ਬਿਓਰੋ। ਲਖੀਮਪੁਰ ਖੀਰੀ ਹਿੰਸਾ ਦੇ ਵਿਰੋਧ ਵਿੱਚ ਨਵਜੋਤ ਸਿੱਧੂ ਭੁੱਖ ਹੜਤਾਲ ਸ਼ਨੀਵਾਰ ਨੂੰ ਖਤਮ ਹੋ ਗਈ। ਕੇਂਦਰੀ ਗ੍ਰਹਿ ਰਾਜ ਮੰਤਰੀ ਅਜੇ ਮਿਸ਼ਰਾ ਦਾ ਬੇਟਾ ਅਸ਼ੀਸ਼ ਮਿਸ਼ਰਾ ਜਿਵੇਂ ਹੀ ਪੁਲਿਸ ਜਾਂਚ ਵਿੱਚ ਸ਼ਾਮਲ ਹੋਣ ਲਈ ਪਹੁੰਚਿਆ, ਤਾਂ ਸਿੱਧੂ ਨੇ ਆਪਣੀ ਭੁੱਖ ਹੜਤਾਲ ਅਤੇ ਮੌਨ ਵਰਤ ਖਤਮ ਕਰ ਦਿੱਤਾ। ਸਿੱਧੂ ਲਖੀਮਪੁਰ ਖੀਰੀ ਹਿੰਸਾ ਵਿੱਚ ਮਾਰੇ ਗਏ ਪੱਤਰਕਾਰ ਰਮਨ ਕਸ਼ਯੱਪ ਦੇ ਘਰ ਮੌਨ ਵਰਤ ਧਾਰਨ ਕਰਕੇ ਬੈਠੇ ਸਨ।
Broke my fast with family of Raman Kashyap … After Ashish Mishra surrenders to join investigations.
The Almighty gave me the strength to fight for a Just cause … Path of Truth will always Triumph !! #SatyamevJayate pic.twitter.com/aIwgjAsnWx
— Navjot Singh Sidhu (@sherryontopp) October 9, 2021
ਭੁੱਖ ਹੜਤਾਲ ਖਤਮ ਕਰਨ ਤੋਂ ਬਾਅਦ ਸਿੱਧੂ ਨੇ ਕਿਹਾ ਕਿ ਸੱਚ ਦੀ ਜਿੱਤ ਹੋਈ ਹੈ। ਕਿਸਾਨ ਭਰਾਵਾਂ ਦੀ ਜਿੱਤ ਹੋਈ ਹੈ। ਸਿੱਧੂ ਨੇ ਕਿਹਾ ਕਿ ਪੀੜਤ ਪਰਿਵਾਰਾਂ ਨੂੰ ਮੁਆਵਜਾ ਨਹੀਂ, ਇਨਸਾਫ਼ ਚਾਹੀਦਾ ਹੈ।
Breaking the fast … pic.twitter.com/9BLCQWY634
— Navjot Singh Sidhu (@sherryontopp) October 9, 2021
ਓਧਰ ਸਿੱਧੂ ਦੀ ਭੁੱਖ ਹੜਤਾਲ ਵਿੱਚ ਵਿਰੋਧੀਆਂ ਨੂੰ ਡਰਾਮੇਬਾਜੀ ਨਜ਼ਰ ਆ ਰਹੀ ਹੈ। ਅਕਾਲੀ ਆਗੂ ਬਿਕਰਮ ਮਜੀਠੀਆ ਨੇ ਟਵੀਟ ਕਰਕੇ ਸਿੱਧੂ ਦੀ ਭੁੱਖ ਹੜਤਾਲ ‘ਤੇ ਤੰਜ ਕਸਿਆ ਅਤੇ ਕਿਹਾ ਕਿ ਸਿੱਧੂ ਦੀ ਭੁੱਖ ਹੜਤਾਲ ਇਸ ਤੋਂ ਲੰਮੀ ਤਾਂ ਹੋ ਹੀ ਨਹੀਂ ਸਕਦੀ। ਉਹਨਾਂ ਕਿਹਾ ਕਿ ਸਵੇਰ ਦਾ ਅਖਬਾਰ ਆਉਣ ਤੋਂ ਪਹਿਲਾਂ ਹੀ ਭਗਵੰਤ ਸਿੰਘ ਦੇ ਪੁੱਤਰ ਨੇ ਨਾਟਕ, ਝੂਠ ਅਤੇ ਹੰਕਾਰ ਦੇ ਨਾਲ ਭਰਵੇਂ ਪਰਾਂਠਿਆਂ ਨਾਲ ਭੁੱਖ ਦੀ ‘ਹੜਤਾਲ’ ਕਰਨ ਦਾ ਫੈਸਲਾ ਕਰ ਲਿਆ ਸੀ। ਠੋਕੋ “ਥਾਲੀ”
Navjot Sidhu -“Fast” asleep! From 9.30 PM to 7.30 AM. It doesn’t get “faster” than this! Before the morning newspapers were out, Bhagwant Singh’s son had already decided to “strike” hunger with stuffed Pranthas with a pasting of drama, lies and ego. Thoko “Thaali"!@sherryontopp
— Bikram Singh Majithia (@bsmajithia) October 9, 2021
ਓਧਰ ਹਰਿਆਣਾ ਦੇ ਗ੍ਰਹਿ ਮੰਤਰੀ ਅਨਿਲ ਵਿਜ ਨੇ ਵੀ ਸਿੱਧੂ ‘ਤੇ ਤੰਜ ਕਸਿਆ। ਵਿਜ ਨੇ ਕਿਹਾ ਕਿ ਇਹ ਪਰਮਾਨੈਂਟ ਮੌਨ ਰੱਖ ਲਵੇ, ਤਾਂ ਕਾਂਗਰਸ ਅਤੇ ਦੇਸ਼ ਨੂੰ ਸ਼ਾਂਤੀ ਮਿਲ ਜਾਵੇ।
सिद्धू पर अनिल विज का तंज, बोले- वह परमानेंट मौन व्रत रख लें तो कांग्रेस और देश को शांति मिल जाये https://t.co/VwnmWJwrCo
— ANIL VIJ MINISTER HARYANA (@anilvijminister) October 9, 2021
ਪੰਜਾਬ ਕਾਂਗਰਸ ਦਾ ਕਾਫ਼ਲਾ ਲੈ ਕੇ ਗਏ ਸਨ ਸਿੱਧੂ
ਸਿੱਧੂ ਵੀਰਵਾਰ ਨੂੰ ਮੋਹਾਲੀ ਤੋਂ ਪੰਜਾਬ ਕਾਂਗਰਸ ਦਾ ਕਾਫ਼ਲਾ ਲੈ ਕੇ ਲਖੀਮਪੁਰ ਲਈ ਨਿਕਲੇ ਸਨ। ਹਾਲਾਂਕਿ ਉਹਨਾਂ ਨੂੰ ਸਹਾਰਨਪੁਰ ਵਿੱਚ ਯੂਪੀ ਬਾਰਡਰ ‘ਤੇ ਰੋਕ ਲਿਆ ਗਿਆ। ਕਾਂਗਰਸੀਆਂ ਨੇ ਬੈਰੀਕੇਡ ਤੋੜੇ, ਤਾਂ ਸਿੱਧੂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ। ਉਹਨਾਂ ਨੂੰ ਸਰਸਾਵਾ ਥਾਣੇ ਵਿੱਚ ਰੱਖਣ ਤੋਂ ਬਾਅਦ ਸਿਰਫ਼ 5 ਲੋਕਾਂ ਨੂੰ ਲਖੀਮਪੁਰ ਜਾਣ ਦੀ ਇਜਾਜ਼ਤ ਦਿੱਤੀ ਗਈ। ਸਿੱਧੂ ਦੇ ਨਾਲ ਗਏ ਬਾਕੀ ਮੰਤਰੀ ਅਤੇ ਵਿਧਾਇਕ ਪਰਤ ਆਏ ਅਤੇ 5 ਆਗੂਆਂ ਦਾ ਵਫ਼ਦ ਹੀ ਲਖੀਮਪੁਰ ਪਹੁੰਚਿਆ ਸੀ।
