ਬਿਓਰੋ। ਪੰਜਾਬ ਪੁਲਿਸ ਦੀ ਦਾਦਾਗਿਰੀ ਇੱਕ ਵਾਰ ਫਿਰ ਸਾਹਮਣੇ ਆਈ ਹੈ। ਇਸ ਵਾਰ ਮਾਮਲਾ ਬਠਿੰਡਾ ਦਾ ਹੈ, ਜਿਥੇ ASI ਨੇ ਸੜਕ ਕਿਨਾਰੇ ਰੇਹੜੀ ਲਗਾ ਕੇ ਖੜ੍ਹੇ ਸ਼ਖਸ ਨੂੰ ਥੱਪੜ ਜੜ ਦਿੱਤਾ। ਇਹ ਕਰਤੂਤ ਉਥੇ ਲੱਗੇ CCTV ਕੈਮਰੇ ਵਿੱਚ ਕੈਦ ਹੋ ਗਈ।
ਪੁਲਿਸ ਮੁਤਾਬਕ, ਇਥੇ ਰੇਹੜੀ ਲਗਾਉਣ ਦੇ ਚਲਦੇ ਟ੍ਰੈਫਿਕ ਦੀ ਪਰੇਸ਼ਾਨੀ ਹੁੰਦੀ ਸੀ। ਕਈ ਵਾਰ ਰੇਹੜੀ ਵਾਲਿਆਂ ਨੂੰ ਸਮਝਾਇਆ ਗਿਆ ਸੀ ਕਿ ਉਹ ਇਥੇ ਰੇਹੜੀ ਨਾ ਲਗਾਉਣ। ਇਸਦੇ ਬਾਵਜੂਦ ਉਹ ਨਹੀਂ ਮੰਨੇ, ਤਾਂ ASI ਸਰਕਾਰੀ ਗੱਡੀ ਵਿੱਚ ਉਥੇ ਪਹੁੰਚਿਆ। ਰੇਹੜੀ ਵਾਲੇ ਨੂੰ ਵੇਖਦੇ ਹੀ ਉਸਦਾ ਪਾਰਾ ਚੜ੍ਹਾ ਗਿਆ। ਉਸਨੇ ਉਤਰ ਕੇ ਰੇਹੜੀ ਵਾਲੇ ਨੂੰ ਕੁਝ ਨਹੀਂ ਕਿਹਾ ਅਤੇ ਸਿੱਧੇ ਥੱਪੜ ਜੜ ਦਿੱਤਾ। ਇਸ ਤੋਂ ਬਾਅਦ ਉਹ ਆਪਣੀ ਗੱਡੀ ਵਿੱਚ ਉਥੋਂ ਰਵਾਨਾ ਹੋ ਗਿਆ।
ਬਠਿੰਡਾ ਦੇ ਥਾਣਾ ਸਿਵਲ ਲਾਈਨ ਦੇ SHO ਰਵਿੰਦਰ ਸਿੰਘ ਨੇ ਇੰਨਾ ਜ਼ਰੂਰ ਕਿਹਾ ਕਿ ਰੇਹੜੀ ਵਾਲੇ ਨੂੰ ਸਮਝਾ ਕੇ ਹਟਾ ਸਕਦੇ ਸਨ, ਪਰ ਥੱਪੜ ਮਾਰਨਾ ਠੀਕ ਨਹੀਂ। ਹਾਲਾਂਕਿ ਅਜੇ ਤੱਕ ਮੁਲਜ਼ਮ ASI ‘ਤੇ ਕੋਈ ਕਾਰਵਾਈ ਨਹੀਂ ਕੀਤੀ ਗਈ ਹੈ।
ਇੱਕ ਮਹੀਨੇ ‘ਚ ਬਠਿੰਡਾ ਪੁਲਿਸ ਦਾ ਦੂਜਾ ਕਾਰਨਾਮਾ
ਬਠਿੰਡਾ ਪੁਲਿਸ ਦਾ ਇਹ ਪਹਿਲਾ ਕਾਰਨਾਮਾ ਨਹੀਂ ਹੈ। ਇਸ ਤੋਂ ਪਹਿਲਾਂ ਇਥੋਂ ਦੇ DSP ਗੁਰਜੀਤ ਰੋਮਾਣਾ ਦੀ ਇੱਕ ਵੀਡੀਓ ਸਾਹਮਣੇ ਆਇਆ ਸੀ। ਰੋਮਾਣਾ ਉਸ ਚਾਰਪਾਈ ‘ਤੇ ਪੈਰ ਰੱਖ ਕੇ ਖੜ੍ਹੇ ਸਨ, ਜਿਸ ‘ਤੇ ਸੀਐੱਮ ਚਰਨਜੀਤ ਸਿੰਘ ਚੰਨੀ ਬੈਠੇ ਸਨ। ਇਸ ਨੂੰ ਪ੍ਰੋਟੋਕਾਲ ਦੀ ਉਲੰਘਣਾ ਮੰਨਿਈ ਗਿਆ। ਹਾਲਾਂਕਿ ਰੋਮਾਣਾ ਦਾ ਕਹਿਣਾ ਸੀ ਕਿ ਚਾਰਪਾਈ ਉਸ ਹਿੱਸੇ ਤੋਂ ਉਠੀ ਹੋਈ ਸੀ, ਜਿਸਦੇ ਚਲਦੇ ਉਹਨਾਂ ਨੇ ਪੈਰ ਰੱਖ ਕੇ ਉਸ ਨੂੰ ਦਬਾਇਆ ਸੀ।
ਪਹਿਲਾਂ ਵੀ ਕਈ ਵਾਰ ਕਾਨੂੰਨ ਭੁੱਲੇ ਵਰਦੀ ਵਾਲੇ
ਫਗਵਾੜਾ ਵਿੱਚ SHO ਨੇ ਸਬਜੀ ਦੀ ਟੋਕਰੀ ਨੂੰ ਲੱਤ ਮਾਰ ਦਿੱਤੀ ਸੀ। SHO ਨੇ ਤਰਕ ਦਿੱਤਾ ਸੀ ਕਿ ਕੋਰੋਨਾ ਫੈਲਣ ਦੇ ਚਲਦੇ ਉਹਨਾਂ ਨੂੰ ਦੁਕਾਨ ਨਾ ਲਗਾਉਣ ਲਈ ਕਿਹਾ ਗਿਆ ਸੀ, ਇਸਦੇ ਬਾਵਜੂਦ ਉਹ ਨਹੀਂ ਮੰਨੇ। ਹਾਲਾਂਕਿ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਤਤਕਾਲੀ DGP ਦਿਨਕਰ ਗੁਪਤਾ ਨੇ SHO ਨੂੰ ਸਸਪੈਂਡ ਕਰ ਦਿੱਤਾ ਸੀ।
ਜਲੰਧਰ ਵਿੱਚ ਪੈਰਾਂ ਤੋਂ ਲਚਾਰ 90 ਫੀਸਦ ਦਿਵਿਆਂਗ ਵਿਅਕਤੀ ਨੂੰ ASI ਰਘੁਵੀਰ ਸਿੰਘ ਨੇ ਪਹਿਲਾਂ ਲੱਤ ਮਾਰੀ ਸੀ। ਫਿਰ ਉਸਦੇ ਮੂੰਹ ‘ਤੇ ਥੱਪੜ ਮਾਰੇ ਸਨ। ਇਸ ਦੌਰਾਨ ਦਿਵਿਆਂਗ ਆਪਣੇ ਬਚਾਅ ਲਈ ਨਾ ਤਾਂ ਖੜ੍ਹਾ ਹੋ ਸਕਿਆ ਤੇ ਨਾ ਹੀ ਉਥੋਂ ਅੱਗੇ-ਪਿੱਛੇ ਹੋ ਸਕਦਾ ਸੀ। ASI ਦੀ ਇਹ ਕਰਤੂਤ ਉਥੇ ਲੱਗੇ CCTV ਕੈਮਰੇ ਵਿੱਚ ਕੈਦ ਹੋ ਗਈ, ਜਿਸ ਤੋ ਬਾਅਦ ASI ਰਘੁਵੀਰ ਸਿੰਘ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਸੀ।
