਣਿਆ ਜਾੰਦਾ ਹੈ। ਇਸ ਵਾਰ ਉਹਨਾੰ ਨੇ ਇੱਕ ਨੇਕ ਕੰਮ ਲਈ ਹੇਮਕੁੰਟ ਫਾਊੰਡੇਸ਼ਨ ਨਾਲ ਹੱਥ ਮਿਲਾਇਆ ਹੈ। ਹੇਮਕੁੰਟ ਫਾਊੰਡੇਸ਼ਨ ਨੇ ਬਾਲੀਵੁੱਡ ਸੁਪਰਸਟਾਰ ਅਤੇ ਯੂਥ ਆਈਕਨ ਰਣਵੀਰ ਸਿੰਘ ਨੂੰ ਆਪਣਾ ਗੁਡਵਿੱਲ ਅੰਬੈਸਡਰ ਬਣਾਇਆ ਹੈ।
ਰਣਵੀਰ ਸਿੰਘ ਅਤੇ ਹੇਮਕੁੰਟ ਫਾਊੰਡੇਸ਼ਨ ਵੱਲੋੰ ਕੀਤੇ ਗਏ ਟਵੀਟ ਵਿੱਚ ਕਿਹਾ ਗਿਆ, “ਦੇਸ਼ ਦੇ 75ਵੇੰ ਅਜ਼ਾਦੀ ਦਿਹਾੜੌ ਮੌਕੇ, ਭਾਰਤ ਦਾ ਸਭ ਤੋੰ ਵੱਡਾ ਗੈਰ-ਲਾਭਕਾਰੀ ਹੁਨਰ ਕੇੰਦਰ ‘ਦ ਹੇਮਕੁੰਟ ਫਾਊੰਡੇਸ਼ਨ ਗੁਰੂਕੁਲ’ ਬਣਾਉਣ ਲਈ ਮੈੰ ਹੇਮਕੁੰਟ ਫਾਊੰਡੇਸ਼ਨ ਅਤੇ ਹਰਤੀਰਥ ਸਿੰਘ ਨਾਲ ਹੱਥ ਮਿਲਾ ਕੇ ਖੁਸ਼ੀ ਮਹਿਸੂਸ ਕਰ ਰਿਹਾ ਹਾੰ। ਸਾਡਾ ਮੰਤਵ ਇਸ ਪਹਿਲਕਦਮੀ ਰਾਹੀੰ ਲੱਖਾੰ ਲੋਕਾੰ ਨੂੰ ਸਿੱਖਿਆ ਅਤੇ ਰੁਜ਼ਗਾਰ ਦੇ ਬਰਾਬਰ ਮੌਕੇ ਮੁਹੱਈਆ ਕਰਨਾ ਹੈ। ਸਰਬੱਤ ਦਾ ਭਲਾ…ਇਕੱਠੇ…ਜੈ ਹਿੰਦ।”
Our mission is to provide equal access to education and employment opportunities to lakhs of people through this initiative.
SARBAT DA BHALA…..TOGETHER 🤜🏻🤛🏻
Jai Hind 🇮🇳https://t.co/uTCwFwwzX0— Hemkunt Foundation (@Hemkunt_Fdn) August 15, 2022
ਹੇਮਕੁੰਟ ਫਾਊੰਡੇਸ਼ਨ ਨਾਲ ਹੱਥ ਮਿਲਾਉਣ ਦੇ ਪਿੱਛੇ ਉਹਨਾੰ ਦੇ ਮਕਸਦ ਬਾਰੇ ਰਣਵੀਰ ਸਿੰਘ ਨੇ ਕਿਹਾ, “ਗਰੀਬੀ ਅਤੇ ਬੇਰੁਜ਼ਗਾਰੀ ਨੂੰ ਮਿਟਾਉਣ ਲਈ ਸਿੱਖਿਆ ਹੀ ਇੱਕਮਾਤਰ ਸਾਧਨ ਹੈ। ਇਹ ਵੇਖਣਾ ਨਿਰਾਸ਼ਾਜਨਕ ਹੈ ਕਿ ਅਬਾਦੀ ਦੇ ਇੱਕ ਵੱਡੇ ਹਿੱਸੇ ਤੱਕ ਇਸਦੀ ਪਹੁੰਚ ਨਹੀੰ ਹੈ ਤੇ ਮੈੰ ਆਪਣੇ ਦੇਸ਼ ਦੇ ਵੱਧ ਤੋੰ ਵੱਧ ਲੋਕਾੰ ਦੀ ਮਦਦ ਲਈ ਆਪਣੇ ਵੱਲੋੰ ਕੁਝ ਕਰਨਾ ਚਾਹੁੰਦਾ ਹਾੰ। ਇਸ ਲਈ ਮੈਨੂੰ ਹੇਮਕੁੰਟ ਫਾਊੰਡੇਸ਼ਨ ਅਤੇ ਹਰਤੀਰਥ ਸਿੰਘ ਨਾਲ ਹੱਥ ਮਿਲਾ ਕੇ ਬੇਹੱਦ ਖੁਸ਼ੀ ਹੋ ਰਹੀ ਹੈ। ਮੈਨੂੰ ਉਮੀਦ ਹੈ ਕਿ ਇਸ ਸਹਿਯੋਗ ਨਾਲ ਅਸੀੰ ਹਾਸ਼ੀਏ ‘ਤੇ ਰਹਿ ਗਏ ਭਾਈਚਾਰੇ ਦੇ ਬੱਚਿਆੰ ਦੀਆੰ ਜ਼ਿੰਦਗੀਆੰ ‘ਤੇ ਸਕਾਰਤਾਮਕ ਅਸਰ ਪਾ ਸਕਦੇ ਹਾੰ।”
ਮੈਨੂੰ ਯਕੀਨ ਹੈ ਸਮਾਜ ‘ਚ ਚੰਗਾ ਅਸਰ ਹੋਵੇਗਾ- HF ਡਾਇਰੈਕਟਰ
ਹੇਮਕੁੰਟ ਫਾਊੰਡੇਸ਼ਨ ਦੇ ਡਾਇਰੈਕਟਰ ਹਰਤੀਰਥ ਸਿੰਘ ਨੇ ਵੀ ਰਣਵੀਰ ਸਿੰਘ ਦੇ ਉਹਨਾੰ ਨਾਲ ਜੁੜਨ ‘ਤੇ ਖੁਸ਼ੀ ਦਾ ਇਜ਼ਾਰ ਕੀਤਾ। ਉਹਨਾੰ ਕਿਹਾ, “ਰਣਵੀਰ ਸਿੰਘ ਦੇ ਹੇਮਕੁੰਟ ਫਾਊੰਡੇਸ਼ਨ ਪਰਿਵਾਰ ਨਾਲ ਜੁੜਨ ‘ਤੇ ਅਸੀੰ ਬਹੁਤ ਧੰਨਵਾਦੀ ਹਾੰ। ਉਹ ਸਮਾਜ ਨੂੰ ਵਾਪਸ ਦੇਣ ਲਈ ਯਤਨਸ਼ੀਲ ਸਾਡੀਆੰ ਕਦਰਾੰ-ਕੀਮਤਾੰ ਦਾ ਸੰਪੂਰਨ ਰੂਪ ਹੈ। ਸਿੱਖਿਆ ਪ੍ਰਤੀ ਉਸਦਾ ਜਨੂੰਨ ਤੇ ਵਚਨਬੱਧਤਾ ਸ਼ਲਾਘਾਯੋਗ ਹੈ। ਮੈਨੂੰ ਯਕੀਨ ਹੈ ਕਿ ਅਸੀੰ ਇਕੱਠੇ ਮਿਲ ਕੇ ਸਮਾਜ ਵਿੱਚ ਠੋਸ ਪ੍ਰਭਾਵ ਪੈਦਾ ਕਰਨ ਦੇ ਯੋਗ ਹੋਵਾੰਗੇ।”
1000 ਵਿਦਿਆਰਥੀਆੰ ਨੂੰ ਹੁਨਰ ਸਿਖਲਾਈ ਦੀ ਯੋਜਨਾ
ਹੇਮਕੁੰਟ ਫਾਊੰਡੇਸ਼ਨ ਨੇ ਸਿੱਖਿਆ ਰਾਹੀੰ ਹੁਣ ਤੱਕ 50 ਹਜ਼ਾਰ ਤੋੰ ਵੱਧ ਜ਼ਿੰਦਗੀਆੰ ਨੂੰ ਪ੍ਰਭਾਵਿਤ ਕੀਤਾ ਹੈ। ਮੱਧ ਪ੍ਰਦੇਸ਼ ਦੇ ਖੰਡਵਾ ਵਿੱਚ 25 ਏਕੜ ‘ਚ ਫੈਲੇ ਹੇਮਕੁੰਟ ਫਾਊੰਡੇਸ਼ਨ ਗੁਰੂਕੁਲ ਦੇ ਨਾਲ, ਇਹ ਹਰ ਸਾਲ 1000 ਵਿਦਿਆਰਥੀਆੰ ਨੂੰ ਹੁਨਰ ਸਿਖਲਾਈ ਦੇਣ ਦੀ ਯੋਜਨਾ ਬਣਾ ਰਿਹਾ ਹੈ। ਇਸ ਗੁਰੂਕੁਲ ਦਾ ਉਦੇਸ਼ ਵਿਦਿਆਰਥੀਆੰ ਨੂੰ ਉਦਯੋਗ/ਨੌਕਰੀ-ਵਿਸ਼ੇਸ਼ ਸਿਖਲਾਈ ਮੌਡਿਊਲ ਚਲਾ ਕੇ ਉਦਯੋਗ ਲਈ ਤਿਆਰ ਹੋਣ ਦੀ ਸਿਖਲਾਈ ਦੇਣਾ ਹੈ।
