ਬਿਓਰੋ। ਆਮ ਆਦਮੀ ਪਾਰਟੀ ਦੀ ਪੰਜਾਬ ਇਕਾਈ ਦੇ ਸਹਿ-ਇੰਚਾਰਜ ਰਾਘਵ ਚੱਢਾ ਅਕਸਰ ਹੀ ਆਪਣੇ ਲੁਕਸ ਨੂੰ ਲੈ ਕੇ ਸੁਰਖੀਆਂ ‘ਚ ਰਹਿੰਦੇ ਹਨ, ਪਰ ਇਸ ਵਾਰ ਇੱਕ ਵਾਕਿਆ ਅਜਿਹਾ ਹੋਇਆ ਜੋ ਬੇਹੱਦ ਹੀ ਦਿਲਚਸਪ ਹੈ। ਇੱਕ ਟਵਿਟਰ ਯੂਜ਼ਰ ਨੇ ਸੋਸ਼ਲ ਮੀਡੀਆ ‘ਤੇ ਰਾਘਵ ਚੱਢਾ ਲਈ ਆਪਣੀ ਚਾਹਤ ਦਾ ਖੁੱਲ੍ਹੇਆਮ ਇਜ਼ਹਾਰ ਕਰ ਦਿੱਤਾ।
ਦਰਅਸਲ, ਪੰਜਾਬ ‘ਚ ਮੁਫਤ ਬਿਜਲੀ ਦੇ ਆਮ ਆਦਮੀ ਪਾਰਟੀ ਦੇ ਚੁਣਾਵੀ ਵਾਅਦੇ ਦਾ ਜ਼ਿਕਰ ਕਰਦਿਆਂ ਇੱਕ ਟਵਿਟਰ ਯੂਜ਼ਰ ਨੇ ਲੋਕਾਂ ਨੂੰ ‘ਆਪ’ ਨੂੰ ਵੋਟ ਪਾਉਣ ਦੀ ਅਪੀਲ ਕੀਤੀ, ਤਾਂ ਕੀਰਤੀ ਠਾਕੁਰ ਨਾਮੀ ਇੱਕ ਹੋਰ ਯੂਜ਼ਰ ਉਸ ਟਵੀਟ ‘ਤੇ ਰਿਪਲਾਈ ਕਰਦਿਆਂ ਲਿਖਿਆ ਕਿ ਉਹਨਾਂ ਨੂੰ ਮੁਫਤ ਬਿਜਲੀ ਨਹੀਂ, ਰਾਘਵ ਚੱਢਾ ਚਾਹੀਦੇ ਹਨ। ਕੀਰਤੀ ਦਾ ਇਹ ਟਵੀਟ ਵੇਖਦੇ ਹੀ ਵੇਖਦੇ ਵਾਇਰਲ ਹੋ ਗਿਆ।
ਜਦੋਂ ਰਾਘਵ ਚੱਢਾ ਦੀ ਨਜ਼ਰ ਇਸ ਟਵੀਟ ‘ਤੇ ਪਈ, ਤਾਂ ਉਹਨਾਂ ਨੇ ਬੇਹੱਦ ਦਿਲਚਸਪ ਜਵਾਬ ਦਿੱਤਾ। ਚੱਢਾ ਨੇ ਕਿਹਾ, “ਮੈਂ ਪਾਰਟੀ ਦੇ ਮੈਨੀਫੈਸਟੋ ‘ਚ ਨਹੀਂ ਹਾਂ, ਪਰ ਮੁਫਤ ਬਿਜਲੀ ਹੈ। ਕੇਜਰੀਵਾਲ ਲਈ ਵੋਟ ਕਰੋ ਅਤੇ ਮੈਂ ਵਾਅਦਾ ਕਰਦਾ ਹਾਂ ਕਿ ਤੁਹਾਨੂੰ 24*7 ਮੁਫਤ ਬਿਜਲੀ ਮਿਲੇਗੀ। ਹਾਲਾਂਕਿ ਆਪਣੇ ਲਈ ਮੈਂ ਇਹ ਦਾਅਵਾ ਨਹੀਂ ਕਰ ਸਕਦਾ।”
ਰਾਘਵ ਚੱਢਾ ਅਤੇ ਟਵਿਟਰ ਯੂਜ਼ਰ ਵਿਚਾਲੇ ਇਹ ਗੱਲਬਾਤ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਹੀ ਹੈ। ਤੇ ਲੋਕ ਤਰ੍ਹਾਂ-ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ।
