ਚੰਡੀਗੜ੍ਹ। ਇੱਕ-ਦੂਜੇ ਨਾਲ ਮਿਲ ਕੇ ਚੋਣ ਲੜਨ ਦਾ ਐਲਾਨ ਕਰ ਚੁੱਕੇ ਕੈਪਟਨ ਅਮਰਿੰਦਰ ਸਿੰਘ ਅਤੇ ਬੀਜੇਪੀ ਨੇ ਪੰਜਾਬ ਦੀਆਂ ਵਿਧਾਨ ਸਭਾ ਚੋਣਾਂ ਦੀ ਤਿਆਰੀ ਖਿੱਚ ਲਈ ਹੈ। ਇਸੇ ਤਹਿਤ ਬੀਜੇਪੀ ਦੇ ਪੰਜਾਬ ਚੋਣ ਇੰਚਾਰਜ ਅਤੇ ਕੇਂਦਰੀ ਮੰਤਰੀ ਗਜੇਂਦਰ ਸ਼ੇਖਾਵਤ ਅਮਰਿੰਦਰ ਸਿੰਘ ਨਾਲ ਮੁਲਾਕਾਤ ਲਈ ਉਹਨਾਂ ਦੇ ਸਿਸਵਾਂ ਫਾਰਮ ਹਾਊਸ ਪਹੁੰਚੇ। ਦੋਵੇਂ ਆਗੂਆਂ ਵਿਚਕਾਰ ਲੰਚ ਦੇ ਬਹਾਨੇ ਹੋਈ ਇਹ ਗੱਲਬਾਤ ਕਰੀਬ 2 ਘੰਟੇ ਤੱਕ ਚੱਲੀ।, ਜਿਸ ਦੌਰਾਨ ਸੀਟ ਸ਼ੇਅਰਿੰਗ ਸਣੇ ਤਮਾਮ ਮੁੱਦਿਆਂ ‘ਤੇ ਵਿਚਾਰ-ਚਰਚਾ ਕੀਤੀ ਗਈ।
Met with Union Minister for Jal Shakti & @BJP4India election Incharge for Punjab Gajendra Singh Shekhawat
ji at my residence today. @gssjodhpur pic.twitter.com/iXXBcsjZgh— Capt.Amarinder Singh (@capt_amarinder) December 7, 2021
ਇਸ ਤੋਂ ਪਹਿਲਾਂ ਜਦੋਂ ਗਜੇਂਦਰ ਸ਼ੇਖਾਵਤ, ਕੈਪਟਨ ਦੇ ਫਾਰਮ ਹਾਊਸ ਪਹੁੰਚੇ,ਤਾਂ ਉਹਨਾਂ ਨੇ ਬੇਹੱਦ ਗਰਮਜੋਸ਼ੀ ਨਾਲ ਕੇਂਦਰੀ ਮੰਤਰੀ ਦਾ ਸਵਾਗਤ ਕੀਤਾ। ਦੋਵੇਂ ਲੀਡਰਾਂ ਦੀ ਜੱਫੀ ਪਾਏ ਦੀ ਤਸਵੀਰ ਖੂਬ ਸੁਰਖੀਆਂ ਬਟੋਰ ਰਹੀ ਹੈ।
ਨੱਢਾ ਤੇ ਸ਼ਾਹ ਨੂੰ ਵੀ ਮਿਲਣਗੇ ਕੈਪਟਨ
ਜਾਣਕਾਰੀ ਮੁਤਾਬਕ, ਪੰਜਾਬ ਦੀਆਂ ਚੋਣਾਂ ਦੇ ਮੱਦੇਨਜ਼ਰ ਕੈਪਟਨ ਅਤੇ ਸ਼ੇਖਾਵਤ ਵਿਚਕਾਰ ਜੋ ਵੀ ਗੱਲਬਾਤ ਹੋਈ, ਉਸਦੀ ਰਿਪੋਰਟ ਬੀਜੇਪੀ ਦੇ ਕੌਮੀ ਪ੍ਰਧਾਨ ਜੇਪੀ ਨੱਢਾ ਨੂੰ ਸੌਂਪੀ ਜਾਵੇਗੀ, ਜਿਸ ਤੋਂ ਬਾਅਦ ਅਮਰਿੰਦਰ ਸਿੰਘ ਦੀ ਨੱਢਾ ਨਾਲ ਮੁਲਾਕਾਤ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ ਕੈਪਟਨ ਵੱਲੋਂ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਵੀ ਮੁਲਾਕਾਤ ਕੀਤੀ ਜਾਵੇਗੀ। ਫਿਲਹਾਲ ਸ਼ਾਹ ਦੇ ਬਿਜੀ ਸ਼ੈਡਿਊਲ ਦੇ ਚਲਦੇ ਇਹ ਮੁਲਾਕਾਤ ਟਾਲੀ ਜਾ ਰਹੀ ਹੈ।
ਇਸ ਫਾਰਮੂਲੇ ‘ਤੇ ਚੋਣ ਲੜਨ ਦੀ ਤਿਆਰੀ
ਪੰਜਾਬ ਦੇ ਸਾਰੇ ਵਿਧਾਨ ਸਭਾ ਹਲਕਿਆਂ ਵਿੱਚ ਕੈਪਟਨ ਦੀ ਪਾਰਟੀ, ਬੀਜੇਪੀ ਅਤੇ ਸ਼੍ਰੋਮਣੀ ਅਕਾਲੀ ਦਲ (ਸੰਯੁਕਤ) ਮਿਲ ਕੇ ਚੋਣ ਮੈਦਾਨ ਵਿੱਚ ਉਤਰਣਗੇ। ਹਾਲਾਂਕਿ ਇਹਨਾਂ ਪਾਰਟੀਆਂ ਵਿਚਕਾਰ ਰਸਮੀ ਗਠਜੋੜ ਨਹੀਂ ਹੋਵੇਗਾ। ਇਸ ਵਿੱਚ ਸਿਰਫ਼ ਸ਼ੀਟ ਸ਼ੇਅਰਿੰਗ ਹੋਵੇਗੀ। ਜਿਸ ਸੀਟ ‘ਤੇ ਤਿੰਨਾਂ ‘ਚ ਜਿਸਦੇ ਕੋਲ ਮਜਬੂਤ ਕੈਂਡੀਡੇਟ ਹੋਵੇਗਾ, ਉਸਦੀ ਪਾਰਟੀ ਨੂੰ ਟਿਕਟ ਮਿਲੇਗੀ। ਬਾਕੀ ਦੋਵੇਂ ਜਿੱਤਣ ਵਿੱਚ ਉਹਨਾਂ ਦੀ ਮਦਦ ਕਰਨਗੇ। ਹਰ ਸੀਟ ‘ਤੇ ਇਹੀ ਫਾਰਮੂਲਾ ਲਾਗੂ ਹੋਵੇਗਾ।
