ਬਿਓਰੋ। ਪੰਜਾਬ ਵਿਧਾਨ ਸਭਾ ਦੀਆਂ 117 ਸੀਟਾਂ ਲਈ ਚੋਣ ਲੜ ਰਹੇ ਉਮੀਦਵਾਰਾਂ ਵਿੱਚ ਕਰੀਬ ਇੱਕ ਚੌਥਾਈ ਦੇ ਖਿਲਾਫ਼ ਅਪਰਾਧਿਕ ਮੁਕੱਦਮੇ ਦਰਜ ਹਨ। ਐਸੋਸੀਏਸ਼ਨ ਆਫ ਡੈਮੋਕ੍ਰੇਟਿਕ ਰਾਈਟਸ ਅਤੇ ਪੰਜਾਬ ਇਲੈਕਸ਼ਨ ਵਾਚ ਦੀ ਇੱਕ ਰਿਪੋਰਟ ਮੁਤਾਬਕ, 20 ਫਰਵਰੀ ਨੂੰ ਹੋਣ ਵਾਲੀ ਵੋਟਿੰਗ ਲਈ 1304 ਉਮੀਦਵਾਰ ਮੈਦਾਨ ਵਿੱਚ ਹਨ। ਇਹਨਾਂ ਵਿੱਚ 1276 ਦੇ ਐਫੀਡੈਵਿਟ ਦੇ ਵਿਸ਼ਲੇਸ਼ਣ ਤੋਂ ਪਤਾ ਚਲਦਾ ਹੈ ਕਿ ਇਹਨਾਂ ਵਿੱਚੋਂ 315 ਉਮੀਦਵਾਰਾਂ ਨੇ ਆਪਣੇ ਖਿਲਾਫ਼ ਅਪਰਾਧਿਕ ਮਾਮਲੇ ਦਰਜ ਹੋਣ ਦੀ ਜਾਣਕਾਰੀ ਦਿੱਤੀ ਹੈ, ਜੋ ਕਿ 25 ਫੀਸਦ ਦੇ ਕਰੀਬ ਹੈ। 2017 ਵਿੱਚ 9 ਫੀਸਦ ਉਮੀਦਵਾਰਾਂ ਨੇ ਆਪਣੇ ਖਿਲਾਫ਼ ਅਪਰਾਧਿਕ ਮਾਮਲੇ ਦਰਜ ਹੋਣ ਦੀ ਜਾਣਕਾਰੀ ਦਿੱਤੀ ਸੀ।
ਕਿੰਨੇ ਉਮੀਦਵਾਰਾਂ ‘ਤੇ ਕੇਸ?
315 ਉਮੀਦਵਾਰਾਂ ‘ਤੇ ਅਪਰਾਧਿਕ ਕੇਸ
218 ਦੇ ਖਿਲਾਫ਼ ਗੰਭੀਰ ਕਿਸਮ ਦੇ ਪਰਚੇ
15 ‘ਤੇ ਮਹਿਲਾਵਾਂ ਦੇ ਸ਼ੋਸ਼ਣ ਦਾ ਕੇਸ
2 ਉਮੀਦਵਾਰਾਂ ‘ਤੇ ਬਲਾਤਕਾਰ ਦਾ ਕੇਸ
ਕਿਸ ਪਾਰਟੀ ਦੇ ਕਿੰਨੇ ਉਮੀਦਵਾਰ ਦਾਗੀ?
ਕਾਂਗਰਸ- 16
ਅਕਾਲੀ ਦਲ- 65
ਆਮ ਆਦਮੀ ਪਾਰਟੀ- 58
ਭਾਰਤੀ ਜਨਤਾ ਪਾਰਟੀ- 27
BSP- 3
PLC- 3
SAD ਸੰਯੁਕਤ- 4
ਕਿੰਨੇ ਪੜ੍ਹੇ-ਲਿਖੇ ਉਮੀਦਵਾਰ?
ਅੱਧੇ ਤੋਂ ਵੱਧ ਉਮੀਦਵਾਰਾਂ ਨੇ 12ਵੀਂ ਤੱਕ ਦੀ ਹੀ ਪੜ੍ਹਾਈ ਕੀਤੀ ਹੈ। 695 ਉਮੀਦਵਾਰਾਂ ਨੇ 5ਵੀਂ ਤੋਂ 12ਵੀਂ ਤੱਕ ਦੀ ਸਿੱਖਿਆ ਹਾਸਲ ਕੀਤੀ ਹੈ। ਸਿਰਫ਼ 483 ਉਮੀਦਵਾਰ ਅਜਿਹੇ ਹਨ, ਜਿਹਨਾਂ ਦੀ ਸਿੱਖਿਆ ਗ੍ਰੇਜੂਏਟ ਜਾਂ ਇਸ ਤੋਂ ਉੱਪਰ ਦੀ ਹੈ। 49 ਉਮੀਦਵਾਰ ਅਨਪੜ੍ਹ ਹਨ। 4 ਉਮੀਦਵਾਰਾਂ ਨੇ ਕਾਲਮ ਨਹੀਂ ਭਰਿਆ ਹੈ।
ਕੌਣ ਕਿੰਨਾ ਅਮੀਰ?
ਇਸ ਵਾਰ ਚੋਣ ਲੜਨ ਵਾਲਿਆਂ ਦੇ ਕੋਲ ਪਿਛਲੀ ਵਾਰ ਦੇ ਮੁਕਾਬਲੇ ਵੱਧ ਪੈਸੇ ਹਨ। 2017 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਔਸਤ ਜਾਇਦਾਦ 3.49 ਕਰੋੜ ਰੁਪਏ ਸੀ, ਇਸ ਵਾਰ 4.31 ਕਰੋੜ ਰੁਪਏ ਹੈ। ਆਮ ਆਦਮੀ ਪਾਰਟੀ ਦੇ ਮੋਹਾਲੀ ਤੋਂ ਉਮੀਦਵਾਰ ਕੁਲਵੰਤ ਸਿੰਘ ਦੇ ਕੋਲ ਸਭ ਤੋਂ ਵੱਧ 2.38 ਕਰੋੜ ਰੁਪਏ ਦੀ ਜਾਇਦਾਦ ਹੈ। ਕੁਲਵੰਤ ਸਿੰਘ ਰੀਅਲ ਅਸਟੇਟ ਬਿਜ਼ਨਸ ਵਿੱਚ ਹਨ। ਦੂਜੇ ਨੰਬਰ ‘ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ (202 ਕਰੋੜ) ਅਤੇ ਤੀਜੇ ਨੰਬਰ ‘ਤੇ ਮੁਕਤਸਰ ਤੋਂ ਕਾਂਗਰਸੀ ਉਮੀਦਵਾਰ ਕਰਨ ਕੌਰ ਬਰਾੜ (155 ਕਰੋੜ) ਹਨ। 226 ਉਮੀਦਵਾਰਾਂ ਦੇ ਕੋਲ 5 ਕਰੋੜ ਤੋਂ ਵੱਧ ਦੀ ਜਾਇਦਾਦ ਹੈ।
