ਬਿਓਰੋ। ਬਾਲੀਵੁੱਡ ਫਿਲਮ ‘ਉੜਤਾ ਪੰਜਾਬ’ ਤੋੰ ਬਾਅਦ ਹੁਣ ਇੱਕ ਹੋਰ ਫਿਲਮ ਵਿੱਚ ਪੰਜਾਬ ਨੂੰ ਡਰੱਗ ਸਟੇਟ ਵਿਖਾਏ ਜਾਣ ਨੂੰ ਲੈ ਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਹਾਲ ਹੀ ਵਿੱਚ OTT ਪਲੇਟਫਾਰਮ ‘ਤੇ ਰਿਲੀਜ਼ ਹੋਈ ਫਿਲਮ ‘ਗੁੱਡ ਲੱਕ ਜੈਰੀ’ ਵਿੱਚ ਪੰਜਾਬ ਦੀ ਜੋ ਤਸਵੀਰ ਵਿਖਾਈ ਗਈ ਹੈ, ਉਸ ਨੂੰ ਲੈ ਕੇ ਪੰਜਾਬੀ ਸਿਤਾਰਿਆੰ ਨੇ ਸਵਾਲ ਖੜ੍ਹੇ ਕਰਨੇ ਸ਼ੁਰੂ ਕਰ ਦਿੱਤੇ ਹਨ।
ਪੰਜਾਬੀ ਗਾਇਕ ਤੇ ਅਦਾਕਾਰ ਰਣਜੀਤ ਬਾਵਾ ਨੇ ਬਾਲਵੁੱਡ ਫਿਲਮ ‘ਗੁੱਡ ਲੁੱਕ ਜੈਰੀ’ ਬਾਰੇ ਟਵੀਟ ਕਰਦਿਆੰ ਕਿਹਾ, “ਇਸ ਮੂਵੀ ਵਿੱਚ ਇੱਕ ਵਾਰ ਫਿਰ ਪੰਜਾਬ ਨੂੰ ਚਿੱਟਾ(ਨਸ਼ੇ) ਵਾਲਾ ਵਿਖਾਇਆ ਗਿਆ। (ਗੁੱਸੇ ਵਾਲੀ Emoji) ਪੰਜਾਬ ਨੂੰ ਬੱਸ ਹੁਣ ਬਾਲੀਵੁੱਡ ਫਿਲਮਾੰ ਵਿੱਚ ਡਰੱਗ ਸਟੇਟ ਵੀ ਵਿਖਾਓਗੇ?”
#Goodluckjeery movie vich Ek vaar fir Panjab nu Chiitta ( Nasha ) wala dikhaya gya 😡panjab Nu bus hun bollywood movies vich drug state hi dekhaoge ? #shame #target #state #bollywood @CMOPb #siddharthsen
— Ranjit Bawa (@BawaRanjit) July 31, 2022
ਰਣਜੀਤ ਬਾਵਾ ਦੇ ਇਸ ਟਵੀਟ ਦੇ ਸਮਰਥਨ ਵਿੱਚ ਗਾਇਕ ਜਸਬੀਰ ਜੱਸੀ ਨੇ ਵੀ ਰਿਪਲਾਈ ਕੀਤਾ ਅਤੇ ਲਿਖਿਆ, “ਬਾਲੀਵੁੱਡ ਹਮੇਸ਼ਾ ਤੋੰ ਪੰਜਾਬ ਨੂੰ ਫੌਕਾ ਤੇ ਵਿਚਾਰਹੀਣ ਵਿਖਾਉੰਦਾ ਆਇਆ ਹੈ, ਕਿਉੰਕਿ ਸਾਡੀਆੰ ਸਰਕਾਰਾੰ ਦੀ ਕੋਈ ਸੱਭਿਆਚਾਰਕ ਨੀਤੀ ਨਹੀੰ ਹੈ। ਬਿਲਕੁੱਲ ਸਹੀ ਕਿਹਾ..।”
Bollywood Hamesha ton punjab nu fokka te vichaarheen dikhaunda aaya kyunki saadian sarkaran di koi culture policy nai haigii, well said @BawaRanjit
— Jassi (@JJassiOfficial) August 2, 2022
‘ਉੜਤਾ ਪੰਜਾਬ’ ‘ਤੇ ਵੀ ਹੋ ਚੁੱਕਿਆ ਵਿਵਾਦ
ਦੱਸ ਦਈਏ ਕਿ ਨਸ਼ਿਆੰ ਦੇ ਮੁੱਦੇ ਨੂੰ ਲੈ ਕੇ ਪਹਿਲਾੰ ਵੀ ਬਾਲੀਵੁੱਡ ਫਿਲਮ ‘ਉੜਤਾ ਪੰਜਾਬ’ ਬਣਾਈ ਗਈ ਸੀ, ਜਿਸ ਤੋੰ ਬਾਅਦ ਦੇਸ਼ ਭਰ ਵਿੱਚ ਪੰਜਾਬ ਦੇ ਡਰੱਗ ਸਟੇਟ ਹੋਣ ਦੀ ਇਮੇਜ ਬਣ ਗਈ ਸੀ। ਇਸ ਫਿਲਮ ਨੂੰ ਲੈ ਕੇ ਵੀ ਕਾਫੀ ਵਿਵਾਦ ਹੋਇਆ ਸੀ ਅਤੇ ਇਸ ਨੂੰ ਪੰਜਾਬ ਵਿੱਚ ਬੈਨ ਤੱਕ ਕੀਤਾ ਗਿਆ ਸੀ। ਇਸ ਫਿਲਮ ਤੋੰ ਬਾਅਦ ਪੰਜਾਬ ਨੂੰ ‘ਉੜਤਾ ਪੰਜਾਬ’ ਕਹਿ ਕੇ ਮਜ਼ਾਕ ਉਡਾਇਆ ਜਾਣ ਲੱਗਿਆ।
ਕਿਸਾਨ ਅੰਦੋਲਨ ਦੌਰਾਨ ਵੀ ਬਾਲੀਵੁੱਡ ਤੇ ਪੌਲੀਵੁੱਡ ਭਿੜੇ
ਯਾਦ ਰਹੇ ਕਿ ਇਹ ਪਹਿਲੀ ਵਾਰ ਨਹੀੰ, ਜਦੋੰ ਬਾਲੀਵੁੱਡ ਅਤੇ ਪੌਲੀਵੁੱਡ ਇੰਡਸਟਰੀ ਕਿਸੇ ਮੁੱਦੇ ਨੂੰ ਲੈ ਕੇ ਆਹਮੋ-ਸਾਹਮਣੇ ਆਈ ਹੈ। ਕਿਸਾਨ ਅੰਦੋਲਨ ਦੌਰਾਨ ਵੀ ਅਜਿਹੀ ਤਸਵੀਰ ਵੇਖਣ ਨੂੰ ਮਿਲ ਚੁੱਕੀ ਹੈ। ਕਿਸਾਨ ਅੰਦੋਲਨ ਦੌਰਾਨ ਤਮਾਮ ਪੰਜਾਬੀ ਕਲਾਕਾਰ ਕਿਸਾਨਾੰ ਦੇ ਸਮਰਥਨ ਵਿੱਚ ਖੜ੍ਹੇ ਨਜ਼ਰ ਆਏ ਸਨ, ਜਦਕਿ ਬਾਲੀਵੁੱਡ ਦੇ ਕਈ ਕਲਾਕਾਰ ਸਰਕਾਰ ਦੇ ਸਮਰਥਨ ‘ਚ ਬੋਲਦੇ ਰਹੇ। ਹਾਲਾੰਕਿ ਵਧੇਰੇਤਰ ਚੁੱਪ ਰਹੇ। ਇਸ ਦੌਰਾਨ ਬਾਲੀਵੁੱਡ ਅਦਾਕਾਰਾੰ ਤੋੰ ਤਿੱਖੇ ਸਵਾਲ ਵੀ ਪੁੱਛੇ ਗਏ। ਇਥੋੰ ਤੱਕ ਕਿਹਾ ਗਿਆ ਕਿ ਉਹ ਫਿਲਮਾੰ ਵਿੱਚ ਸਰਦਾਰ ਬਣ ਕੇ ਕਮਾਈ ਕਰਦੇ ਹਨ ਅਤੇ ਜਦੋੰ ਸਿੱਖ ਅੰਦੋਲਨ ਕਰ ਰਹੇ ਹਨ, ਤਾੰ ਉਹਨਾੰ ਦਾ ਸਮਰਥਨ ਨਹੀੰ ਕਰ ਰਹੇ।
