ਤਰਨ ਤਾਰਨ , ਨਵੰਬਰ 23
ਸਰਹੱਦੀ ਜ਼ਿਲ੍ਹੇ ਤਰਨ ਤਾਰਨ ਦੇ ਇਲਾਕੇ ਚ ਡਰੋਨਾਂ ਰਾਹੀਂ ਪਕਿਸਤਾਨ ਤੋਂ ਨਸ਼ੇ ਦੇ ਤਸਕਰਾਂ ਵਲੋਂ ਹੈਰੋਇਨ ਭੇਜਣ ਦੀਆਂ ਕੋਸ਼ਿਸ਼ਾਂ ਜਾਰੀ ਨੇ। ਇਸ ਤਹਿਤ ਬੀਤੇ 2 ਦਿਨਾਂ ਦਰਮਿਆਨ ਪੁਲਿਸ ਅਤੇ BSF ਨੂੰ ਦੋ ਕਾਮਯਾਬੀਆਂ ਹੱਥ ਲੱਗੀਆਂ ਨੇ ਜਿਨ੍ਹਾਂ ਵਿਚ ਇੱਕ ਕਿੱਲੋ ਹੈਰੋਇਨ ਅਤੇ ਦੋ ਡਰੋਨ ਬਰਾਮਦ ਕੀਤੇ ਗਏ ਨੇ।
ਸਰਹੱਦ ਪਾਰੋਂ ਤਸਕਰੀ ਕਰਨ ਵਾਲੇ ਤਸਕਰਾਂ ਦੇ ਵਿਰੁੱਧ ਵਿਸ਼ੇਸ਼ ਮੁਹਿੰਮ ਨੂੰ ਜਾਰੀ ਰੱਖਦੇ ਹੋਏ ਤਰਨ ਤਾਰਨ ਪੁਲਿਸ ਅਤੇ ਬੀ.ਐਸ.ਐਫ ਨੇ ਇੱਕ ਸਾਂਝੇ ਸਰਚ ਆਪ੍ਰੇਸ਼ਨ ਦੌਰਾਨ ਤਰਨ ਤਾਰਨ ਦੇ ਪਿੰਡ ਮੀਆਂਵਾਲੀ ਦੇ ਖੇਤਾਂ ਵਿੱਚ ਤਲਾਸ਼ੀ ਦੌਰਾਨ 500 ਗ੍ਰਾਮ ਹੈਰੋਇਨ ਅਤੇ ਇੱਕ DJI Mavic ਚਾਈਨਾ ਮੇਡ ਡਰੋਨ ਬਰਾਮਦ ਕੀਤਾ ਹੈ। ਬੀਤੇ 48 ਘੰਟਿਆਂ ਦੌਰਾਨ ਇਹ ਦੂਸਰੀ ਡ੍ਰੋਨ ਦੀ ਬਰਾਮਦਗੀ ਹੈ।
ਬੀਤੇ ਕੱਲ ਜ਼ਿਲ੍ਹਾ ਪੁਲਿਸ ਅਤੇ BSF ਨੇ ਪਿੰਡ ਰਾਜੋਕੇ ਵਿੱਖੇ ਇਕ ਪਾਕਿਸਤਾਨ ਤੋਂ ਗਿਰਿਆ ਡ੍ਰੋਨ DJI MAVIC 3 CLASSIC ਬਰਾਮਦ ਕੀਤਾ ਸੀ ਜਿਸ ਰਾਹੀਂ ਭੇਜੀ ਗਈ 523 gms ਹੈਰੋਇਨ ਵੀ ਬਰਾਮਦ ਕਰ ਲਈ ਗਈ ਸੀ।
