ਬਿਓਰੋ। ਪੰਜਾਬ ਵਿੱਚ 5 ਜਨਵਰੀ ਨੂੰ PM ਦੀ ਸੁਰੱਖਿਆ ‘ਚ ਹੋਈ ਕਥਿਤ ਕੁਤਾਹੀ ਦੇ ਮਾਮਲੇ ਨੂੰ ਲੈ ਕੇ ਬੀਜੇਪੀ ਲਗਾਤਾਰ ਕਾਂਗਰਸ ‘ਤੇ ਹਮਲਾਵਰ ਹੈ। ਅਜਿਹੇ ਵਿੱਚ ਬੀਜੇਪੀ ਸ਼ਾਸਤ ਸੂਬੇ ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਵੱਡਾ ਦਾਅਵਾ ਕੀਤਾ ਹੈ। ਮਨੋਹਰ ਲਾਲ ਮੁਤਾਬਕ, ਪੀਐੱਮ ਦੇ ਪ੍ਰੋਗਰਾਮ ਲਈ ਪੰਜਾਬ ਦੇ ਸੀਐੱਮ ਚਰਨਜੀਤ ਚੰਨੀ ਦੀ ਹੀ ਤਰ੍ਹਾਂ ਉਹ ਵੀ ਲਾਈਵ ਜੁੜੇ ਸਨ। ਉਹਨਾਂ ਕਿਹਾ ਕਿ ਇਸ ਦੌਰਾਨ ਚੰਨੀ ਕਾਫੀ ਬੇਚੈਨ ਨਜ਼ਰ ਆ ਰਹੇ ਸਨ।
ਹਰਿਆਣਾ ਸੀਐੱਮ ਨੇ ਕਿਹਾ, “ਚੰਨੀ ਬੇਚੈਨ ਸਨ। ਉਹ ਵਾਰ-ਵਾਰ ਉਠ ਰਹੇ ਸਨ। ਕਦੇ ਇਧਰ ਜਾ ਰਹੇ ਸਨ, ਤਾਂ ਕਦੇ ਓਧਰ। ਉਹ ਪਰੇਸ਼ਾਨ ਸਨ। ਉਹ ਕਿਸਾਨਾਂ ਦੇ ਪ੍ਰਦਰਸ਼ਨ ਨੂੰ ਸੁਪੋਰਟ ਕਰ ਰਹੇ ਸਨ ਜਾਂ ਹਾਲਾਤ ਨੂੰ ਕੰਟਰੋਲ ਕਰ ਰਹੇ ਸਨ, ਇਹ ਪਤਾ ਨਹੀਂ, ਪਰ ਉਹ ਬੇਚੈਨ ਸਨ। ਪ੍ਰੋਟੋਕਾਲ ਦੇ ਤਹਿਤ ਸੀਐੱਮ ਦਾ ਜਾਣਾ ਜ਼ਰੂਰੀ ਸੀ। ਜੇਕਰ ਉਹਨਾਂ ਨੂੰ ਕੋਵਿਡ ਸੀ, ਤਾਂ ਉਸਦਾ ਵੀ ਸਬੂਤ ਮਿਲ ਜਾਵੇਗਾ। ਸੁਪਰੀਮ ਕੋਰਟ, ਗ੍ਰਹਿ ਮੰਤਰਾਲੇ ਅਤੇ ਪੰਜਾਬ ਸਰਕਾਰ ਦੀ ਰਿਪੋਰਟ ਆਵੇਗੀ। ਰਿਟਾਇਰਡ IPS ਨੇ ਰਾਸ਼ਟਰਪਤੀ ਨੂੰ ਵੀ ਪੱਤਰ ਲਿਖਿਆ ਹੈ। ਇਹ ਪੰਜਾਬ ਸਰਕਾਰ ਦਾ ਦੋਸ਼ ਹੈ।”
Live: मुख्यमंत्री श्री @mlkhattar प्रेस वार्ता को संबोधित करते हुए। https://t.co/E8vmWBjZll
— CMO Haryana (@cmohry) January 7, 2022
ਪੰਜਾਬ ਸਰਕਾਰ ਦੀ ਬਰਖਾਸਤਗੀ ਦੀ ਕੀਤੀ ਮੰਗ
ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਅਤੇ ਹਰਿਆਣਾ ਬੀਜੇਪੀ ਪ੍ਰਧਾਨ ਓਪੀ ਧਨਖੜ ਨੇ ਸ਼ੁੱਕਰਵਾਰ ਨੂੰ ਸੂਬੇ ਦੇ ਰਾਜਪਾਲ ਬੰਡਾਰੂ ਦੱਤਾਤ੍ਰੇਅ ਨਾਲ ਮੁਲਾਕਾਤ ਕਰਕੇ ਉਹਨਾਂ ਨੂੰ ਮੰਗ ਪੱਤਰ ਸੌਂਪਿਆ। ਉਹਨਾਂ ਨੇ ਮੰਗ ਕੀਤੀ ਕਿ ਰਾਸ਼ਟਰਪਤੀ ਪੰਜਾਬ ਸਰਕਾਰ ਨੂੰ ਬਰਖਾਸਤ ਕਰਨ। ਮਨੋਹਰ ਲਾਲ ਨੇ ਕਿਹਾ, “ਪੀਐੱਮ ਦੀ ਸੁਰੱਖਿਆ ਇੱਕ ਵੱਡਾ ਮੁੱਦਾ ਹੈ। ਕਾਨੂੰਨ-ਵਿਵਸਥਾ ਬਣਾਏ ਰੱਖਣਾ ਸੂਬਾ ਸਰਕਾਰ ਦਾ ਕੰਮ ਹੁੰਦਾ ਹੈ। ਇਤਿਹਾਸ ਵਿੱਚ ਪਹਿਲੀ ਵਾਰ ਇੰਨੀ ਵੱਡੀ ਗਲਤੀ ਹੋਈ ਹੈ।” ਉਹਨਾਂ ਕਿਹਾ ਕਿ ਜੇਕਰ ਪੰਜਾਬ ਦੇ ਸੀਐੱਮ ਆਪਣੀ ਜਨਤਾ ਨੂੰ ਕੰਟਰੋਲ ਨਹੀਂ ਕਰ ਸਕਦੇ, ਤਾਂ ਪੀਐੱਮ ਦਫ਼ਤਰ ਨੂੰ ਦੱਸ ਦਿੰਦੇ।
ਕਾਂਗਰਸ ਦਾ ਵਿਰੋਧ ਕਿਉਂ ਨਹੀਂ ਹੁੰਦਾ- ਮਨੋਹਰ ਲਾਲ
ਸੀਐੱਮ ਮਨੋਹਰ ਲਾਲ ਨੇ ਇਹ ਵੀ ਸਵਾਲ ਚੁੱਕਿਆ ਕਿ ਅੱਜ ਤੱਕ ਕਾਂਗਰਸੀ ਆਗੂਆਂ ਦੇ ਪ੍ਰੋਗਰਾਮਾਂ ਦਾ ਵਿਰੋਧ ਕਿਉਂ ਨਹੀਂ ਹੋਇਆ। ਉਹਨਾਂ ਕਿਹਾ, “ਸੀਐੱਮ ਚੰਨੀ ਪੰਜਾਬ ‘ਚ ਜਗ੍ਹਾ-ਜਗ੍ਹਾ ਜਾ ਰਹੇ ਹਨ, ਪਰ ਉਹਨਾਂ ਦਾ ਤਾਂ ਕੋਈ ਵਿਰੋਧ ਨਹੀਂ ਹੁੰਦਾ। ਪੀਐੱਮ ਅਤੇ ਬੀਜੇਪੀ ਆਗੂਆਂ ਦੇ ਵਿਰੋਧ ਨਾਲ ਇਸਦੇ ਪਿੱਛੇ ਦੀ ਨੀਅਤ ਦਾ ਪਤਾ ਲੱਗਦਾ ਹੈ।” ਉਹਨਾਂ ਕਿਹਾ, “ਇਸ ਵਿਰੋਧ ਪ੍ਰਦਰਸ਼ਨ “ਚ ਸ਼ਾਮਲ ਲੋਕ ਕਾਂਗਰਸੀ ਨਹੀਂ ਹਨ, ਤਾਂ ਜਾਂਚ ਵਿੱਚ ਪਤਾ ਲੱਗ ਜਾਵੇਗਾ।” ਮਨੋਹਰ ਲਾਲ ਨੇ ਇਹ ਵੀ ਸਵਾਲ ਕੀਤਾ ਕਿ ਜੇਕਰ ਪੰਜਾਬ ਤੋਂ ਕੋਈ ਲਾਪਰਵਾਹੀ ਨਹੀਂ ਹੋਈ, ਤਾਂ ਕਮੇਟੀ ਬਣਾਉਣ ਦੀ ਕੀ ਲੋੜ ਸੀ।
PM ਲਈ ‘ਮਹਾਂਮ੍ਰਿਤੂੰਜੈ’ ਦਾ ਜਾਪ ਵੀ ਕੀਤਾ
ਇਸ ਤੋਂ ਪਹਿਲਾਂ ਸਵੇਰੇ 9 ਵਜੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਪੰਚਕੂਲਾ ਵਿੱਚ ਮਾਤਾ ਮਨਸਾ ਦੇਵੀ ਮੰਦਰ ਜਾ ਕੇ ਪੀਐੱਮ ਮੋਦੀ ਦੀ ਲੰਮੀ ਉਮਰ ਲਈ ਪ੍ਰਾਰਥਨਾ ਵੀ ਕੀਤੀ ਅਤੇ ਮਹਾਂਮ੍ਰਿਤੂੰਜੈ ਦਾ ਜਾਪ ਵੀ ਕੀਤਾ। ਇਸ ਮੌਕੇ ਸੂਬੇ ਦੇ ਕਈ ਮੰਤਰੀ ਵੀ ਉਹਨਾਂ ਦੇ ਨਾਲ ਸਨ। ਉਹਨਾਂ ਮੰਗ ਕੀਤੀ ਕਿ ਪੰਜਾਬ ਵਿੱਚ ਰਾਸ਼ਟਰਪਤੀ ਰਾਜ ਲਗਾਇਆ ਜਾਵੇ, ਤਾਂ ਜੋ ਚੋਣਾਂ ਸ਼ਾਂਤੀਪੂਰਣ ਹੋ ਸਕਣ। ਹਰਿਆਣਾ ਬੀਜੇਪੀ ਵੱਲੋਂ ਪੰਜਾਬ ਸਰਕਾਰ ਖਿਲਾਫ਼ ਨਿੰਦਾ ਮਤਾ ਵੀ ਪਾਸ ਕੀਤਾ ਗਿਆ ਹੈ।
