ਬਿਓਰੋ। ਖਡੂਰ ਸਾਹਿਬ ਲੋਕ ਸਭਾ ਸੀਟ ਤੋੰ 42 ਸਾਲਾੰ ਬਾਅਦ ਕਾੰਗਰਸ ਨੂੰ ਜਿਖ਼ਤ ਦਵਾਉਣ ਵਾਲੇ ਸਾੰਸਦ ਜਸਬੀਰ ਡਿੰਪਾ ਦੇ ਭਰਾ ਰਾਜਨ ਗਿੱਲ ਅਕਾਲੀ ਦਲ ਵਿੱਚ ਸ਼ਾਮਲ ਹੋ ਗਏ ਹਨ। ਇਸਦੇ ਲਈ ਸੁਖਬੀਰ ਬਾਦਲ ਖੁਦ ਅੰਮ੍ਰਿਤਸਰ ਪਹੁੰਚੇ ਅਤੇ ਉਹਨਾੰ ਨੂੰ ਪਾਰਟੀ ਵਿੱਚ ਸ਼ਾਮਲ ਕਰਵਾਇਆ।
ਕਾੰਗਰਸ ਲਈ ਇਹ ਅੰਮ੍ਰਿਤਸਰ ਅਤੇ ਤਰਨਤਾਰਨ ਦੋਵੇੰ ਹਲਕਿਆੰ ਵਿੱਚ ਝਟਕਾ ਹੈ। ਇੱਕ ਸਿਟਿੰਗ ਵਿਧਾਇਕ ਦੇ ਭਰਾ ਦੇ ਅਕਾਲੀ ਦਲ ਜੁਆਇਨ ਕਰਨ ਨਾਲ ਅੰਮ੍ਰਿਤਸਰ ਦੀ ਖਡੂਰ ਸਾਹਿਬ ਸੀਟ ਤੋਂ ਇਲਾਵਾ ਬਾਬਾ ਬਕਾਲਾ ਸਾਹਿਬ ਸੀਟ ‘ਤੇ ਵੀ ਅਸਰ ਵੇਖਣ ਨੂੰ ਮਿਲੇਗਾ।
ਰਾਜਨ ਗਿੱਲ ਨੇ ਲਗਾਏ ਟਿਕਟ ਵੇਚਣ ਦੇ ਇਲਜ਼ਾਮ
ਰਾਜਨ ਗਿੱਲ ਨੇ ਕਿਹਾ ਕਿ ਉਹ ਆਪਣੇ ਸਾੰਸਦ ਭਰਾ ਦੀ ਸਹਿਮਤੀ ਨਾਲ ਹੀ ਅਕਾਲੀ ਦਲ ਵਿੱਚ ਸ਼ਾਮਲ ਹੋਏ ਹਨ। ਰਾਜਨ ਨੇ ਇਲਜ਼ਾਮ ਲਾਇਆ ਕਿ ਕਾੰਗਰਸ ਨੇ ਇਸ ਵਾਰ ਵਿਧਾਨ ਸਭਾ ਚੋਣਾੰ ਜਿੱਤਣ ਲਈ ਆਪਣੀ ਹਰ ਸੀਟ ਨੂੰ ਕਰੋੜਾੰ ਵਿੱਚ ਵੇਚਿਆ ਹੈ। ਉਹਨਾੰ ਕਿਹਾ ਕਿ ਪੰਜਾਬ ਕਾੰਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਅਤੇ ਇੰਚਾਰਜ ਹਰੀਸ਼ ਚੌਧਰੀ ਨੇ ਕਾੰਗਰਸ ਨੂੰ ਪੱਤਣ ਵੱਲ ਧਕੇਲ ਦਿੱਤਾ ਹੈ।
ਡਿੰਪਾ ਵੀ ਕਾੰਗਰਸ ਤੋੰ ਨਰਾਜ਼
ਓਧਰ ਸਾੰਸਦ ਜਸਬੀਰ ਸਿੰਘ ਡਿੰਪਾ ਦੀ ਨਰਾਜ਼ਗੀ ਵੀ ਖੁੱਲ੍ਹ ਕੇ ਨਜ਼ਰ ਆਉਣ ਲੱਗੀ ਹੈ। ਵੋਟਿੰਗ ਵਿੱਚ ਮਹਿਜ਼ ਕੁਝ ਹੀ ਦਿਨ ਬਚੇ ਹਨ ਅਤੇ ਇਸ ਤੋੰ ਪਹਿਲਾੰ ਉਹਨਾੰ ਨੇ ਇੱਕ ਟਵੀਟ ਕਰਕੇ ਪਾਰਟੀ ਦੀਆੰ ਮੁਸ਼ਕਿਲਾੰ ਵਧਾ ਦਿੱਤੀਆੰ ਹਨ। ਆਪਣੇ ਟਵੀਟ ਵਿੱਚ ਉਹਨਾੰ ਨੇ ਲੋਕਾੰ ਨੂੰ ਸਿਆਸੀ ਪਾਰਟੀਆੰ ਦੀ ਬਜਾਏ ਇਮਾਨਦਾਰ ਉਮੀਦਵਾਰਾੰ ਨੂੰ ਵੋਟ ਦੇਣ ਦੀ ਅਪੀਲ ਕੀਤੀ ਹੈ।
ਬੇਟੇ ਲਈ ਟਿਕਟ ਮੰਗ ਰਹੇ ਸਨ ਡਿੰਪਾ
ਸਾੰਸਦ ਡਿੰਪਾ ਆਪਣੇ ਬੇਟੇ ਉਪਦੇਸ਼ ਗਿੱਲ ਲਈ ਖਡੂਰ ਸਾਹਿਬ ਤੋੰ ਟਿਕਟ ਮੰਗ ਰਹੇ ਸਨ, ਪਰ ਪਾਰਟੀ ਨੇ ਮੌਜੂਦਾ ਵਿਧਾਇਕ ਰਮਨਜੀਤ ਸਿੱਕੀ ਨੂੰ ਹੀ ਉਮੀਦਵਾਰ ਐਲਾਨ ਦਿੱਤਾ। ਇਸਦੇ ਚਲਦੇ ਡਿੰਪਾ ਨਰਾਜ਼ ਹਨ ਅਤੇ ਪਾਰਟੀ ਦੀ ਖਿਲਾਫਤ ਕਰ ਰਹੇ ਹਨ। ਟਿਕਟ ਨਾ ਮਿਲਣ ਤੋੰ ਬਾਅਦ ਡਿੰਪਾ ਦੇ ਭਰਾ ਨੇ ਖਡੂਰ ਸਾਹਿਬ ਤੋੰ ਅਜ਼ਾਦ ਉਮੀਦਵਾਰ ਦੇ ਤੌਰ ‘ਤੇ ਪਰਚਾ ਵੀ ਭਰ ਦਿੱਤਾ ਸੀ, ਪਰ ਬਾਅਦ ਵਿੱਚ ਉਹਨਾੰ ਦੇ ਕਾਗਜ਼ ਰੱਦ ਹੋ ਗਏ।
