ਬਿਓਰੋ। ਪੰਜਾਬ ਦੇ ਨਵੇੰ ਸਿਹਤ ਮੰਤਰੀ ਚੇਤਨ ਸਿੰਘ ਜੌੜਾਮਾਜਰਾ ਵੱਲੋੰ ਬਾਬਾ ਫਰੀਦ ਮੈਡੀਕਲ ਯੂਨੀਵਰਸਿਟੀ ਦੇ ਵਾਈਸ ਚਾੰਸਲਰ ਡਾ. ਰਾਜ ਬਹਾਦੁਰ ਨਾਲ ਕੀਤੀ ਗਈ ਕਥਿਤ ਬਦਸਲੂਕੀ ਨੂੰ ਲੈ ਕੇ ਬਵਾਲ ਖੜ੍ਹਾ ਹੋ ਗਿਆ ਹੈ। ਮੰਤਰੀ ਦੇ ਸਲੂਕ ਦੀ ਹਰ ਪਾਸੇ ਅਲੋਚਨਾ ਹੋ ਰਹੀ ਹੈ। ਖੁਦ ਵੀਸੀ ਡਾ. ਰਾਜ ਬਹਾਦੁਰ ਬੇਹੱਦ ਪਰੇਸ਼ਾਨ ਹਨ ਅਤੇ ਉਹਨਾੰ ਨੇ ਦੇਰ ਰਾਤ ਸਰਕਾਰ ਨੂੰ ਆਪਣਾ ਅਸਤੀਫ਼ਾ ਤੱਕ ਭੇਜ ਦਿੱਤਾ।
VC ਦੇ ਸੈਕਟਰੀ ਓਪੀ ਚੌਧਰੀ ਨੇ ਵੀ ਅਸਤੀਫ਼ਾ ਦੇ ਦਿੱਤਾ। ਹਾਲਾੰਕਿ ਉਹਨਾੰ ਨੇ ਇਸ ਪਿੱਛੇ ਨਿੱਜੀ ਕਾਰਨ ਦੱਸੇ ਹਨ, ਪਰ ਇਸਦੀ ਵਜ੍ਹਾ ਮੰਤਰੀ ਦਾ ਰਵੱਈਆ ਹੀ ਦੱਸਿਆ ਜਾ ਰਿਹਾ ਹੈ।
ਦਿਲ ‘ਚ ਦਰਦ…ਅੱਖਾੰ ‘ਚ ਅੱਥਰੂ
ਅਸਤੀਫ਼ੇ ਤੋੰ ਬਾਅਦ ਪਹਿਲੀ ਵਾਰ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਉਹਨਾੰ ਦੀਆੰ ਅੱਖਾੰ ਤੋੰ ਅੱਥਰੂ ਝਲਕ ਪਏ। ਉਹਨਾੰ ਨੇ ਕਿਹਾ, “ਮੈੰ CM ਭਗਵੰਤ ਮਾਨ ਨੂੰ ਸਭ ਕੁਝ ਦੱਸ ਦਿੱਤਾ ਹੈ। ਇਹ ਮਾਹੌਲ ਕੰਮ ਕਰਨ ਦੇ ਲਾਇਕ ਨਹੀੰ ਹੈ।” ਡਾ. ਰਾਜ ਬਹਾਦੁਰ ਮੁਤਾਬਕ, CM ਨੇ ਮੰਤਰੀ ਤੋੰ ਇਸ ਰਵੱਈਏ ਲਈ ਮੁਆਫ਼ੀ ਵੀ ਮੰਗੀ ਹੈ। ਅਸਤੀਫ਼ਾ ਵਾਪਸ ਲੈਣ ਦੇ ਸਵਾਲ ‘ਤੇ ਉਹਨਾੰ ਕਿਹਾ ਕਿ ਮੈੰ ਕੰਮ ਕਰਾੰ ਜਾ ਨਹੀੰ, ਇਹ ਫ਼ੈਸਲਾ ਸਰਕਾਰ ਨੇ ਲੈਣਾ ਹੈ।
ਮੰਤਰੀ ਖਰਾਬ ਗੱਦੇ ਵੀ ਵੇਖਣ ਆਏ ਸਨ- ਡਾ. ਰਾਜ
ਡਾ. ਰਾਜ ਬਹਾਦੁਰ ਨੇ ਕਿਹਾ ਕਿ ਮੰਤਰੀ ਫਰੀਦਕੋਟ ਵਿੱਚ ਚੈਕਿੰਗ ਲਈ ਆਏ ਸਨ। ਮੈਡੀਕਲ ਕਾਲਜ ਵਿੱਚ 1100 ਗੱਦੇ ਹਨ। ਸਾਰੇ ਖਰਾਬ ਨਹੀੰ ਹਨ, ਪਰ ਸ਼ਾਇਦ ਮੰਤਰੀ ਖਰਾਬ ਗੱਦੇ ਵੀ ਵੇਖਣ ਆਏ ਸਨ। ਉਹਨਾੰ ਕਿਹਾ, “ਮੰਤਰੀ ਨੇ ਮੈਨੂੰ ਪੁੱਛਿਆ ਗੱਦੇ ਖਰਾਬ ਕਿਉੰ ਹਨ? ਮੈੰ ਉਹਨਾੰ ਨੂੰ ਦੱਸਿਆ ਕਿ ਇਸਦਾ ਆਰਡਰ ਦਿੱਤਾ ਜਾ ਰਿਹਾ ਹੈ। ਕਿਸੇ ਵੀ ਚੀਜ਼ ਨੂੰ ਖਰੀਦਣ ਲਈ 9 ਮਹੀਨਿਆੰ ਦਾ ਸਮਾੰ ਲਗਦਾ ਹੈ।”
ਮੰਤਰੀ ਦਾ ਵਤੀਰਾ ਤਾਲਿਬਾਨ ਵਰਗਾ- IOA
ਵਾਈਸ ਚਾੰਸਲਰ ਦੇ ਅਪਮਾਨ ਨਾਲ ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਵੀ ਨਰਾਜ਼ ਹੈ। ਐਸੋਸੀਏਸ਼ਨ ਨੇ ਸੀਐੱਮ ਤੋੰ ਮੰਤਰੀ ਦਾ ਅਸਤੀਫ਼ਾ ਲੈਣ ਨੂੰ ਕਿਹਾ ਹੈ ਅਤੇ ਅਜਿਹਾ ਨਾ ਕਰਨ ‘ਤੇ ਵੱਡਾ ਕਦਮ ਚੁੱਕਣ ਦੀ ਚੇਤਾਵਨੀ ਦਿੱਤੀ ਹੈ। ਇੰਡੀਅਨ ਓਰਥੋਪੈਡਿਕ ਐਸੋਸੀਏਸ਼ਨ(IOA) ਨੇ ਵੀ ਇਸਦੀ ਨਿੰਦਾ ਕੀਤੀ ਹੈ ਅਤੇ ਇਸ ‘ਤੇ ਸਖਤ ਟਿੱਪਣੀ ਕਰਦੇ ਹੋਏ ਕਿਹਾ ਕਿ ਜਿਸ ਤਰ੍ਹਾੰ ਮੰਤਰੀ ਨੇ ਇੱਕ ਡਾਕਟਰ ਨਾਲ ਸਲੂਕ ਕੀਤਾ, ਉਸ ਤੋੰ ਲਗਦਾ ਹੈ ਕਿ ਉਹ ਪੰਜਾਬ ‘ਚ ਨਹੀੰ, ਕਿਸੇ ਤਾਲਿਬਾਨੀ ਮੁਲਕ ‘ਚ ਕੰਮ ਕਰ ਰਹੇ ਹਨ। ਐਸੋਸੀਏਸ਼ਨ ਨੇ ਸੀਐੱਮ ਤੋੰ ਮੰਤਰੀ ਦਾ ਅਸਤੀਫ਼ਾ ਲੈਣ ਦੀ ਵੀ ਮੰਗ ਕੀਤੀ।
ਮੰਤਰੀ ਦੇ ਖਿਲਾਫ਼ ਵਿਰੋਧੀਆੰ ਦਾ ਮੋਰਚਾ
ਸਿਹਤ ਮੰਤਰੀ ਦੇ ਇਸ ਰਵੱਈਏ ਨੂੰ ਲੈ ਕੇ ਵਿਰੋਧੀ ਵੀ ਸਰਕਾਰ ‘ਤੇ ਹਮਲਾਵਰ ਹਨ ਅਤੇ ਸਿੱਧੇ ਸੀਐੱਮ ਤੋੰ ਮੰਤਰੀ ਨੂੰ ਬਰਖਾਸਤ ਕਰਨ ਦੀ ਮੰਗ ਕਰ ਰਹੇ ਹਨ। ਪੰਜਾਬ ਕਾੰਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਮੋਹਾਲੀ ਪਹੁੰਚ ਕੇ ਡਾ. ਰਾਜ ਬਹਾਦੁਰ ਨਾਲ ਮੁਲਾਕਾਤ ਕੀਤੀ ਅਤੇ ਕਿਹਾ ਕਿ ਉਹਨਾੰ ਦੇ ਨਾਲ ਜੋ ਕੁਝ ਹੋਇਆ, ਉਸਦੇ ਚਲਦੇ ਉਹ ਸਭ ਸ਼ਰਮਿੰਦਾ ਹਨ।
I couldn't see eye to eye with Dr Raj Bahadur Ji, as there was helplessness in his eyes. It was not he who felt insulted and humiliated, but all of us together. Entire Punjab stands in solidarity with you, Sir. pic.twitter.com/CxPY2aU4Jp
— Amarinder Singh Raja Warring (@RajaBrar_INC) July 30, 2022
ਵਿਰੋਧੀ ਧਿਰ ਦੇ ਆਗੂ ਪ੍ਰਤਾਪ ਬਾਜਵਾ ਨੇ ਵੀ ਇਸ ਘਟਨਾ ਦੀ ਨਿੰਦਾ ਕੀਤੀ ਹੈ। ਉਹਨਾੰ ਕਿਹਾ ਕਿ ਮੰਤਰੀ ਦਾ ਵਤੀਰਾ ਸ਼ਰਮਨਾਕ ਹੈ। ਬਾਜਵਾ ਨੇ ਕਿਹਾ ਕਿ ਸੀਐੱਮ ਆਪਣੇ ਮੰਤਰੀ ਨੂੰ ਬੁਲਾ ਕੇ ਉਹਨਾੰ ਨੂੰ ਡਾ. ਰਾਜ ਬਹਾਦੁਰ ਅਤੇ ਪੂਰੀ ਮੈਡੀਕਲ ਫੈਟਿਲਿਟੀ ਤੋੰ ਮੁਆਫ਼ੀ ਮੰਗਣ ਨੂੰ ਕਹਿਣ। ਬਾਜਵਾ ਨੇ ਕੇਜਰੀਵਾਲ ‘ਤੇ ਵੀ ਹਮਲਾ ਬੋਲਿਆ ਅਤੇ ਕਿਹਾ ਕਿ ਉਹ ਆਪਣੇ ਪਾਰਟੀ ਆਗੂਆੰ ਨੂੰ ਅਫਸਰਾੰ ਅਤੇ ਮੁਲਾਜ਼ਮਾੰ ਨਾਲ ਪੇਸ਼ ਆਉਣ ਦਾ ਸਲੀਕਾ ਸਮਝਾਉਣ।
https://t.co/Uzh51W8njS pic.twitter.com/GzEaAmDDeL
— Partap Singh Bajwa (@Partap_Sbajwa) July 30, 2022
ਸਾਬਕਾ ਕਾੰਗਰਸ ਮੰਤਰੀ ਪਰਗਟ ਸਿੰਘ ਨੇ ਵੀ ਤਿੱਖਾ ਹਮਲਾ ਕੀਤਾ। ਉਹਨਾੰ ਕਿਹਾ ਕਿ ਪ੍ਰਚਾਰ ਲਈ ਆਮ ਆਦਮੀ ਪਾਰਟੀ ਦੇ 12ਵੀੰ ਪਾਸ ਮੰਤਰੀ ਨੇ ਵਾਈਸ ਚਾੰਸਲਰ ਨੂੰ ਜਨਤੱਕ ਤੌਰ ‘ਤੇ ਜਲੀਲ ਕੀਤਾ।
According to reports VC Dr.Raj Bahadur has resigned over his humiliation yesterday by health minister Mr. Chetan Jouramajra. Punjab CM @BhagwantMann should immediately dismiss his Health minister for publicly humiliating one of our medical luminaries. pic.twitter.com/jqEphYsplK
— Pargat Singh (@PargatSOfficial) July 30, 2022
ਅਕਾਲੀ ਦਲ ਨੇ ਵੀ ਮੰਤਰੀ ਦੇ ਵਤੀਰੇ ‘ਤੇ ਸਖਤ ਇਤਰਾਜ਼ ਜ਼ਾਹਿਰ ਕੀਤਾ ਹੈ। ਪਾਰਟੀ ਪ੍ਰਧਾਨ ਸੁਖਬੀਰ ਬਾਦਲ ਨੇ ਡਾ. ਰਾਜ ਬਹਾਦੁਰ ਨਾਲ ਫੋਨ ‘ਤੇ ਗੱਲ ਕਰਕੇ ਉਹਨਾੰ ਨਾਲ ਹਮਦਰਦੀ ਜਤਾਈ। ਸੁਖਬੀਰ ਨੇ ਕਿਹਾ ਕਿ ‘ਆਪ’ ਦੇ ਮੰਤਰੀ ਅਤੇ ਵਿਧਾਇਕ ਲਗਾਤਾਰ ਆਪਣੇ ਟ੍ਰੇਨਰ ਅਰਵਿੰਦ ਕੇਜਰੀਵਾਲ ਅਤੇ ਰਾਘਵ ਚੱਢਾ ਦੇ ਇਸ਼ਾਰਿਆੰ ‘ਤੇ ਅਫ਼ਸਰਾੰ ਦੀ ਬੇਇੱਜ਼ਤੀ ਕਰ ਰਹੇ ਹਨ। ਸੀਐੱਮ ਭਗਵੰਤ ਮਾਨ ਇਹਨਾੰ ‘ਤੇ ਲਗਾਮ ਲਗਾਉਣ, ਨਹੀੰ ਤਾੰ ਪੰਜਾਬੀਆੰ ਦੇ ਗੁੱਸੇ ਦਾ ਸਾਹਮਣਾ ਕਰਨ ਲਈ ਤਿਆਰ ਰਹੋ।
AAP ministers & MLAs are routinely abusing their power to belittle govt functionaries as per directions of their “trainers” @ArvindKejriwal & @raghav_chadha. I request CM @BhagwantMann to rein in the criminal tendencies of his MLAs or be ready to face the wrath of Punjabis. 2/2.
— Sukhbir Singh Badal (@officeofssbadal) July 30, 2022
ਬਠਿੰਡਾ ਤੋੰ ਸਾੰਸਦ ਹਰਸਿਮਰਤ ਕੌਰ ਬਾਦਲ ਨੇ ਕਿਹਾ ਕਿ CM ਭਗਵੰਤ ਮਾਨ ਸਿਹਤ ਮੰਤਰੀ ਚੇਤਨ ਸਿੰਘ ਜੌੜਾਮਾਜਰਾ ਨੂੰ ਬਰਖਾਸਤ ਕਰਨ ਅਤੇ ਸਰਕਾਰ ਵਾਈਸ ਚਾੰਸਲਰ ਨਾਲ ਗੱਲ ਕਰਕੇ ਉਹਨਾੰ ਦਾ ਅਸਤੀਫਾ ਵਾਪਸ ਕਰਵਾਏ। ਨਹੀੰ ਤਾੰ ਪੰਜਾਬ ਵਿੱਚ ਸਿਹਤ ਸੁਵਿਧਾ ਖਤਰੇ ਵਿੱਚ ਪੈ ਜਾਵੇਗੀ।
CM @BhagwantMann should prioritise meeting financial req of Baba Farid varsity & retain top med professionals instead of pushing them out. SAD extends solidarity with Dr Raj Bahadur & medical professionals & will not allow them to be mistreated in any manner whatsoever. 2/2.
— Harsimrat Kaur Badal (@HarsimratBadal_) July 30, 2022
ਬੀਜੇਪੀ ਆਗੂ ਸੁਨੀਲ ਜਾਖੜ ਨੇ ਕਿਹਾ ਕਿ ਡਾ. ਰਾਜ ਬਹਾਦੁਰ ਨਾਲ ਕੀਤਾ ਗਿਆ ਸਲੂਕ ਸ਼ਰਮਨਾਕ ਅਤੇ ਅਸਵੀਕਾਰਨਯੋਗ ਹੈ। ਹੈਲਥ ਇੰਫ੍ਰਾਸਟ੍ਰਕਚਰ ਦਾ ਸੁਧਾਰ ਫੰਡ ਨਾਲ ਹੋਵੇਗਾ, ਇਸ ਤਰ੍ਹਾੰ ਦੇ ਵਤੀਰੇ ਨਾਲ ਨਹੀੰ। ਜਾਖੜ ਨੇ ਕਿਹਾ ਕਿ CM ਭਗਵੰਤ ਮਾਨ ਨੂੰ ਆਪਣੇ ਮੰਤਰੀ ਨੂੰ ਪੂਰੀ ਮੈਡੀਕਲ ਬਿਰਾਦਰੀ ਤੋੰ ਮੁਆਫ਼ੀ ਮੰਗਣ ਲਈ ਕਹਿਣਾ ਚਾਹੀਦਾ ਹੈ।
Very sad that Dr Raj Bhadur has resigned, but he has done what any self respecting person would do.
Now it’s for @BhagwantMann to do what any conscientious CM ought to do-sack the health minister, if that’s what it takes to prevail upon Dr Raj Bhadur to withdraw his resignation
— Sunil Jakhar (@sunilkjakhar) July 30, 2022
ਬੀਜੇਪੀ ਆਗੂ ਮਨਜਿੰਦਰ ਸਿਰਸਾ ਨੇ ਕਿਹਾ ਕਿ ‘ਆਪ’ ਦੇ ਅਨਪੜ੍ਹ ਮੰਤਰੀ ਦੇ ਵਤੀਰੇ ਨੇ ਹਰ ਪੰਜਾਬੀ ਨੂੰ ਸ਼ਰਮਸਾਰ ਕੀਤਾ ਹੈ। ਉਹਨਾੰ ਨੇ ਕਿਹਾ ਕਿ ਸੱਤਾ ਦੇ ਨਸ਼ੇ ਵਿੱਚ ਚੂਰ ਭਗਵੰਤ ਮਾਨ ਦੇ ਮੰਤਰੀ ਨੂੰ ਡਾ. ਰਾਜ ਤੋੰ ਮੁਆਫ਼ੀ ਮੰਗਣੀ ਚਾਹੀਦੀ ਹੈ।
I condemn humiliation by AAP Health Min Chetan Jodemajra to Dr Raj Bahadur, VC of BFUHS, a globally recognised surgeon & Punjab Rattan Award winner
Dr Raj redeemed his respect by resigning from the post. Illiterate Health Min shd apologise to VC & whole state for his non-sense pic.twitter.com/TeW1vJwlLm— Manjinder Singh Sirsa (@mssirsa) July 30, 2022
ਕੀ ਹੈ ਪੂਰਾ ਵਿਵਾਦ?
ਸਿਹਤ ਮੰਤਰੀ ਚੇਤਨ ਸਿੰਘ ਜੌੜਾਮਾਜਰਾ ਸ਼ੁੱਕਰਵਾਰ ਨੂੰ ਫਰੀਦਕੋਟ ਹਸਪਤਾਲ ਦਾ ਦੌਰਾ ਕਰਨ ਲਈ ਪਹੁੰਚੇ ਸਨ। ਇਸ ਦੌਰਾਨ ਉਹ ਚਮੜੀ ਰੋਗ ਵਾਲੇ ਵਾਰਡ ‘ਚ ਪਹੁੰਚੇ। ਉਥੇ ਗੱਦੇ ਫਟੇ ਅਤੇ ਸੜੇ ਹੋਏ ਸਨ। ਇਹ ਵੇਖ ਕੇ ਮੰਤਰੀ ਜੌੜਾਮਾਜਰਾ ਤੈਸ਼ ਵਿੱਚ ਆ ਗਏ। ਉਹਨਾੰ ਨੇ ਅਫਸਰਾੰ ਤੋੰ ਜਵਾਬਤਲਬੀ ਦੀ ਥਾੰ ਵਾਈਸ ਚਾੰਸਲਰ ਨੂੰ ਹੀ ਫਟੇ ਹੋਏ ਗੱਦੇ ‘ਤੇ ਲਿਟਾ ਦਿੱਤਾ। ਵਾਈਸ ਚਾੰਸਲਰ ਥੌੜੇ ਹਿਚਕਿਚਾ ਰਹੇ ਸਨ, ਤਾੰ ਮੰਤਰੀ ਨੇ ਖੁਦ ਹੱਥ ਫੜ ਕੇ ਉਹਨਾੰ ਨੂੰ ਲੇਟਣ ਲਈ ਕਿਹਾ। ਉਸ ਵਕਤ ਪੂਰਾ ਸਟਾਫ ਅਤੇ ਮੀਡੀਆ ਉਥੇ ਮੌਜੂਦ ਸੀ। ਇਸ ਤੋੰ ਬਾਅਦ ਇਹ ਵੀਡੀਓ ਵਾਇਰਲ ਹੋ ਗਈ।
