ਕਿੰਨੌਰ। ਹਿਮਾਚਲ ਪ੍ਰਦੇਸ਼ ਦੇ ਕਿੰਨੌਰ ਜ਼ਿਲ੍ਹੇ ‘ਚ ਲੈਂਡ ਸਲਾਈਡ ਦੇ ਚਲਦੇ 9 ਲੋਕਾਂ ਦੀ ਜਾਨ ਚਲੀ ਗਈ, ਜਦਕਿ 3 ਲੋਕ ਗੰਭੀਰ ਜ਼ਖਮੀ ਹੋਏ ਹਨ। ਲੈਂਡ ਸਲਾਈਡ ਤੋਂ ਬਾਅਦ ਪਹਾੜਾਂ ਤੋਂ ਚੱਟਾਨਾਂ ਇੰਨੀ ਤੇਜ਼ੀ ਨਾਲ ਹੇਠਾਂ ਡਿੱਗੀਆਂ ਕਿ ਨਦੀ ਦਾ ਪੁੱਲ ਹੀ ਢਹਿ-ਢੇਰੀ ਹੋ ਗਿਆ। ਮ੍ਰਿਤਕਾਂ ‘ਚ 4 ਰਾਜਸਥਾਨ, 2 ਛੱਤੀਸਗੜ੍ਹ, 1-1 ਮਹਾਂਰਾਸ਼ਟਰ ਅਤੇ ਵੈਸਟ ਦਿੱਲੀ ਦੇ ਸਨ।
ਦਰਅਸਲ, ਇੱਕ ਟ੍ਰੈਵਲਰ ਗੱਡੀ ‘ਚ ਕੁਝ ਸੈਲਾਨੀ ਛਿਤਕੁਲ ਤੋਂ ਸਾਂਗਲਾ ਵੱਲ ਜਾ ਰਹੇ ਸਨ ਕਿ ਅਚਾਨਕ ਚੱਟਾਨਾਂ ਡਿੱਗਣ ਦੇ ਚਲਦੇ ਪੁੱਲ ਟੁੱਟ ਗਿਆ ਅਤੇ ਗੱਡੀ ਨਦੀ ‘ਚ ਜਾ ਡਿੱਗੀ। ਹਾਦਸੇ ਤੋਂ ਬਾਅਦ ਅਵਾਜ਼ਾਂ ਸੁਣ ਕੇ ਨੇੜਲੇ ਪਿੰਡ ਦੇ ਲੋਕ ਮੌਕੇ ‘ਤੇ ਪਹੁੰਚੇ ਅਤੇ ਬਚਾਅ ਕਾਰਜਾਂ ‘ਚ ਜੁਟ ਗਏ।
ਪ੍ਰਧਾਨ ਮੰਤਰੀ ਨੇ ਜਤਾਇਆ ਦੁੱਖ
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਇਸ ਹਾਦਸੇ ‘ਤੇ ਦੁੱਖ ਜਤਾਉਂਦਿਆਂ ਟਵਿਟਰ ‘ਤੇ ਲਿਖਿਆ, “ਹਿਮਾਚਲ ਪ੍ਰਦੇਸ਼ ਦੇ ਕਿੰਨੌਰ ‘ਚ ਲੈਂਡ ਸਲਾਈਡ ਕਾਰਨ ਹੋਇਆ ਹਾਦਸਾ ਬੇਹੱਦ ਦੁੱਖਦਾਈ ਹੈ। ਇਸ ਵਿੱਚ ਜਾਨ ਗਵਾਉਣ ਵਾਲੇ ਲਕਾਂ ਦੇ ਪਰਿਵਾਰਕ ਮੈਂਬਰਾਂ ਪ੍ਰਤੀ ਮੇਰੀ ਦਿਲੋਂ ਹਮਦਰਦੀ। ਹਾਦਸੇ ‘ਚ ਜ਼ਖਮੀ ਹੋਏ ਲੋਕਾਂ ਦੇ ਇਲਾਜ ਦੀ ਪੂਰੀ ਵਿਵਸਥਾ ਕੀਤੀ ਜਾ ਰਹੀ ਹੈ। ਮੈਂ ਉਹਨਾਂ ਦੇ ਜਲਦ ਸਿਹਤਯਾਬ ਹੋਣ ਦੀ ਕਾਮਨਾ ਕਰਦਾ ਹਾਂ।”
हिमाचल प्रदेश के किन्नौर में भूस्खलन से हुआ हादसा अत्यंत दुखद है। इसमें जान गंवाने वाले लोगों के परिजनों के प्रति मेरी हार्दिक संवेदनाएं। दुर्घटना में घायल हुए लोगों के इलाज की पूरी व्यवस्था की जा रही है। मैं उनके शीघ्र स्वस्थ होने की कामना करता हूं: PM @narendramodi
— PMO India (@PMOIndia) July 25, 2021
PMNRF ‘ਚੋਂ 2-2 ਲੱਖ ਦੀ ਮਦਦ
ਪ੍ਰਧਾਨ ਮੰਤਰੀ ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ ਲਈ ਰਿਲੀਫ ਫੰਡ ‘ਚੋਂ 2-2 ਲੱਖ ਰੁਪਏ ਦੀ ਆਰਥਿਕ ਮਦਦ ਦਾ ਐਲਾਨ ਕੀਤਾ ਹੈ। ਇਸਦੇ ਨਾਲ ਹੀ ਜ਼ਖਮੀਆਂ ਨੂੰ 50-50 ਹਜ਼ਾਰ ਰੁਪਏ ਦਿੱਤੇ ਜਾਣਗੇ।
An ex-gratia of Rs. 2 lakh each from PMNRF would be given to the next of kin of those who lost their lives in an accident in Kinnaur, Himachal Pradesh. Rs. 50,000 would be given to the injured: PM @narendramodi
— PMO India (@PMOIndia) July 25, 2021
ਹਿਮਾਚਲ ਸਰਕਾਰ ਦੇਵੇਗੀ 4 ਲੱਖ ਦੀ ਮਦਦ
ਹਿਮਾਚਲ ਪ੍ਰਦੇਸ਼ ਦੇ ਜੈਰਾਮ ਸਰਕਾਰ ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ ਲਈ 4-4 ਲੱਖ ਰੁਪਏ ਦੀ ਆਰਥਿਕ ਮਦਦ ਦਾ ਐਲਾਨ ਕੀਤਾ ਹੈ। ਇਸਦੇ ਨਾਲ ਹੀ ਸਰਕਾਰ ਵੱਲੋਂ ਜ਼ਖਮੀਆਂ ਦੇ ਇਲਾਜ ਦਾ ਪੂਰਾ ਖਰਚ ਚੁੱਕਿਆ ਜਾਵੇਗਾ।
Himachal Pradesh government announces ex-gratia of Rs 4 lakh each to kin of those who lost their lives in the accident in Kinnaur, Himachal Pradesh. Treatment of the injured will be taken care of by the govt: Himachal Pradesh CM Jairam Thakur pic.twitter.com/GhwUqDyF9E
— ANI (@ANI) July 25, 2021
ਸ਼ਨੀਵਾਰ ਨੂੰ ਵੀ ਹੋਇਆ ਸੀ ਹਾਦਸਾ
ਕਾਬਿਲੇਗੌਰ ਹੈ ਕਿ ਹਿਮਾਚਲ ਦੇ ਕਿੰਨੌਰ ‘ਚ ਪੱਥਰਾਂ ਦੇ ਼ਡਿੱਗਣ ਕਾਰਨ ਸ਼ਨੀਵਾਰ ਨੂੰ ਵੀ ਹਾਦਸਾ ਹੋਇਆ ਸੀ। ਇਥੇ ਬਟਸੇਰੀ ਦੇ ਗੁੰਸਾ ਦੇ ਕਰੀਬ ਇੱਕ ਵਾਹਨ ‘ਤੇ ਚੱਟਾਨ ਡਿੱਗੀ ਸੀ, ਜਿਸਦੇ ਚਲਦੇ ਕਾਫੀ ਦੇਰ ਤੱਕ ਆਵਾਜਾਈ ਪ੍ਰਭਾਵਿਤ ਰਹੀ ਸੀ। ਰਾਹਤ ਦੀ ਗੱਲ ਇਹ ਰਹੀ ਕਿ ਇਸ ਹਾਦਸੇ ‘ਚ ਕਿਸੇ ਦੀ ਜਾਨ ਨਹੀਂ ਗਈ।
