ਪੰਜਾਬ ‘ਚ ਕੋਰੋਨਾ ਦੀ ਖਤਰਨਾਕ ਰਫ਼ਤਾਰ ਲਗਾਤਾਰ ਜਾਰੀ ਹੈ। ਸੂਬੇ ‘ਚ ਪਿਛਲੇ 24 ਘੰਟਿਆਂ ਅੰਦਰ 2490 ਕੋਰੋਨਾ ਕੇਸ ਸਾਹਮਣੇ ਆਏ ਹਨ, ਜਦਕਿ 38 ਹੋਰ ਲੋਕਾਂ ਦੀ ਜਾਨ ਚਲੀ ਗਈ ਹੈ।
ਮੌਤਾਂ ਦੇ ਅੰਕੜਿਆਂ ‘ਤੇ ਨਜ਼ਰ ਮਾਰੀਏ, ਤਾਂ ਹੌਟਸਪੌਟ ਹੁਸ਼ਿਆਰਪੁਰ ‘ਚ ਸਭ ਤੋਂ ਵੱਧ 10, ਜਲੰਧਰ ‘ਚ 7 ਮੌਤਾਂ, ਨਵਾਂਸ਼ਹਿਰ ‘ਚ 5 ਅਤੇ ਲੁਧਿਆਣਾ ‘ਚ 4 ਮੌਤਾਂ ਰਿਪੋਰਟ ਕੀਤੀਆਂ ਗਈਆੰ ਹਨ। ਇਸ ਤੋਂ ਇਲਾਵਾ ਗੁਰਦਾਸਪੁਰ ‘ਚ 3, ਕਪੂਰਥਲਾ ‘ਚ 2 ਅਤੇ ਅੰਮ੍ਰਿਤਸਰ, ਫ਼ਾਜ਼ਿਲਕਾ, ਫ਼ਿਰੋਜ਼ਪੁਰ, ਫ਼ਤਿਹਗੜ੍ਤ ਸਾਹਿਬ, ਮੁਕਤਸਰ, ਤਰਨਤਾਰਨ, ਪਟਿਆਲਾ ‘ਚ 1-1 ਸ਼ਖਸ ਦੀ ਮੌਤ ਦੀ ਖ਼ਬਰ ਹੈ।
ਜ਼ਿਲ੍ਹੇਵਾਰ ਕੋਰੋਨਾ ਦੇ ਅੰਕੜਿਆਂ ਦੀ ਗੱਲ ਕਰੀਏ, ਤਾਂ ਪਿਛਲੇ 24 ਘੰਟਿਆਂ ਅੰਦਰ ਹੌਟਸਪੌਟ ਹੁਸ਼ਿਆਰਪੁਰ ‘ਚ 416, ਜਲੰਧਰ ‘ਚ 253, ਲੁਧਿਆਣਾ ‘ਚ 292, ਮੋਹਾਲੀ ‘ਚ 258 ਅਤੇ ਪਟਿਆਲਾ ‘ਚ 287 ਲੋਕਾਂ ‘ਚ ਕੋਰੋਨਾ ਦੀ ਪੁਸ਼ਟੀ ਹੋਈ ਹੈ।
ਇਸ ਤੋਂ ਇਲਾਵਾ ਅੰਮ੍ਰਿਤਸਰ ‘ਚ 181, ਗੁਰਦਾਸਪੁਰ ‘ਚ 158, ਕਪੂਰਥਲਾ ‘ਚ 151 ਅਤੇ ਨਵਾਂਸ਼ਹਿਰ ‘ਚ 119 ਲੋਕ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ। ਬਠਿੰਡਾ ‘ਚ 67, ਤਰਨਤਾਰਨ ‘ਚ 50, ਸੰਗਰੂਰ ‘ਚ 45 ਅਤੇ ਫਿਰੋਜ਼ਪੁਰ ‘ਚ 31 ਲੋਕਾਂ ‘ਚ ਕੋਰੋਨਾ ਦੀ ਪੁਸ਼ਟੀ ਹੋਈ ਹੈ। ਇਸ ਤੋਂ ਇਲਾਵਾ ਫ਼ਾਜ਼ਿਲਕਾ ਤੇ ਮੋਗਾ ‘ਚ 28, ਪਠਾਨਕੋਟ ‘ਚ 27, ਫ਼ਤਿਹਗੜ੍ਹ ਸਾਹਿਬ ‘ਚ 25, ਮਾਨਸਾ ‘ਚ 21, ਫ਼ਰੀਦਕੋਟ ਤੇ ਬਰਨਾਲਾ ‘ਚ 15-15, ਮੁਕਤਸਰ ‘ਚ 12 ਅਤੇ ਰੋਪੜ ‘ਚ 11 ਕੋਰੋਨਾ ਕੇਸ ਸਾਹਮਣੇ ਆਏ ਹਨ।
