ਬਿਓਰੋ। 2022 ਦੀਆਂ ਚੋਣਾਂ ਤੋਂ ਠੀਕ ਪਹਿਲਾਂ ਕਾਂਗਰਸ ਵਿੱਚ ਸ਼ੁਰੂ ਹੋਇਆ ਘਮਸਾਣ ਥੰਮਦਾ ਨਜ਼ਰ ਨਹੀਂ ਆ ਰਿਹਾ। ਪਹਿਲਾਂ ਕੈਪਟਨ ਨੂੰ ਤੇਵਰ ਵਿਖਾਉਣ ਵਾਲੇ ਨਵਜੋਤ ਸਿੱਧੂ ਹੁਣ 50 ਦਿਨਾਂ ਦੀ ਚੰਨੀ ਸਰਕਾਰ ‘ਤੇ ਵੀ ਹਮਲਾਵਰ ਹਨ। ਪੰਜਾਬ ਕਾਂਗਰਸ ਦਾ ਪ੍ਰਧਾਨ ਹੋਣ ਦੇ ਬਾਵਜੂਦ ਸਿੱਧੂ ਆਪਣੀ ਹੀ ਸਰਕਾਰ ‘ਤੇ ਲਗਾਤਾਰ ਸਵਾਲ ਚੁੱਕ ਰਹੇ ਹਨ। ਤਿੰਨ ਦਿਨਾਂ ਅੰਦਰ ਦੂਜੀ ਪ੍ਰੈੱਸ ਕਾਨਫ਼ਰੰਸ ਕਰਕੇ ਸਿੱਧੂ ਨੇ ਸਿੱਧੇ ਸਰਕਾਰ ‘ਤੇ ਹਮਲਾ ਬੋਲਿਆ ਹੈ।
ਕੋਟਕਪੂਰਾ ਫਾਇਰਿੰਗ ਕੇਸ ਨੂੰ ਲੈ ਕੇ ਚੁੱਕੇ ਸਵਾਲ
ਨਵਜੋਤ ਸਿੱਧੂ ਨੇ ਕਿਹਾ ਕਿ 9 ਅਪ੍ਰੈਲ, 2021 ਨੂੰ ਹਾਈਕੋਰਟ ਨੇ ਦੂਜੀ SIT ਦੀ ਜਾਂਚ ਰੱਦ ਕੀਤੀ ਸੀ। ਇਹ ਦੋਵੇਂ ਮਾਮਲੇ ਕੋਟਕਪੂਰਾ ਫਾਇਰਿੰਗ ਕੇਸ ਨਾਲ ਜੁੜੇ ਸਨ। ਹਾਈਕੋਰਟ ਨੇ ਨਵੀਂ SIT ਨੂੰ ਜਾਂਚ ਲਈ ਕਿਹਾ ਸੀ, ਜਿਸਦੇ ਲਈ 6 ਮਹੀਨਿਆਂ ਦਾ ਸਮਾਂ ਦਿੱਤਾ ਸੀ। ਅੱਜ 6 ਮਹੀਨੇ ਇੱਕ ਦਿਨ ਹੋ ਗਏ, ਚਾਰਜਸ਼ੀਟ ਕਿਥੇ ਹੈ?
09.04.2021: HC directed new SIT to complete investigation in 6 months.
07.05.2021: New SIT Constituted.
07.11.2021: 6 months over. What’s status of Investigation? Where is Chargesheet? #SacrilegeCases 1/3 https://t.co/k7xN27uLWc— Navjot Singh Sidhu (@sherryontopp) November 8, 2021
ਸਿੱਧੂ ਨੇ ਕਿਹਾ ਕਿ ਬੇਅਦਬੀ ਦੇ ਮਾਮਲੇ ਵਿੱਚ 2 FIR ਦਰਜ ਹੋਈਆਂ ਹਨ। ਇਹਨਾਂ ਵਿੱਚ 129 ਨੰਬਰ ਵਿੱਚ ਮੁੱਖ ਮੁਲਜ਼ਮ ਸਾਬਕਾ DGP ਸੁਮੇਧ ਸਿੰਘ ਸੈਣੀ ਹਨ। ਜਦੋਂ ਸੈਣੀ ਨੂੰ ਬਲੈਂਕੇਟ ਬੇਲ ਮਿਲੀ ਹੈ, ਤਾਂ ਜਾਂਚ ਕਿਵੇਂ ਹੋਵੇਗੀ। ਸਿੱਧੂ ਨੇ ਪੁੱਛਿਆ ਕਿ ਨਵੀਂ ਸਰਕਾਰ ਨੇ ਸੈਣੀ ਦੀ ਬਲੈਂਕੇਟ ਬੇਲ ਤੋੜਨ ਲਈ ਕੀ ਕੀਤਾ?
ਸਿੱਧੂ ਨੇ DGP ਅਤੇ AG ਦੇ ਬਹਾਨੇ ਸਰਕਾਰ ਦੀ ਨੀਅਤ ‘ਤੇ ਵੀ ਸਵਾਲ ਚੁੱਕੇ। DGP ਇਕਬਾਲਪ੍ਰੀਤ ਸਹੋਤਾ ਬਾਰੇ ਸਿੱਧੂ ਨੇ ਕਿਹਾ ਕਿ ਉਹਨਾਂ ਨੇ ਕਲੀਨ ਚਿੱਟ ਦਿੱਤੀ ਅਤੇ ਐਡਵੋਕੇਟ ਜਨਰਲ APS ਦਿਓਲ ਨੇ ਬਲੈਂਕੇਟ ਬੇਲ ਦਵਾਈ ਹੈ। ਅਜਿਹੇ ਵਿੱਚ ਇਨਸਾਫ਼ ਦੀ ਉਮੀਦ ਕਿਵੇਂ ਕਰੀਏ। ਸਿੱਧੂ ਨੇ ਬਿਨ੍ਹਾਂ ਕਿਸੇ ਦਾ ਨਾਂਅ ਲਏ ਬਿਨ੍ਹਾਂ ਕਿਹਾ ਕਿ ਪੰਜਾਬ ਦੇ ਪਹਿਰੇਦਾਰਾਂ ਨੇ ਬੇਅਦਬੀ ਕੇਸ ਵਿੱਚ ਇਨਸਾਫ਼ ਦਵਾਉਣਾ ਸੀ, ਪਰ ਓਹੀ ਢਾਲ ਬਣ ਗਏ।
ਨਸ਼ਾ ਤਸਕਰੀ ਦੀ ਰਿਪੋਰਟ ਕਿਉਂ ਲੁਕਾ ਰਹੇ?- ਸਿੱਧੂ
ਸਿੱਧੂ ਨੇ ਕਿਹਾ ਕਿ ਪੰਜਾਬ ਦੇ ਲੋਕ STF ਦੀ ਰਿਪੋਰਟ ਦਾ ਇੰਨੇ ਸਾਲਾਂ ਤੋਂ ਇੰਤਜਾਰ ਕਰ ਰਹੇ ਹਨ। ਕੋਰਟ ਕਹਿੰਦੀ ਹੈ ਕਿ ਰਿਪੋਰਟ ਤੁਹਾਡੀ ਹੈ, ਜਨਤੱਕ ਕਰ ਦਿਓ, ਅਸੀਂ ਕਿਸ ਤੋਂ ਡਰਦੇ ਹਾਂ। ਸਿੱਧੂ ਨੇ ਕਿਹਾ, “ਸਾਨੂੰ ਕਿਸ ਗੱਲ ਦੀ ਘਬਰਾਹਟ ਹੈ। ਅਸੀਂ ਕੀ ਲੁਕਾ ਰਹੇ ਹਾਂ। ਕੋਰਟ ਦਾ ਰਿਪੋਰਟ ਜਨਤੱਕ ਕਰਨ ਲਈ ਕੋਈ ਆਰਡਰ ਨਹੀਂ ਹੈ।”
ਸਿੱਧੂ ਦੀ ਸਰਕਾਰ ਨੂੰ ਦੋ-ਟੁੱਕ
ਸਿੱਧੂ ਨੇ DGP ਅਤੇ ਐਡਵੋਕੇਟ ਜਨਰਲ ਦੀ ਨਿਯੁਕਤੀ ਨੂੰ ਲੈ ਕੇ ਦੋ-ਟੁੱਕ ਗੱਲ ਵੀ ਕਹਿ ਦਿੱਤੀ। ਸਿੱਧੂ ਨੇ ਕਿਹਾ, “ਸਰਕਾਰ Compromising ਅਫ਼ਸਰ ਚੁਣੇ ਜਾਂ ਫਿਰ ਪੰਜਾਬ ਕਾਂਗਰਸ ਦਾ ਪ੍ਰਧਾਨ।” ਉਹਨਾਂ ਕਿਹਾ, “ਮੈਂ ਕਦੇ ਸਟੇਜ ‘ਤੇ ਬਿਨ੍ਹਾਂ ਨੈਤਿਕਤਾ ਦੇ ਨਹੀਂ ਚੜ੍ਹਿਆ। ਸਿੱਧੂ ਪੌਣੇ 5 ਸਾਲਾਂ ਤੋਂ ਉਥੇ ਹੀ ਖੜ੍ਹਿਆ ਹੈ। ਜੋ ਬਦਲੇ ਹਨ, ਉਹ ਆਪਣਾ ਸਟੈਂਡ ਕਲੀਅਰ ਕਰਨ।” ਮੰਨਿਆ ਜਾ ਰਿਹਾ ਹੈ ਕਿ ਸਿੱਧੂ ਦਾ ਇਹ ਇਸ਼ਾਰਾ ਸਿੱਧੇ ਤੌਰ ‘ਤੇ ਸੀਐੱਮ ਚਰਨਜੀਤ ਚੰਨੀ ਅਤੇ ਡਿਪਟੀ ਸੀਐੱਮ ਸੁਖਜਿੰਦਰ ਰੰਧਾਵਾ ਵੱਲ ਸੀ, ਜੋ ਕੈਪਟਨ ਦੇ ਸੀਐੱਮ ਰਹਿੰਦੇ ਇਹਨਾਂ ਮੁੱਦਿਆਂ ਨੂੰ ਚੁੱਕਦੇ ਰਹੇ।
ਚੰਨੀ ਦਾ ਨਾਂਅ ਲੈਣ ‘ਤੇ ਭੜਕ ਗਏ ਸਿੱਧੂ
ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਸਿੱਧੂ ਤੋਂ ਜਦੋਂ ਸਵਾਲ ਪੁੱਛਿਆ ਗਿਆ ਕਿ ਚੰਨੀ ਨੂੰ ਤਾਂ ਉਹਨਾਂ ਨੇ ਖੁਦ ਸੀਐੱਮ ਬਣਵਾਇਆ ਸੀ, ਤਾਂ ਉਹ ਭੜਕ ਗਏ। ਉਹਨਾਂ ਕਿਹਾ ਕਿ ਚੰਨੀ ਨੂੰ ਮੈਂ ਨਹੀਂ, ਕਾਂਗਰਸ ਹਾਈਕਮਾਂਡ ਨੇ ਸੀਐੱਮ ਬਣਾਇਆ ਹੈ। ਸਿੱਧੂ ਨੇ ਕਿਹਾ ਕਿ ਮੈਂ ਕਾਂਗਰਸ ਦਾ ਪੰਜਾਬ ਪ੍ਰਧਾਨ ਹਾਂ, ਪਰ ਮੇਰੇ ਕੋਲ ਕੋਈ ਐਗਜੈਕਟਿਵ ਪਾਵਰ ਨਹੀਂ ਹੈ।
ਸਸਤੀ ਬਿਜਲੀ ਅਤੇ ਤੇਲ ‘ਤੇ ਵੀ ਘੇਰਿਆ
ਸਿੱਧੂ ਮੇ ਸਸਤੀ ਬਿਜਲੀ ਅਤੇ ਪੈਟਰੋਲ-ਡੀਜ਼ਲ ‘ਤੇ ਵੀ ਸਰਕਾਰ ਨੂੰ ਘੇਰਿਆ। ਉਹਨਾਂ ਕਿਹਾ, “ਬਿਜਲੀ ਸਮਝੌਤੇ ਰੱਦ ਕੀਤੇ ਬਿਨ੍ਹਾਂ ਸਸਤੀ ਬਿਜਲੀ ਕਿਥੋਂ ਦਿਓਗੇ? ਪੈਟਰੋਲ-ਡੀਜ਼ਲ ਸਸਤਾ ਕੀਤਾ, ਪਰ ਕੀ 5 ਸਾਲਾਂ ਤੱਕ ਅਜਿਹਾ ਰਹੇਗਾ?” ਦੱਸ ਦਈਏ ਕਿ ਹਾਲ ਹੀ ਵਿੱਚ ਚੰਨੀ ਸਰਕਾਰ ਨੇ ਬਿਜਲੀ ਪ੍ਰਤੀ ਯੂਨਿਟ 3 ਰੁਪਏ ਅਤੇ ਸਸਤੀ ਕੀਤੀ ਹੈ ਅਤੇ ਪੈਟਰੋਲ ‘ਤੇ 10 ਰੁਪਏ ਅਤੇ ਡੀਜ਼ਲ ‘ਤੇ 5 ਰੁਪਏ ਵੈਟ ਘਟਾ ਕੇ ਇੱਕ ਵੱਡੇ ਤਬਕੇ ਨੂੰ ਲੁਭਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
