ਬਿਓਰੋ। ਪੰਜਾਬ ਦੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਨੇ ਇੱਕ ਵਾਰ ਫਿਰ ਕਾਂਗਰਸ ਨੂੰ ਜਕੜ ਲਿਆ ਹੈ। ਦੰਗਿਆਂ ਨਾਲ ਜੁੜੇ ਇੱਕ ਮਾਮਲੇ ਵਿੱਚ ਦਿੱਲੀ ਦੀ ਕੋਰਟ ਨੇ ਕਾਂਗਰਸੀ ਲੀਡਰ ਅਤੇ ਸਾਬਕਾ ਸਾਂਸਦ ਸੱਜਣ ਕੁਮਾਰ ਖਿਲਾਫ਼ ਦੋਸ਼ ਆਇਦ ਕਰ ਦਿੱਤੇ ਹਨ। ਸੱਜਣ ਕੁਮਾਰ ‘ਤੇ ਦੰਗਾ, ਕਤਲ ਅਤੇ ਡਕੈਤੀ ਦੇ ਦੋਸ਼ ਆਇਦ ਹੋਏ ਹਨ। ਮਾਮਲੇ ਦੀ ਅਗਲੀ ਸੁਣਵਾਈ 16 ਦਸੰਬਰ ਨੂੰ ਹੋਵੇਗੀ।
ਦਰਅਸਲ, ਇਹ ਪੂਰਾ ਮਾਮਲਾ ਦੇ ਦੰਗਿਆਂ ਦੌਰਾਨ ਦਿੱਲੀ ਦੇ ਰਾਜ ਨਗਰ ਵਿੱਚ 2 ਸਿੱਖਾਂ ਜਸਵੰਤ ਸਿੰਘ ਅਤੇ ਤਰੁਣਦੀਪ ਸਿੰਘ ਦੇ ਕਤਲ ਦਾ ਹੈ। ਦੋਵਾਂ ਦੇ ਪਰਿਵਾਰਕ ਮੈਂਬਰਾਂ ਨੇ ਇਲਜ਼ਾਮ ਲਾਇਆ ਸੀ ਕਿ ਸੱਜਣ ਕੁਮਾਰ ਦੀ ਅਗਵਾਈ ਵਾਲੀ ਭੀੜ ਨੇ ਦੋਵਾਂ ਨੇ ਜ਼ਿੰਦਾ ਸਾੜਿਆ, ਜਿਸਦੇ ਚਲਦੇ ਦਿੱਲੀ ਦੇ ਹੀ ਸਰਸਵਤੀ ਵਿਹਾਰ ਥਾਣੇ ਵਿੱਚ ਸੱਜਣ ਖਿਲਾਫ਼ ਕੇਸ ਦਰਜ ਕੀਤਾ ਗਿਆ ਸੀ। ਸੱਜਣ ਦੇ ਖਿਲਾਫ਼ IPC ਦੀ ਧਾਰਾ 147, 148, 149, 302, 308, 323, 395, 397, 427, 436 ਅਤੇ 440 ਦੇ ਤਹਿਤ ਕੇਸ ਦਰਜ ਹੋਇਆ ਸੀ। ਇਸੇ ਮਾਮਲੇ ‘ਤੇ ਸੁਣਵਾਈ ਦੌਰਾਨ ਮੰਗਲਵਾਰ ਨੂੰ ਰੋਜ਼ ਐਵਨਿਊ ਕੋਰਟ ਦੇ ਵਿਸ਼ੇਸ਼ ਜੱਜ ਐੱਮ.ਕੇ. ਨਾਗਪਾਲ ਦੀ ਅਦਾਲਤ ‘ਚ ਦੋਸ਼ ਆਇਦ ਕਰ ਦਿੱਤੇ ਗਏ।
ਸਿਰਸਾ ਨੇ ਮੋਦੀ ਸਰਕਾਰ ਨੂੰ ਦਿੱਤਾ ਕ੍ਰੈਡਿਟ
ਹਾਲ ਹੀ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਛੱਡ ਕੇ ਬੀਜੇਪੀ ਵਿੱਚ ਸ਼ਾਮਲ ਹੋਏ ਮਨਜਿੰਦਰ ਸਿਰਸਾ ਨੇ ਕਿਹਾ, “ਸਿੱਖਾਂ ਨੇ ਇਸ ਦਿਨ ਦਾ 37 ਸਾਲਾਂ ਤੋਂ ਇੰਤਜ਼ਾਰ ਕੀਤਾ ਹ। ਕੋਰਟ ਨੇ ਕਿਹਾ ਕਿ ਉਹ ਨਾ ਸਿਰਫ਼ ਭੀੜ ਦਾ ਹਿੱਸਾ ਸਨ, ਬਲਕਿ ਉਸਦੀ ਅਗਵਾਈ ਕਰ ਰਹੇ ਸਨ।” ਉਹਨਾਂ ਅੱਗੇ ਕਿਹਾ, “ਸਿੱਖਾਂ ਦੇ ਇਨਸਾਫ਼ ਦੀ ਹਰ ਉਮੀਦ ਗੁਆ ਦਿੱਤੀ ਸੀ, ਕਿਉਂਕਿ 1991 ਤੱਕ ਇਸ ਕੇਸ ਦੀ FIR ਤੱਕ ਦਰਜ ਨਹੀਂ ਹੋਈ ਸੀ। ਇਨਸਾਫ਼ ਇਸ ਲਈ ਮੁਮਕਿਨ ਹੋਇਆ, ਕਿਉਂਕਿ 2015 ਵਿੱਚ ਮੋਦੀ ਸਰਕਾਰ ਵੱਲੋਂ SIT ਦਾ ਗਠਨ ਕੀਤਾ ਗਿਆ।”
Sikhs had lost all hope of justice bcos even FIR of this case wasn’t filed till 1991
Justice prevails bcos of SIT set up in 2015 by @narendramodi Ji’s Govt. Sajjan Kumar now charged with 2 murders u/s 147/148/149/302/308/326/395/397/427/436/440/201 IPC in Fir no 458/1991 @ANI pic.twitter.com/6Zfbce9vEJ— Manjinder Singh Sirsa (@mssirsa) December 7, 2021
ਹੁਣ ਟਾਈਟਲਰ ਦੀ ਵਾਰੀ- ਮਨਜਿੰਦਰ ਸਿਰਸਾ
ਮਨਜਿੰਦਰ ਸਿਰਸਾ ਨੇੇ ਕਿਹਾ ਕਿ ਕਾਂਗਰਸ ਨੇ ਸੱਜਣ ਕੁਮਾਰ, ਜਗਦੀਸ਼ ਟਾਈਟਲਰ ਅਤੇ ਕਮਲਨਾਥ ਨੂੰ ਬਚਾਉਣ ਲਈ ਹਰ ਮੁਮਕਿਨ ਕੋਸ਼ਿਸ਼ ਕੀਤੀ, ਕਿਉਂਕਿ ਉਹਨਾਂ ਦੀ ਗ੍ਰਿਫ਼ਤਾਰੀ 1984 ਕਤਲੇਆਮ ਦੇ ਮਾਸਟਰਮਾਈਂਡ ਰਾਜੀਵ ਗਾਂਧੀ ਅਤੇ ਗਾਂਧੀ ਪਰਿਵਾਰ ਨੂੰ ਬੇਨਕਾਬ ਕਰਦੀ। ਸਿਰਸਾ ਨੇ ਕਿਹਾ ਕਿ ਸੱਜਣ ਕੁਮਾਰ ਤਾਂ ਦੋਸ਼ੀ ਐਲਾਨੇ ਗਏ, ਅਗਲੀ ਵਾਰੀ ਟਾਈਟਲਰ ਦੀ ਹੋਵੇਗੀ।
•@INCIndia has done its best so far to project Sajjan Kumar, Jagdish Tytler and @OfficeOfKNath because their arrest would led to exposure of Rajiv Gandhi & Gandhi family being the mastermind of 1984 carnage
Sajjan Kumar charged; Tytler next!@thetribunechd @republic @TimesNow https://t.co/1RxlRxYts0 pic.twitter.com/MeJZk0d92Q
— Manjinder Singh Sirsa (@mssirsa) December 7, 2021
2015 ‘ਚ SIT ਨੇ ਮੁੜ ਖੋਲ੍ਹੇ ਸਨ ਕੇਸ
ਕਾਬਿਲੇਗੌਰ ਹੈ ਕਿ 2015 ਵਿੱਚ 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਨਾਲ ਜੁੜੇ ਕੇਸਾਂ ਦੀ ਮੁੜ ਜਾਂਚ ਲਈ ਕੇਂਦਰ ਸਰਕਾਰ ਵੱਲੋਂ ਗਠਿਤ 3 ਮੈਂਬਰੀ ਕਮੇਟੀ ਨੇ ਕੇਸ ਨੂੰ ਮੁੜ ਖੋਲ੍ਹੇ ਜਾਣ ਦਾ ਫ਼ੈਸਲਾ ਕੀਤਾ ਸੀ। SIT ਨੇ 293 ਕੇਸਾਂ ਦੀ ਮੁੜ ਜਾਂਚ ਕੀਤੀ ਸੀ, ਜਿਹਨਾਂ ਨੂੰ ਦਿੱਲੀ ਪੁਲਿਸ ਵੱਲੋਂ ਬੰਦ ਕਰ ਦਿੱਤਾ ਗਿਆ ਸੀ। ਇਹਨਾਂ 293 ਵਿੱਚੋਂ 233 ਕੇਸਾਂ ਵਿੱਚ ਸਬੂਤਾਂ ਦੀ ਕਮੀ ਦੇ ਚਲਦੇ SIT ਨੇ ਕਲੋਜ਼ਰ ਰਿਪੋਰਟ ਦਾਖਲ ਕਰ ਦਿੱਤੀ ਸੀ। 52 ਅਜਿਹੇ ਕੇਸਾਂ ਵਿੱਚ SIT ਨੇ ਰਿਪੋਰਟ ਦਾਖਲ ਕੀਤੀ ਸੀ, ਜਿਹਨਾਂ ਵਿੱਚ ਪੀੜਤ ਜਾਂ ਦੋਸ਼ੀ ਟ੍ਰੇੇਸ ਨਹੀਂ ਹੋ ਸਕੇ। ਬਾਕੀ ਦੇ 8 ਕੇਸਾਂ ਵਿੱਚ SIT ਨੇ ਜਾਂਚ ਸ਼ੁਰੂ ਕੀਤੀ, ਜਿਹਨਾਂ ‘ਚੋਂ 5 ਵਿੱਚ ਪੁਲਿਸ ਨੇ ਚਾਰਜਸ਼ੀਟ ਦਾਖਲ ਕੀਤੀ ਅਤੇ ਤਿੰਨ ਮਾਮਲਿਆਂ ਵਿੱਚ ਸੱਜਣ ਕੁਮਾਰ ਨੂੰ ਮੁਲਜ਼ਮ ਬਣਾਇਆ ਗਿਆ ਸੀ।
17 ਦਸੰਬਰ, 2018 ਨੂੰ ਦਿੱਲੀ ਹਾਈਕੋਰਟ ਨੇ ਇੱਕ ਮਾਮਲੇ ਵਿੱਚ ਸੱਜਣ ਕੁਮਾਰ ਨੂੰ ਬਰੀ ਕਰ ਦਿੱਤਾ, ਪਰ ਨਾਲ ਹੀ ਦੂਜੇ ਮਾਮਲੇ ਵਿੱਚ ਕਤਲ, ਦੰਗੇ ਅਤੇ ਭੀੜ ਨੂੰ ਭੜਕਾਉਣ ਦਾ ਦੋਸ਼ੀ ਠਹਿਰਾਇਆ ਸੀ। ਇਹ ਕੇਸ ਦਿੱਲੀ ਦੇ ਰਾਜ ਨਗਰ ਵਿੱਚ 5 ਸਿੱਖਾਂ ਦੇ ਕਤਲ ਅਤੇ ਇੱਕ ਗੁਰਦੁਆਰੇ ਨੂੰ ਅੱਗ ਦੇ ਹਵਾਲੇ ਕਰਨ ਦਾ ਸੀ। ਇਸ ਮਾਮਲੇ ਵਿੱਚ ਸੱਜਣ ਕੁਮਾਰ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਹੈ।
