ਬਿਓਰੋ। ਸ਼੍ਰੋਮਣੀ ਅਕਾਲੀ ਦਲ ਨੇ ਪੰਜਾਬ ਦੀ ਚੰਨੀ ਸਰਕਾਰ ‘ਤੇ ਇੱਕ ਵਾਰ ਫਿਰ ਬੇਅਦਬੀ ਮਾਮਲੇ ਵਿੱਚ ਸੁਖਬੀਰ ਬਾਦਲ ਅਤੇ ਬਿਕਰਮ ਮਜੀਠੀਆ ਨੂੰ ਫਸਾਉਣ ਲਈ ਸਾਜਿਸ਼ ਰਚਣ ਦਾ ਇਲਜਾਮ ਲਾਇਆ ਹੈ। ਸਰਕਾਰ ‘ਤੇ ਦਬਾਅ ਪਾਉਣ ਲਈ ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਬਾਦਲ ਸਣੇ ਪਾਰਟੀ ਦੇ ਤਮਾਮ ਵੱਡੇ ਆਗੂ ਸ਼ਨੀਵਾਰ ਨੂੰ ਸੜਕ ‘ਤੇ ਉਤਰੇ ਅਤੇ ਚੰਡੀਗੜ੍ਹ ਵਿੱਚ ਸੀਐੱਮ ਰਿਹਾਇਸ਼ ਵੱਲ ਕੂਚ ਕੀਤਾ।
ਚੰਡੀਗੜ੍ਹ ਪੁਲਿਸ ਨੇ ਅਕਾਲੀ ਆਗੂਆਂ ਨੂੰ ਰਸਤੇ ਵਿੱਚ ਹੀ ਰੋਕ ਲਿਆ। ਪੁਲਿਸ ਨੇ ਸੁਖਬੀਰ ਬਾਦਲ, ਬਿਕਰਮ ਮਜੀਠੀਆ, ਦਲਜੀਤ ਚੀਮਾ, ਪ੍ਰੇਮ ਸਿੰਘ ਚੰਦੂਮਾਜਰਾ ਸਣੇ ਸਾਰੇ ਵੱਡੇ ਆਗੂਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ।
Senior leaders of the @Akali_Dal_ core committee marching to residence of Punjab CM @CHARANJITCHANNI to expose Cong govt conspiracy to implicate our party leaders and workers in false cases.#PoliticalVendetta pic.twitter.com/McvOCVz5W7
— Sukhbir Singh Badal (@officeofssbadal) November 27, 2021
ਚੰਨੀ, ਸਿੱਧੂ, ਰੰਧਾਵਾ ਰਚ ਰਹੇ ਸਾਜਿਸ਼- ਸੁਖਬੀਰ
ਸੁਖਬੀਰ ਬਾਦਲ ਨੇ ਕਿਹਾ ਕਿ ਸੀਐੱਮ ਚਰਨਜੀਤ ਚੰਨੀ, ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੱਧੂ, ਡਿਪਟੀ ਸੀਐੱਮ ਸੁਖਜਿੰਦਰ ਰੰਧਾਵਾ ਅਤੇ DGP ਇਕਬਾਲਪ੍ਰੀਤ ਸਹੋਤਾ ਨੇ ਇਸ ਬਾਰੇ ਮੀਟਿੰਗ ਕੀਤੀ ਹੈ, ਜਿਸ ਵਿੱਚ ਬੇਅਦਬੀ ਅਤੇ ਡਰੱਗਜ਼ ਕੇਸ ਵਿੱਚ ਅਕਾਲੀ ਆਗੂਆਂ ਨੂੰ ਫਸਾਉਣ ਬਾਰੇ ਸਾਜਿਸ਼ ਰਚੀ ਗਈ ਹੈ। ਸੁਖਬੀਰ ਨੇ ਪੁੱਛਿਆ ਕਿ ਕਾਂਗਰਸ ਪ੍ਰਧਾਨ ਨਵਜੋਤ ਸਿੱਧੂ ਦਾ ਕੀ ਸੰਵਿਧਾਨਕ ਹੱਕ ਹੈ ਕਿ ਉਹ ਸਰਕਾਰ ਨੂੰ ਪਰਚਾ ਦਰਜ ਕਰਨ ਲਈ ਕਹਿ ਰਹੇ ਹਨ।
By directing Pb govt to register false case against Mr. Majithia, @sherryontopp is resorting to extra constitutional measures. CM @CHARANJITCHANNI & HM @Sukhjinder_INC agreed to this demand to divert attention from their govt's failures & directed DGP to frame S @bsmajithia. 1/3 pic.twitter.com/IkXhKnq6ff
— Sukhbir Singh Badal (@officeofssbadal) November 27, 2021
ਅਸੀਂ ਸਾਜਿਸ਼ਾਂ ਤੋਂ ਡਰਨ ਵਾਲੇ ਨਹੀਂ- ਸੁਖਬੀਰ
ਸੁਖਬੀਰ ਬਾਦਲ ਨੇ ਕਿਹਾ ਕਿ ਅਕਾਲੀ ਦਲ ਕਾਂਗਰਸ ਸਰਕਾਰ ਤੋਂ ਡਰਨ ਵਾਲਾ ਨਹੀਂ ਹੈ। ਚੰਡੀਗੜ੍ਹ ਵਿੱਚ ਪ੍ਰਦਰਸ਼ਨ ਤੋਂ ਬਾਅਦ ਜਿਲ੍ਹਾ ਪੱਧਰ ‘ਤੇ ਜੇਲ੍ਹ ਭਰੋ ਅੰਦੋਲਨ ਕੀਤਾ ਜਾਵੇਗਾ। ਸੁਖਬੀਰ ਨੇ ਕਿਹਾ ਕਿ ਇੱਕ ਮਹੀਨਾ ਰਹਿ ਗਿਆ, ਇਸ ਲਈ ਪੰਜਾਬ ਦੇ ਮੁੱਦਿਆਂ ਅਤੇ ਵਾਅਦਿਆਂ ਤੋਂ ਜਨਤਾ ਨੂੰ ਭਟਕਾਉਣ ਲਈ ਹੁਣ ਇਹ ਸਭ ਗੱਲਾਂ ਕੀਤੀਆਂ ਜਾ ਰਹੀਆਂ ਹਨ।
ਸਿੱਧੂ ਨੇ ਦਿੱਤੀ ਇਲਜਾਮ ਸਾਬਿਤ ਕਰਨ ਦੀ ਚੁਣੌਤੀ
ਸੁਖਬੀਰ ਬਾਦਲ ਦੇ ਇਲਜਾਮਾਂ ‘ਤੇ ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਭੜਕ ਗਏ। ਉਹਨਾਂ ਨੇ ਸੁਖਬੀਰ ਬਾਦਲ ਨੂੰ ਇਲਜਾਮ ਸਾਬਿਤ ਕਰਨ ਦੀ ਚੁਣੌਤੀ ਦੇ ਦਿੱਤੀ। ਸਿੱਧੂ ਨੇ ਕਿਹਾ ਕਿ ਸੁਖਬੀਰ ਬਾਦਲ ਸਿਰਫ਼ ਗੱਲਾਂ ਕਰ ਰਹੇ ਹਨ। ਜੇਕਰ ਉਹ ਸਾਬਕਾ DGP ਸੁਮੇਧ ਸੈਣੀ ਜਾਂ ਉਹਨਾਂ ਦੇ ਚਹੇਤੇ IG (ਮੌਜੂਦਾ DGP) ਨਾਲ ਕਦੇ ਮਿਲੇ ਵੀ ਹਨ, ਤਾਂ ਅਕਾਲੀ ਦਲ ਸਬੂਤ ਪੇਸ਼ ਕਰੇ। ਸਿੱਧੂ ਨੇ ਕਿਹਾ ਕਿ ਜੇਕਰ ਇਹ ਸੱਚ ਸਾਬਿਤ ਹੋ ਜਾਂਦਾ ਹੈ, ਤਾਂ ਉਹ ਸਿਆਸਤ ਛੱਡ ਦੇਣਗੇ। ਉਹਨਾਂ ਕਿਹਾ ਕਿ ਅਕਾਲੀਆਂ ਨੂੰ ED ਦਾ ਡਰ ਸਤਾ ਰਿਹਾ ਹੈ ਅਤੇ ਉਹ ਨਾਂਅ ਸਿੱਧੂ ਦਾ ਲੈ ਰਹੇ ਹਨ।
I give my word of honor that I’ll leave Politics if @officeofssbadal can prove that I ever had any close door meeting with new DGP Punjab, who illegally detained innocent Sikh boys in 2015, gave clean chits to Badals & is blue eyed boy of Ex DGP Saini, since new govt was formed.
— Navjot Singh Sidhu (@sherryontopp) November 27, 2021
ਘੇਰਾਓ ਕਰਨਾ ਹੈ, ਤਾਂ PM ਦਾ ਕਰੋ- ਸਿੱਧੂ
ਸਿੱਧੂ ਨੇ ਅਕਾਲੀਆਂ ਨੂੰ ਕਿਹਾ ਕਿ ਸੀਐੱਮ ਦਾ ਘੇਰਾਓ ਕਰਨ ਤੋਂ ਪਹਿਲਾਂ ਉਹਨਾਂ ਨੂੰ ਪ੍ਰਧਾਨ ਮੰਤਰੀ ਦਾ ਘੇਰਾਓ ਕਰਨਾ ਚਾਹੀਦਾ ਹੈ। ED ਉਹਨਾਂ ਦੇ ਚਹੇਤਿਆਂ ‘ਤੇ ਰੇਡ ਕਰ ਰਹੀ ਹੈ। ਸੀਐੱਮ ਦਾ ਘੇਰਾਓ ਕਰਨਾ ਸਿਰਫ਼ ਗੱਲਾਂ ਹੀ ਹਨ। ਪੰਜਾਬ ਸਰਕਾਰ ਜੋ ਵੀ ਕਦਮ ਚੁੱਕ ਰਹੀ ਹੈ, ਉਹ ਨਿਯਮਾਂ ਵਿੱਚ ਰਹਿ ਕੇ ਹੀ ਕਰ ਰਹੀ ਹੈ।
ਸੁਖਬੀਰ ਬਾਦਲ ਨੇ ਵੀ ਕੀਤਾ ਪਲਟਵਾਰ
ਸਿੱਧੂ ਦੇ ਚੈਲੇਂਜ ‘ਤੇ ਸੁਖਬੀਰ ਬਾਦਲ ਨੇ ਪਲਟਵਾਰ ਕੀਤਾ। ਉਹਨਾਂ ਨੇ ਸਿੱਧੂ ਦੇ ਇੱਕ ਪੁਰਾਣੇ ਬਿਆਨ ਦਾ ਹਵਾਲਾ ਦੇ ਕਿ ਉਹਨਾਂ ‘ਤੇ ਹਮਲਾ ਬੋਲਿਆ। ਦਰਅਸਲ, ਸਿੱਧੂ ਨੇ 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਪ੍ਰਚਾਰ ਦੌਰਾਨ ਕਿਹਾ ਸੀ ਜੇਕਰ ਰਾਹੁਲ ਗਾਂਧੀ ਅਮੇਠੀ ਤੋਂ ਚੋਣ ਹਾਰ ਗਏ, ਤਾਂ ਉਹ ਸਿਆਸਤ ਛੱਡ ਦੇਣਗੇ। ਰਾਹੁਲ ਚੋਣ ਹਾਰ ਗਏ ਅਤੇ ਸਿੱਧੂ ਆਪਣੇ ਬਿਆਨ ਤੋਂ ਪਿੱਛੇ ਹਟ ਗਏ। ਹੁਣ ਸੁਖਬੀਰ ਨੇ ਇਸੇ ਬਹਾਨੇ ਸਿੱਧੂ ਨੂੰ ਘੇਰਨ ਦੀ ਕੋਸ਼ਿਸ਼ ਕੀਤੀ ਹੈ।
He @sherryontopp is a serial liar. In 2019, @RahulGandhi lost Amethi, did Sidhu quit politics? No.
Does your 'word of honour' hold any value, Mr. Sidhu? https://t.co/GBoWbFMmDb pic.twitter.com/VZAKpzx0EV
— Shiromani Akali Dal (@Akali_Dal_) November 27, 2021
