ਅੰਮ੍ਰਿਤਸਰ। ਪੰਜਾਬ ਦੀਆੰ ਵਿਧਾਨ ਸਭਾ ਚੋਣਾੰ ‘ਚ ਮਿਲੀ ਕਰਾਰੀ ਹਾਰ ਦੇ ਮੰਥਨ ਲਈ ਬਣਾਈ ਕਮੇਟੀ ਦੀਆੰ ਸਿਫਾਰਿਸ਼ਾੰ ‘ਤੇ ਸ਼੍ਰੋਮਣੀ ਅਕਾਲੀ ਦਲ ਨੇ ਆਪਣਾ ਜਥੇਬੰਧਕ ਢਾੰਚਾ ਭੰਗ ਕਰ ਦਿੱਤਾ ਹੈ, ਜਦਕਿ ਸੁਖਬੀਰ ਬਾਦਲ ਪਾਰਟੀ ਪ੍ਰਧਾਨ ਦੇ ਅਹੁਦੇ ‘ਤੇ ਬਰਕਰਾਰ ਹਨ। ਪਾਰਟੀ ਦਾ ਇਹੀ ਫ਼ੈਸਲਾ ਕੁਝ ਲੀਡਰਾੰ ਨੂੰ ਰਾਸ ਨਹੀੰ ਆ ਰਿਹਾ, ਜਿਸਦੇ ਚਲਦੇ ਉਹਨਾੰ ਨੇ ਸੁਖਬੀਰ ਬਾਦਲ ਦੇ ਖਿਲਾਫ਼ ਖੁੱਲ੍ਹੀ ਬਗਾਵਤ ਦੀ ਤਿਆਰੀ ਕਰ ਲਈ ਹੈ। ਇਹਨਾੰ ਲੀਡਰਾੰ ਨੇ ਤਾੰ ਕਾੰਗਰਸ ਦੇ G-23 ਲੀਡਰਾੰ ਦੀ ਤਰਜ ‘ਤੇ ਆਪਣੀਆੰ ਮੀਟਿੰਗਾੰ ਵੀ ਸ਼ੁਰੂ ਕਰ ਦਿੱਤੀਆੰ ਹਨ।
ਕਾਹਲੋੰ ਦੇ ਘਰ ਇਕੱਠੇ ਹੋਏ 12 ਅਕਾਲੀ ਲੀਡਰ
ਪਾਰਟੀ ਵਿੱਚ ਵੱਡੇ ਬਦਲਾਵਾੰ ਦੀ ਮੰਗ ਕਰਨ ਵਾਲੇ ਇਹ ਸਾਰੇ ਲੀਡਰ ਅੰਮ੍ਰਿਤਸਰ ‘ਚ ਗੁਰੂ ਕਾ ਬਾਗ ਮੋਰਚੇ ਤੋੰ ਬਾਅਦ ਸੀਨੀਅਰ ਅਕਾਲੀ ਆਗੂ ਰਵੀਕਰਨ ਸਿੰਘ ਕਾਹਲੋੰ ਦੇ ਘਰ ਇਕੱਠੇ ਹੋਏ। ਜਾਣਕਾਰੀ ਮੁਤਾਬਕ, ਇਸ ਮੌਕੇ ਅਕਾਲੀ ਦਲ ਦੀ ਮਜਬੂਤੀ ਅਤੇ ਪੰਥ ਦੀ ਚੜ੍ਹਦੀ ਕਲਾ ਲਈ ਸਲਾਹ ਮਸ਼ਵਰਾ ਕੀਤਾ ਗਿਆ। ਮੀਟਿੰਗ ਦੌਰਾਨ ਸਹਿਮਤੀ ਬਣੀ ਕਿ ਇਕੱਠੇ ਹੋ ਕੇ ਸੁਖਬੀਰ ਬਾਦਲ ਨਾਲ ਮੁਲਾਕਾਤ ਕਰਕੇ ਅਕਾਲੀ ਦਲ ਦੇ ਮੌਜੂਦਾ ਹਾਲਾਤ ‘ਤੇ ਗੰਭੀਰਤਾ ਨਾਲ ਗੱਲ ਕੀਤੀ ਜਾਵੇ ਅਤੇ ਅਕਾਲੀ ਦਲ ਨੂੰ ਇਸ ਸੰਕਟ ਵਿਚੋੰ ਕੱਢਿਆ ਜਾਵੇ। ਇਹਨਾੰ ਲੀਡਰਾੰ ਦੀ ਸਭ ਤੋੰ ਅਹਿਮ ਮੰਗ ਇਹ ਵੀ ਹੈ ਕਿ ਧਾਰਮਿਕ ਸ਼ਖਸੀਅਤਾੰ, ਵਿਦਵਾਨਾੰ, ਬੁੱਧੀਜੀਵੀਆੰ ਅਤੇ ਪੰਥ ਦਰਦੀਆੰ ਨਾਲ ਮਿਲ ਕੇ ਵਰਕਰਾੰ ਦੀਆੰ ਭਾਵਨਾਵਾੰ ਮੁਤਾਬਕ ਅਕਾਲੀ ਦਲ ਨੂੰ ਮੁੜ ਤੋੰ ਕਾਇਮ ਕੀਤਾ ਜਾਵੇ।
ਮੀਟਿੰਗ ‘ਚ ਕਿਹੜੇ-ਕਿਹੜੇ ਲੀਡਰ ਸ਼ਾਮਲ ਹੋਏ..?
ਅੰਮ੍ਰਿਤਸਰ ਵਿਖੇ ਹੋਈ ਇਸ ਮੀਟਿੰਗ ਵਿੱਚ ਪ੍ਰੇਮ ਸਿੰਘ ਚੰਦੂਮਾਜਰਾ, ਚਰਨਜੀਤ ਸਿੰਘ ਅਟਵਾਲ, ਜਗਮੀਤ ਸਿੰਘ ਬਰਾੜ, ਮਨਪ੍ਰੀਤ ਸਿੰਘ ਇਆਲੀ, ਗੁਰਪ੍ਰਤਾਪ ਸਿੰਘ ਵਡਾਲਾ, ਭਾਈ ਮਨਜੀਤ ਸਿੰਘ, ਅਮਰਪਾਲ ਸਿੰਘ ਬੋਨੀ, ਸੰਤਾ ਸਿੰਘ ਉਮੈਦਪੁਰੀ, ਇੰਦਰਇਕਬਾਲ ਸਿੰਘ ਅਟਵਾਲ, ਕਰਨੈਲ ਸਿੰਘ ਪੰਜੋਲੀ, ਜਗਜੀਤ ਸਿੰਘ ਕੋਹਲੀ ਅਤੇ ਰਵੀਕਰਨ ਸਿੰਘ ਕਾਹਲੋੰ ਮੌਜੂਦ ਸਨ।
ਪਾਰਟੀ ‘ਚ ਅਨੁਸ਼ਾਸਨਹੀਣਤਾ ਬਰਦਾਸ਼ਤ ਨਹੀੰ- ਸੁਖਬੀਰ
ਅਕਾਲੀ ਦਲ ਦੇ ਲੀਡਰਾੰ ਵੱਲੋੰ ਕੀਤੀ ਗਈ ਇਸ ਇਕੱਤਰਤਾ ਨੂੰ ਲੈ ਕੇ ਪਾਰਟੀ ਪ੍ਰਧਾਨ ਸੁਖਬੀਰ ਬਾਦਲ ਨੇ ਵੀ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਸੁਖਬੀਰ ਨੇ ਕਿਹਾ ਕਿ ਪਾਰਟੀ ਪਲੇਟਫਾਰਮ ‘ਤੇ ਕਿਸੇ ਵੀ ਤਰ੍ਹਾੰ ਦੇ ਵਿਚਾਰਾੰ ਦਾ ਉਹ ਖੁੱਲ੍ਹੇ ਦਿਲ ਨਾਲ ਸਵਾਗਤ ਕਰਦੇ ਹਨ, ਪਰ ਪਾਰਟੀ ਪਲੇਟਫਾਰਮ ਤੋੰ ਬਾਹਰ ਅਜਿਹੇ ਵਿਚਾਰਾੰ ਦੇ ਪ੍ਰਗਟਾਵੇ ਦੀ ਅਨੁਸ਼ਾਸਨਹੀਣਤਾ ਕਿਸੇ ਵੀ ਕੀਮਤ ‘ਤੇ ਬਰਦਾਸ਼ਤ ਨਹੀੰ ਕੀਤੀ ਜਾਵੇਗੀ।
ਇਸਦੇ ਨਾਲ ਹੀ ਅਕਾਲੀ ਦਲ ਵੱਲੋੰ ਸਿਕੰਦਰ ਸਿੰਘ ਮਲੂਕਾ ਦੀ ਅਗਵਾਈ ਵਿੱਚ 5 ਮੈੰਬਰੀ ਅਨੁਸ਼ਾਸਨੀ ਕਮੇਟੀ ਵੀ ਗਠਿਤ ਕਰ ਦਿੱਤੀ ਗਈ ਹੈ। ਕਮੇਟੀ ਦੇ ਹੋਰ ਮੈੰਬਰਾੰ ਵਿੱਚ ਸ਼ਰਨਜੀਤ ਸਿੰਘ ਢਿੱਲੋੰ, ਵਿਰਸਾ ਸਿੰਘ ਵਲਟੋਹਾ, ਮਨਤਾਰ ਸਿੰਘ ਬਰਾੜ ਅਤੇ ਡਾ. ਸੁਖਵਿੰਦਰ ਸੁੱਖੀ ਨੂੰ ਸ਼ਾਮਲ ਕੀਤਾ ਗਿਆ ਹੈ।
ਜਗਮੀਤ ਬਰਾੜ ਕਰ ਚੁੱਕੇ ਹਨ ਸੁਖਬੀਰ ਨੂੰ ਹਟਾਉਣ ਦੀ ਮੰਗ
ਕਾਬਿਲੇਗੌਰ ਹੈ ਕਿ ਅਕਾਲੀ ਦਲ ਦਾ ਜਥੇਬੰਧਕ ਢਾੰਚਾ ਭੰਗ ਹੋਣ ਦੇ ਅਗਲੇ ਹੀ ਦਿਨ ਅਕਾਲੀ ਆਗੂ ਜਗਮੀਤ ਸਿੰਘ ਬਰਾੜ ਦੀ ਉਹ ਚਿੱਠੀ ਸਾਹਮਣੇ ਆਈ ਸੀ, ਜਿਸ ਵਿੱਚ ਉਹਨਾੰ ਨੇ ਝੂੰਦਾ ਕਮੇਟੀ ‘ਚ ਸ਼ਾਮਲ ਸੀਨੀਅਰ ਅਕਾਲੀ ਆਗੂ ਬਲਵਿੰਦਰ ਸਿੰਘ ਭੂੰਦੜ ਤੋੰ ਮੰਗ ਕੀਤੀ ਸੀ ਕਿ ਪਾਰਟੀ ਪ੍ਰਧਾਨ ਨੂੰ ਬਦਲੇ ਜਾਣ ਦੀ ਸਿਫ਼ਾਰਿਸ਼ ਕੋਰ ਕਮੇਟੀ ਵਿੱਚ ਰੱਖੀ ਜਾਵੇ। ਜਗਮੀਤ ਬਰਾੜ ਨੇ ਖੁਦ ਮੀਡੀਆ ਸਾਹਮਣੇ ਕਬੂਲਿਆ ਸੀ ਕਿ ਉਸਨੇ ਪ੍ਰਧਾਨ ਦੇ ਬਦਲੇ ਜਾਣ ਦੀ ਮੰਗ ਰੱਖੀ ਹੈ।
ਇਆਲੀ ਤੇ ਚੰਦੂਮਾਜਰਾ ਵੀ ਵਿਖਾ ਚੁੱਕੇ ਹਨ ਨਰਾਜ਼ਗੀ
ਪਾਰਟੀ ਦੇ ਸੀਨੀਅਰ ਲੀਡਰ ਪ੍ਰੇਮ ਸਿੰਘ ਚੰਦੂਮਾਜਰਾ ਤੇ ਮਨਪ੍ਰੀਤ ਸਿੰਘ ਇਆਲੀ ਵੀ ਅਕਾਲੀ ਦਲ ਨਾਲ ਨਰਾਜ਼ਗੀ ਜ਼ਾਹਿਰ ਕਰ ਚੁੱਕੇ ਹਨ। ਮਨਪ੍ਰੀਤ ਇਆਲੀ ਨੇ ਰਾਸ਼ਟਰਪਤੀ ਚੋਣਾੰ ‘ਚ ਉਹਨਾੰ ਦੀ ਸਲਾਹ ਨਾ ਲੈਣ ਦੇ ਚਲਦੇ ਚੋਣਾੰ ਦਾ ਬਾਈਕਾਟ ਕਰ ਦਿੱਤਾ ਸੀ, ਤਾੰ ਚੰਦੂਮਾਜਰਾ ਨੇ ਇਸ ਗੱਲ ਤੋੰ ਨਰਾਜ਼ਗੀ ਜਤਾਈ ਸੀ ਕਿ ਝੂੰਦਾ ਕਮੇਟੀ ਦਾ ਮੈੰਬਰ ਹੋਣ ਦੇ ਬਾਵਜੂਦ ਉਹਨਾੰ ਦੇ ਮਸ਼ਵਰੇ ਬਿਨ੍ਹਾੰ ਹੀ ਕਮੇਟੀ ਦੀ ਰਿਪੋਰਟ ਕੋਰ ਕਮੇਟੀ ਦੇ ਸਾਹਮਣੇ ਰੱਖ ਦਿੱਤੀ ਗਈ। ਮੰਨਿਆ ਜਾੰਦਾ ਹੈ ਕਿ ਇਸੇ ਰੋਸ ਵਜੋੰ ਚੰਦੂਮਾਜਰਾ ਨੇ ਕੋਰ ਕਮੇਟੀ ਦੀ ਮੀਟਿੰਗ ਤੋੰ ਵੀ ਦੂਰੀ ਬਣਾਈ ਸੀ। ਹਾਲਾੰਕਿ ਚੰਦੂਮਾਜਰਾ ਨੇ ਇਸ ਪਿੱਛੇ ਆਪਣੇ ਨਿੱਜੀ ਕਾਰਨ ਦੱਸੇ ਸਨ।
