ਚੰਡੀਗੜ੍ਹ। ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਸੀਨੀਅਰ ਐਡਵੋਕੇਟ ਵਿਨੋਦ ਘਈ ਪੰਜਾਬ ਦੇ ਨਵੇੰ ਐਡਵੋਕੇਟ ਜਨਰਲ ਬਣ ਗਏ ਹਨ। ਗਵਰਨਰ ਆਫਿਸ ਤੋੰ ਮਨਜ਼ੂਰੀ ਦੇ ਬਾਅਦ ਪੰਜਾਬ ਸਰਕਾਰ ਨੇ ਇਸ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ। ਡਾ. ਅਨਮੋਲ ਰਤਨ ਸਿੱਧੂ ਦੇ ਅਸਤੀਫ਼ੇ ਤੋੰ ਬਾਅਦ ਸਰਕਾਰ ਨੇ ਉਹਨਾੰ ਨੂੰ ਨਵਾੰ AG ਲਾਇਆ ਹੈ।
4 ਦਿਨ ਤੱਕ ਅਟਕੀ ਰਹੀ ਨੋਟੀਫਿਕੇਸ਼ਨ
ਅਨਮੋਲ ਰਤਨ ਸਿੱਧੂ ਦੇ ਅਸਤੀਫ਼ੇ ਦੀ ਖ਼ਬਰ ਸਾਹਮਣੇ ਆਉਣ ਤੋੰ ਕੁਝ ਘੰਟਿਆੰ ਬਾਅਦ ਹੀ ਸੀਐੱਮ ਨੇ ਐਲਾਨ ਕਰ ਦਿੱਤਾ ਸੀ ਕਿ ਵਿਨੋਦ ਘਈ ਪੰਜਾਬ ਦੇ ਨਵੇੰ AG ਹੋਣਗੇ, ਜਿਸ ਤੋੰ ਬਾਅਦ ਵਿਰੋਧੀਆੰ ਨੇ ਉਹਨਾੰ ‘ਤੇ ਸਵਾਲ ਖੜ੍ਹੇ ਕਰਨੇ ਸ਼ੁਰੂ ਕਰ ਦਿੱਤੇ ਸਨ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਤੋੰ ਬਾਅਦ ਸਰਕਾਰ ਨੇ AG ਦੀ ਨਿਯੁਕਤੀ ਨੂੰ ਲੈ ਕੇ ਮੁੜ ਮੰਥਨ ਸ਼ੁਰੂ ਕੀਤਾ ਅਤੇ AG ਦੀ ਨਿਯੁਕਤੀ ਲਟਕ ਗਈ। ਖ਼ਬਰਾੰ ਇਥੋੰ ਤੱਕ ਸਾਹਮਣੇ ਆਈਆੰ ਕਿ ਨਵੇੰ AG ਨੂੰ ਲੈ ਕੇ ਸੀਐੱਮ ਭਗਵੰਤ ਮਾਨ ਅਤੇ ਰਾਘਵ ਚੱਢਾ ਵਿਚਾਲੇ ਤਕਰਾਰ ਹੋ ਗਈ। ਹਾਲਾੰਕਿ ਖੁਦ ਸੀਐੱਮ ਨੇ ਇਹਨਾੰ ਖ਼ਬਰਾੰ ਦਾ ਖੰਡਨ ਕੀਤਾ।
ਰਾਮ ਰਹੀਮ ਦੇ ਵੀ ਵਕੀਲ ਰਹਿ ਚੁੱਕੇ ਹਨ ਘਈ
ਸੀਨੀਅਰ ਐਡਵੋਕੇਟ ਵਿਨੋਦ ਘਈ ਟੌਪ ਦੇ Criminal Lawyer ਹਨ, ਜੋ ਹੁਣ ਤੱਕ ਕਈ ਵੱਡੇ ਮਾਮਲਿਆੰ ਵਿੱਚ ਪੰਜਾਬ ਸਰਕਾਰ ਦੇ ਖਿਲਾਫ਼ ਵੀ ਕੇਸ ਲੜ ਚੁੱਕੇ ਹਨ। ਉਹ ਪਿਛਲੇ ਲੰਮੇ ਸਮੇੰ ਤੋੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦੇ ਕੇਸ ਵਿੱਚ ਮੁਲਜ਼ਮ ਡੇਰਾ ਸੱਚਾ ਸੌਦਾ ਮੁਖੀ ਰਾਮ ਰਹੀਮ ਦੇ ਵਕੀਲ ਹਨ। ਉਹ ਬੇਅਦਬੀ ਨਾਲ ਹੀ ਜੁੜੇ ਗੋਲੀ ਕਾੰਡ ਦੇ ਮੁਲਜ਼ਮ ਸਾਬਕਾ DGP ਸੁਮੇਧ ਸੈਣੀ ਦੇ ਵੀ ਵਕੀਲ ਰਹਿ ਚੁੱਕੇ ਹਨ। ਇਸ ਤੋੰ ਇਲਾਵਾ ਘਈ ਮਾਨ ਸਰਕਾਰ ਦੇ ਬਰਖਾਸਤ ਸਿਹਤ ਮੰਤਰੀ ਡਾ. ਵਿਜੇ ਸਿੰਗਲਾ ਅਤੇ ਸਾਬਕਾ ਕਾੰਗਰਸੀ ਮੰਤਰੀ ਭਾਰਤ ਭੂਸ਼ਣ ਆਸ਼ੂ ਦੇ ਕੇਸ ਵੀ ਲੜ ਰਹੇ ਸਨ।
ਸਿੱਧੂ ਨੇ ਅਚਾਨਕ ਦਿੱਤਾ ਸੀ ਅਸਤੀਫ਼ਾ
ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਦੇ ਹੀ ਸੀਨੀਅਰ ਐਡਵੋਕੇਟ ਡਾ. ਅਨਮੋਲ ਰਤਨ ਸਿੱਧੂ ਨੂੰ ਪੰਜਾਬ ਦਾ ਐਡਵੋਕੇਟ ਜਨਰਲ ਲਾਇਆ ਗਿਆ ਸੀ। ਨਿਯੁਕਤੀ ਤੋੰ ਠੀਕ 4 ਮਹੀਨੇ ਬਾਅਦ ਉਹਨਾੰ ਨੇ 19 ਜੁਲਾਈ ਨੂੰ ਅਸਤੀਫ਼ਾ ਦੇ ਦਿੱਤਾ। ਚਰਚਾ ਇਹ ਰਹੀ ਕਿ ਉਹ ਆਪਣੀ ਪਸੰਦ ਦੇ ਲਾਅ ਅਫਸਰਾੰ ਦੀ ਨਿਯੁਕਤੀ ਚਾਹੁੰਦੇ ਸਨ, ਪਰ ਸਰਕਾਰ ਵੱਲੋੰ ਉਸ ਵਿੱਚ ਅੜਚਨ ਆ ਰਹੀ ਸੀ, ਜਿਸ ਤੋੰ ਨਰਾਜ਼ ਹੋ ਕੇ ਸਿੱਧੂ ਨੇ ਅਸਤੀਫ਼ਾ ਦੇ ਦਿੱਤਾ।
