ਬਿਓਰੋ। ਦੁਨੀਆ ਭਰ ਵਿੱਚ ਵਟਸਐਪ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਕਰੀਬ 6 ਘੰਟੇ ਬੰਦ ਰਹੇ। ਰਾਤ ਕਰੀਬ 9.15 ਵਜੇ ਤਿੰਨੇ ਸੋਸ਼ਲ ਮੀਡੀਆ ਸਾਈਟਸ ਨੇ ਅਚਾਨਕ ਕੰਮ ਕਰਨਾ ਬੰਦ ਕਰ ਦਿੱਤਾ। ਲੋਕ ਨਾ ਤਾਂ ਕਿਸੇ ਨੂੰ ਮੈਸੇਜ ਭੇਜ ਪਾ ਰਹੇ ਸਨ ਤੇ ਨਾ ਹੀ ਰਿਸੀਵ ਕਰ ਪਾ ਰਹੇ ਸਨ। ਦੁਨੀਆ ਭਰ ਦੇ ਯੂਜ਼ਰਸ ਨੇ ਟਵਿਟਰ ‘ਤੇ ਇਸ ਨੂੰ ਲੈ ਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ।
ਸਮੱਸਿਆ ਜਲਦ ਠੀਕ ਹੋਵੇਗੀ- ਵਟਸਐਪ
ਸੋਸ਼ਲ ਮੀਡੀਆ ਸਾਈਟ ਵਟਸਐਪ ਨੇ ਇਸ ਸਮੱਸਿਆ ਨੂੰ ਲੈ ਕੇ ਬਿਆਨ ਜਾਰੀ ਕੀਤਾ ਹੈ, ਜਿਸ ਵਿੱਚ ਕੰਪਨੀ ਨੇ ਕਿਹਾ, “ਸਾਨੂੰ ਪਤਾ ਹੈ ਕਿ ਇਸ ਵੇਲੇ ਕੁਝ ਲੋਕਾਂ ਨੂੰ ਵਟਸਐਪ ਇਸਤੇਮਾਲ ਕਰਨ ਵਿੱਚ ਦਿੱਕਤ ਹੋ ਰਹੀ ਹੈ। ਅਸੀਂ ਚੀਜਾਂ ਨੂੰ ਵਾਪਸ ਨੌਰਮਲ ਕਰਨ ‘ਤੇ ਕੰਮ ਕਰ ਰਹੇ ਹਾਂ ਅਤੇ ਜਲਦ ਤੋਂ ਜਲਦ ਇਸ ਬਾਰੇ ਜਾਣਕਾਰੀ ਦਵਾਂਗੇ। ਤੁਹਾਡੇ ਸਬਰ ਲਈ ਧੰਨਵਾਦ।”
We’re aware that some people are experiencing issues with WhatsApp at the moment. We’re working to get things back to normal and will send an update here as soon as possible.
Thanks for your patience!
— WhatsApp (@WhatsApp) October 4, 2021
ਫੇਸਬੁੱਕ ਨੇ ਕਿਹਾ, “ਪਰੇਸ਼ਾਨੀ ਲਈ ਖੇਦ ਹੈ”
ਓਧਰ ਫੇਸਬੁੱਕ ਵੱਲੋਂ ਬਿਆਨ ਜਾਰੀ ਕਰਕੇ ਕਿਹਾ ਗਿਆ, “ਸਾਨੂੰ ਪਤਾ ਹੈ ਕਿ ਕੁਝ ਲੋਕਾਂ ਨੂੰ ਸਾਡੀਆਂ ਐਪਸ ਅਤੇ ਪ੍ਰੋਡਕਟ ਇਸਤੇਮਾਲ ਕਰਨ ਵਿੱਚ ਦਿੱਕਤ ਆ ਰਹੀ ਹੈ। ਅਸੀਂ ਜਲਦ ਤੋਂ ਜਲਦ ਚੀਜਾਂ ਨੂੰ ਵਾਪਸ ਨੌਰਮਲ ਕਰਨ ‘ਤੇ ਕੰਮ ਕਰ ਰਹੇ ਹਾਂ ਅਤੇ ਕਿਸੇ ਵੀ ਪਰੇਸ਼ਾਨੀ ਲਈ ਸਾਨੂੰ ਖੇਦ ਹੈ।”
We’re aware that some people are having trouble accessing our apps and products. We’re working to get things back to normal as quickly as possible, and we apologize for any inconvenience.
— Facebook (@Facebook) October 4, 2021
ਸਾਡੇ ਨਾਲ ਸਹਿਯੋਗ ਕਰੋ, ਅਸੀਂ ਕੰਮ ਕਰ ਰਹੇ ਹਾਂ- ਇੰਸਟਾਗ੍ਰਾਮ
ਇੰਸਟਾਗ੍ਰਾਮ ਨੇ ਟਵਿਟਰ ‘ਤੇ ਲਿਖਿਆ, “ਇੰਸਟਾਗ੍ਰਾਮ ਅਤੇ ਦੋਸਤ ਇਸ ਵੇਲੇ ਮੁਸ਼ਕਿਲ ਸਮੇਂ ‘ਚੋਂ ਲੰਘ ਰਹੇ ਹਨ। ਤੁਹਾਨੂੰ ਉਹਨਾਂ ਦੇ ਇਸਤੇਮਾਲ ਵਿੱਚ ਸਮੱਸਿਆਵਾਂ ਆ ਰਹੀਆਂ ਹੋਣਗੀਆਂ। ਸਾਡੇ ਨਾਲ ਸਹਿਯੋਗ ਕਰੋ, ਅਸੀਂ ਇਸ ‘ਤੇ ਕੰਮ ਕਰ ਰਹੇ ਹਾਂ।”
Instagram and friends are having a little bit of a hard time right now, and you may be having issues using them. Bear with us, we’re on it! #instagramdown
— Instagram Comms (@InstagramComms) October 4, 2021
ਜਿਕਰਯੋਗ ਹੈ ਕਿ ਵਟਸਐਪ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ ‘ਤੇ ਮਾਲਕਾਨਾ ਹੱਕ ਫੇਸਬੁੱਕ ਦਾ ਹੀ ਹੈ।
