ਬਿਓਰੋ। ਚੋਣਾੰ ਦੇ ਮਾਹੌਲ ਵਿਚਾਲੇ ਪੰਜਾਬ ਨੂੰ ਦਹਿਲਾਉਣ ਦੀ ਸਾਜ਼ਿਸ਼ ਰਚੀ ਜਾ ਰਹੀ ਹੈ। ਹਾਲਾੰਕਿ BSF ਨੇ ਪਾਕਿਸਤਾਨੀ ਦਹਿਸ਼ਤਗਰਦੀ ਜਥੇਬੰਦੀਆੰ ਦੀ ਸਾਜ਼ਿਸ਼ ਇੱਕ ਵਾਰ ਨਾਕਾਮ ਕਰ ਦਿੱਤੀ ਹੈ। ਭਾਰਤ-ਪਾਕਿਸਤਾਨ ਸਰਹੱਦ ‘ਤੇ ਰਾਤ ਨੂੰ ਡਰੋਨ ਮੰਡਰਾਉੰਦੇ ਵੇਖਿਆ ਗਿਆ। ਡਰੋਨ ਦੇ ਜ਼ਰੀਏ ਰਮਦਾਸ ਸੈਕਟਰ ‘ਚ 2 ਬਕਸੇ ਸੁੱਟੇ ਗਏ, ਜਿਹਨਾੰ ਨੂਂ BSF ਦੇ ਜਵਾਨਾੰ ਨੇ ਜ਼ਬਤ ਕਰ ਲਿਆ। ਜਾੰਚ ਤੋੰ ਬਾਅਦ ਬਕਸੇ ਤੋੰ 2 ਬੰਬ, ਹਥਿਆਰ ਅਤੇ ਇੱਕ ਲੱਖ ਰੁਪਏ ਬਰਾਮਦ ਕੀਤੇ ਗਏ।
ਜਾਣਕਾਰੀ ਮੁਤਾਬਕ, ਪਾਕਿਸਤਾਨੀ ਤਸਕਰਾੰ ਨੇ ਰਾਤ ਸਮੇੰ ਡਰੋਨ ਦੇ ਜ਼ਰੀਏ ਅੰਮ੍ਰਿਤਸਰ ਦੇ ਰਮਦਾਸ ਸੈਕਟਰ ਦੇ ਪੰਜਗਰਾਈਆੰ ਪਿੰਡ ਵਿੱਚ 2 ਲੱਕੜੀ ਦੇ ਬਕਸਿਆੰ ਨੂੰ ਡਰਾਪ ਕੀਤਾ। BSF ਦੀ 75 ਬਟਾਲੀਅਨ ਗੁਰਦਾਸਪੁਰ ਦੀ ਟੀਮ ਇਲਾਕੇ ਵਿੱਚ ਗਸ਼ਤ ‘ਤੇ ਸੀ ਕਿ ਉਹਨਾੰ ਨੂੰ ਡਰੋਨ ਦੀ ਅਵਾਜ਼ ਸੁਣਾਈ ਦਿੱਤੀ। ਜਵਾਨਾੰ ਨੇ ਤੁਰੰਤ ਡਰੋਨ ਦੀ ਅਵਾਜ਼ ਵਾਲੇ ਪਾਸੇ ਫਾਇਰ ਕੀਤਾ। ਇਸ ਤੋੰ ਬਾਅਦ ਡਰੋਨ ਵਾਪਸ ਪਾਕਿਸਤਾਨ ਵੱਲ ਚਲਾ ਗਿਆ, ਪਰ ਇਸਦੇ ਕੁਝ ਮਿੰਟਾੰ ਬਾਅਦ 1.36 ਵਜੇ ਦੇ ਕਰੀਬ ਦੋਬਾਰਾ ਡਰੋਨ ਦੀ ਅਵਾਜ਼ ਸੁਣਾਈ ਦਿੱਤੀ। ਇਸ ਤੋੰ ਬਾਅਦ ਤੁਰੰਤ ਇਲਾਕੇ ਨੂੰ BSF ਨੇ ਘੇਰ ਲਿਆ।
ਸਵੇਰ ਹੁੰਦੇ ਹੀ ਇਲਾਕੇ ਵਿੱਚ ਸਰਚ ਅਪਰੇਸ਼ਨ ਨੂੰ ਸ਼ੁਰੂ ਕੀਤਾ ਗਿਆ। ਤਲਾਸ਼ੀ ਦੌਰਾਨ ਬਾਰਡਰ ਦੇ ਨੇੜਿਓੰ ਕਰੀਬ 2 ਲੱਕੜੀ ਦੇ ਬਕਸੇ ਮਿਲੇ। BSF ਦੇ ਅਧਿਕਾਰੀਆੰ ਨੇ ਜਦੋੰ ਬਕਸਿਆੰ ਨੂੰ ਖੋਲ੍ਹਿਆ, ਤਾੰ ਉਹਨਾੰ ਵਿੱਚੋੰ 1 ਪਿਸਟਲ, 2 ਮੈਗਜ਼ੀਨ, 22 ਰਾਊੰਡ, 2 IED (ਬੰਬ) ਅਤੇ 1 ਲੱਖ ਰੁਪਏ ਕੈਸ਼ ਬਰਾਮਦ ਕੀਤਾ ਗਿਆ।
