September 16, 2022
(Bureau Report)
ਪੰਜਾਬ ਪੁਲਿਸ ਦੀ ਐੰਟੀ ਗੈੰਗਸਟਰ ਟਾਸਕ ਫੋਰਸ(AGTF) ਦੀ ਟੀਮ ਨੇ ਜੱਗੂ ਭਗਵਾਨਪੁਰੀਆ ਗੈੰਗ ਦੇ 2 ਮੋਸਟ ਵਾੰਟੇਡ ਗੈੰਗਸਟਰਾੰ ਨੂੰ ਗ੍ਰਿਫ਼ਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਦੋਵਾੰ ਨੂੰ ਸ਼ੁੱਕਰਵਾਰ ਦੀ ਤੜਕ ਸਵੇਰ ਇੱਕ ਘੰਟੇ ਦੇ ਫਰਕ ‘ਚ ਕਾਬੂ ਕੀਤਾ ਗਿਆ ਹੈ। ਮਨਦੀਪ ਤੂਫਾਨ ਨੂੰ ਜੰਡਿਆਲਾ ਅਤੇ ਮਨੀ ਰਈਆ ਨੂੰ ਅਜਨਾਲਾ ਤੋੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਇਹ ਦੋਵੇੰ ਗੈੰਗਸਟਰ ਰਣਬੀਰ ਸਿੰਘ ਉਰਫ ਰਾਣਾ ਕੰਡੋਵਾਲੀਆ ਦੇ ਕਤਲ ਕੇਸ ‘ਚ ਪੰਜਾਬ ਪੁਲਿਸ ਨੂੰ ਲੋੜੀੰਦੇ ਸਨ। ਗੈੰਗਸਟਰ ਰਣਬੀਰ ਸਿੰਘ ਉਰਫ ਰਾਣਾ ਕੰਡੋਵਾਲੀਆ ਦਾ 3 ਅਗਸਤ, 2021 ਨੂੰ ਇੱਕ ਨਿੱਜੀ ਹਸਪਤਾਲ ਵਿੱਚ ਕਤਲ ਕਰ ਦਿੱਤਾ ਗਿਆ ਸੀ। ਰਾਣਾ ਕੰਡੋਵਾਲੀਆ ‘ਤੇ ਹਮਲੇ ਦੌਰਾਨ ਮਨੀ ਰਈਆ ਜ਼ਖਮੀ ਹੋ ਗਿਆ ਸੀ। ਉਸਦੀ ਲੱਤ ਅਤੇ ਬਾੰਹ ‘ਤੇ ਗੋਲੀ ਵੱਜੀ ਸੀ, ਪਰ ਬਾਵਜੂਦ ਇਸਦੇ ਪੁਲਿਸ ਦੀ ਗ੍ਰਿਫ਼ਤ ਤੋੰ ਬੱਚ ਨਿਕਲਿਆ ਸੀ। ਉਦੋੰ ਤੋੰ ਹੀ ਮਨੀ ਰਈਆ ਲਗਾਤਾਰ ਪੁਲਿਸ ਨੂੰ ਚਕਮਾ ਦਿੰਦਾ ਆ ਰਿਹਾ ਸੀ।
In an intelligence-led operation, #AGTF arrested two main absconding members: Mandeep@Tufan & Manpreet@Mani Raiya of Jaggu Bhagwanpuria Gang from #Amritsar. Both wanted for several cases of killings, dacoity & links with #SidhuMooseWala murder case. (1/2) pic.twitter.com/cQRZH9ONU8
— DGP Punjab Police (@DGPPunjabPolice) September 16, 2022
ਰਈਆ ਨੇ ਸੋਸ਼ਲ ਮੀਡੀਆ ‘ਤੇ ਪੁਲਿਸ ਨੂੰ ਲਲਕਾਰਿਆ ਸੀ
ਦੱਸ ਦਈਏ ਕਿ ਕਰੀਬ ਡੇਢ ਮਹੀਨੇ ਪਹਿਲਾੰ ਗੈੰਗਸਟਰ ਮਨੀ ਰਈਆ ਨੇ ਫੇਸਬੁੱਕ ‘ਤੇ ਪੋਸਟ ਪਾ ਕੇ ਪੰਜਾਬ ਪੁਲਿਸ ਨੂੰ ਲਲਕਾਰਿਆ ਸੀ। ਆਪਣੀ ਪੋਸਟ ‘ਚ ਉਸਨੇ ਲਿਖਿਆ ਸੀ, “ਜ਼ਰੂਰੀ ਨਹੀੰ ਕਿ ਜੰਗ ਸਿਰਫ਼ ਜਿੱਤਣ ਲਈ ਹੀ ਲੜੀ ਜਾੰਦੀ ਹੈ। ਕਈ ਵਾਰ ਇਹ ਦੱਸਣਾ ਵੀ ਜ਼ਰੂਰੀ ਹੁੰਦਾ ਹੈ ਕਿ ਅਸੀੰ ਹਾਲੇ ਜ਼ਿੰਦਾ ਹਾੰ।”
ਮੂਸੇਵਾਲਾ ਕਤਲ ਕੇਸ ਨਾਲ ਇਸ ਤਰ੍ਹਾੰ ਜੁੜੇ ਤਾਰ
ਮਨਦੀਪ ਤੂਫਾਨ ਅਤੇ ਮਨੀ ਰਈਆ ਦੇ ਤਾਰ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਕੇਸ ਨਾਲ ਵੀ ਜੁੜੇ ਹਨ। ਹਾਲਾੰਕਿ ਇਹ ਦੋਵੇੰ ਸਿੱਧੇ ਤੌਰ ‘ਤੇ ਮੂਸੇਵਾਲਾ ਦੇ ਕਤਲ ਵਿੱਚ ਸ਼ਾਮਲ ਨਹੀੰ ਹਨ। ਇਹ ਤੀਜੇ ਮੌਡਿਊਲ ਦਾ ਹਿੱਸਾ ਸਨ। ਗੋਲਡੀ ਬਰਾੜ ਨੇ ਦੋਵਾੰ ਨੂੰ ਮਨਪ੍ਰੀਤ ਮੰਨੂੰ ਕੁੱਸਾ ਤੇ ਜਗਰੂਪ ਰੂਪਾ ਨੂੰ ਕਵਰ ਦੇਣ ਲਈ ਚੁਣਿਆ ਸੀ, ਪਰ ਮੂਸੇਵਾਲਾ ਦਾ ਨਾੰਅ ਸੁਣ ਕੇ ਵਾਰਦਾਤ ਤੋੰ ਕੁਝ ਦਿਨ ਪਹਿਲਾੰ ਹੀ ਪਿੱਛੇ ਹੱਟ ਗਏ ਸਨ। ਇਥੋੰ ਤੱਕ ਹੀ ਆਪਣਾ ਮੋਬਾਈਲ ਫੋਨ ਵੀ ਮਨਦੀਪ ਤੂਫਾਨ ਨੇ ਸਵਿੱਚ ਆਫ ਕਰ ਦਿੱਤਾ ਹੈ, ਤਾੰ ਜੋ ਗੋਲਡੀ ਬਰਾੜ ਉਸ ਨਾਲ ਸੰਪਰਕ ਨਾ ਕਰ ਸਕੇ।
