September 16, 2022
(Bureau Report)
ਮੂਸੇਵਾਲਾ ਕਤਲ ਕਾੰਡ ਵਿੱਚ ਪੰਜਾਬ ਪੁਲਿਸ ਨੂੰ ਇੱਕ ਹੋਰ ਸਫਲਤਾ ਹੱਥ ਲੱਗੀ ਹੈ। ਪੁਲਿਸ ਨੇ ਜੱਗੂ ਭਗਵਾਨਪੁਰੀਆ ਦੇ 2 ਖਾਸ ਗੁਰਗਿਆੰ ਮਨਦੀਪ ਤੂਫਾਨ ਅਤੇ ਮਨੀ ਰਈਆ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਦੋਵੇੰ ਹੀ ਸਿੱਧੂ ਮੂਸੇਵਾਲਾ ਦੇ ਕਤਲ ਦੇ ਬਾਅਦ ਤੋੰ ਪੁਲਿਸ ਦੇ ਰਡਾਰ ‘ਤੇ ਹਨ ਅਤੇ ਵਾਰ-ਵਾਰ ਪੁਲਿਸ ਨੂੰ ਚਕਮਾ ਦੇ ਰਹੇ ਹਨ, ਪਰ ਸ਼ੁੱਕਰਵਾਰ ਸਵੇਰੇ ਦੋਵਾੰ ਨੂੰ ਘੇਰਾਬੰਦੀ ਕਰਕੇ ਕਾਬੂ ਕਰ ਲਿਆ ਗਿਆ।
ਪੰਜਾਬ ਪੁਲਿਸ ਦੀ ਐਟੀ ਗੈੰਗਸਟਰ ਟਾਸਕ ਫੋਰਸ(AGTF) ਦੀ ਟੀਮ ਨੇ ਮਨਦੀਪ ਤੂਫਾਨ ਨੂੰ ਜੰਡਿਆਲਾ ਅਤੇ ਮਨੀ ਰਈਆ ਨੂੰ ਅਜਨਾਲਾ ਤੋੰ ਤੋੰ ਗ੍ਰਿਫ਼ਤਾਰ ਕੀਤਾ ਹੈ। ਦੋਵਾੰ ਨੂੰ ਤੜਕ ਸਵੇਰੇ ਇੱਕ ਘੰਟੇ ਦੇ ਫਰਕ ‘ਚ ਕਾਬੂ ਕੀਤਾ ਗਿਆ ਹੈ। ਰਾਣਾ ਕੰਡੋਵਾਲੀਆ ਮਰਡਰ ਕੇਸ ਨਾਲ ਵੀ ਇਹਨਾੰ ਦੋਵੇੰ ਗੈੰਗਸਟਰਾੰ ਦੇ ਤਾਰ ਜੁੜੇ ਹਨ। ਬਹਿਰਹਾਲ ਪੁਲਿਸ ਦੋਵਾੰ ਨੂੰ ਰਿਮਾੰਡ ‘ਤੇ ਲੈ ਕੇ ਪੁੱਛਗਿੱਛ ਕਰੇਗੀ, ਜਿਸ ਦੌਰਾਨ ਹੋਰ ਵੀ ਕਈ ਖੁਲਾਸੇ ਹੋਣ ਦੀ ਉਮੀਦ ਹੈ।
ਕੋਰੋਲਾ ਮੌਡਿਊਲ ਦਾ ਹਿੱਸਾ ਹਨ ਤੂਫਾਨ ਤੇ ਰਈਆ
ਦੱਸ ਦਈਏ ਕਿ ਮੂਸੇਵਾਲਾ ਦੀ ਰੇਕੀ ਕਰਨ ਵਾਲਿਆੰ ਵਿੱਚ ਵੀ ਮਨੀ ਰਈਆ ਅਤੇ ਉਸਦਾ ਸਾਥੀ ਤੂਫਾਨ ਬਟਾਲਾ ਸ਼ਾਮਲ ਸਨ। ਉਹ ਕੋਰੋਲਾ ਮੌਡਿਊਲ ਦਾ ਹਿੱਸਾ ਸਨ। ਗੋਲਡੀ ਬਰਾੜ ਨੇ ਉਹਨਾੰ ਨੂੰ ਕਿਹਾ ਸੀ ਕਿ ਉਹ ਮੂਸੇਵਾਲਾ ਦੇ ਕਤਲ ਲਈ ਜਗਰੂਪ ਰੂਪਾ ਅਤੇ ਮਨਪ੍ਰੀਤ ਮੰਨੂੰ ਕੁੱਸਾ ਦੇ ਨਾਲ ਜਾਣਗੇ। ਕਤਲ ਤੋੰ ਇੱਕ ਦਿਨ ਪਹਿਲਾੰ 28 ਮਈ ਨੂੰ ਗੋਲਡੀ ਬਰਾੜ ਨੇ ਉਹਨਾੰ ਨੂੰ ਕਿਹਾ ਕਿ ਉਹ ਵੱਖਰੀ ਗੱਡੀ ਵਿੱਚ ਉਥੇ ਜਾਣ। ਉਹ ਜਗਰੂਪ ਰੂਪਾ ਅਤੇ ਮਨਪ੍ਰੀਤ ਮੰਨੂੰ ਨੂੰ ਕਵਰ ਦੇਣ।
ਰਈਆ ਨੇ ਸੋਸ਼ਲ ਮੀਡੀਆ ‘ਤੇ ਪੁਲਿਸ ਨੂੰ ਲਲਕਾਰਿਆ ਸੀ
ਦੱਸ ਦਈਏ ਕਿ ਕਰੀਬ ਡੇਢ ਮਹੀਨੇ ਪਹਿਲਾੰ ਗੈੰਗਸਟਰ ਮਨੀ ਰਈਆ ਨੇ ਫੇਸਬੁੱਕ ‘ਤੇ ਪੋਸਟ ਪਾ ਕੇ ਪੰਜਾਬ ਪੁਲਿਸ ਨੂੰ ਲਲਕਾਰਿਆ ਸੀ। ਆਪਣੀ ਪੋਸਟ ‘ਚ ਉਸਨੇ ਲਿਖਿਆ ਸੀ, “ਜ਼ਰੂਰੀ ਨਹੀੰ ਕਿ ਜੰਗ ਸਿਰਫ਼ ਜਿੱਤਣ ਲਈ ਹੀ ਲੜੀ ਜਾੰਦੀ ਹੈ। ਕਈ ਵਾਰ ਇਹ ਦੱਸਣਾ ਵੀ ਜ਼ਰੂਰੀ ਹੁੰਦਾ ਹੈ ਕਿ ਅਸੀੰ ਹਾਲੇ ਜ਼ਿੰਦਾ ਹਾੰ।”
