ਬਿਓਰੋ। ਪੰਜਾਬ ਦੀਆਂ ਵਿਧਾਨ ਸਭਾ ਚੋਣਾਂ ਨੂੰ ਲੈ ਕੇ ਕਾਂਗਰਸ ਦੀ ਕੈਂਪੇਨ ਕਮੇਟੀ ਦੇ ਚੇਅਰਮੈਨ ਬਣਾਏ ਗਏ ਸੁਨੀਲ ਜਾਖੜ ‘ਤੇ ਪਾਰਟੀ ਵਿੱਚ ਸਸਪੈਂਸ ਅਜੇ ਵੀ ਬਰਕਰਾਰ ਹੈ। ਦਰਅਸਲ, ਜਾਖੜ ਨੇ ਚੇਅਰਮੈਨ ਬਣਾਏ ਜਾਣ ਦੇ ਬਾਵਜੂਦ ਅਜੇ ਤੱਕ ਨਾ ਪਾਰਟੀ ਦਾ ਧੰਨਵਾਦ ਕੀਤਾ ਹੈ ਅਤੇ ਨਾ ਹੀ ਇਹ ਸਪੱਸ਼ਟ ਕੀਤਾ ਕਿ ਉਹ ਇਸ ਜਿੰਮੇਵਾਰੀ ਨੂੰ ਸਵੀਕਾਰ ਕਰ ਰਹੇ ਹਨ ਜਾਂ ਨਹੀਂ।
ਹਿੰਦ ਦੀ ਚਾਦਰ ਗੁਰੂ ਤੇਗ ਬਹਾਦਰ ਜੀ ਦੇ ਸ਼ਹੀਦੀ ਦਿਹਾੜੇ ‘ਤੇ ਜਾਖੜ ਨੇ ਟਵੀਟ ਕਰਕੇ ਉਹਨਾਂ ਨੂੰ ਸ਼ਰਧਾਂਜਲੀ ਦਿੱਤੀ, ਪਰ ਨਾਲ ਹੀ ਸਸਪੈਂਸ ਹੋਰ ਵਧਾ ਦਿੱਤਾ। ਉਹਨਾਂ ਨੇ ਨੌਵੀਂ ਪਾਤਸ਼ਾਹੀ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਲਿਖਿਆ, “ਪੰਜਾਬ ‘ਚ ਧਰਮ, ਜਾਤੀ, ਪਹਿਚਾਨ ਦੇ ਅਧਾਰ ‘ਤੇ ਵਿਤਰਾ, ਗੈਰ-ਸਮਾਨਤਾ ਦ ਝੂਠੀ ਭਾਵਨਾ ਪੈਦਾ ਕਰਨ ਵਾਲਿਆਂ ਦੇ ਵਿਰੁੱਧ ਲੜਨਾ ਜਾਰੀ ਰੱਖਣ ਦਾ ਸੰਕਪ ਲੈਂਦਾ ਹਾਂ।”
ਜਉ ਤਉ ਪ੍ਰੇਮ ਖੇਲਣ ਕਾ ਚਾਉ
ਸਿਰੁ ਧਰਿ ਤਲੀ ਗਲੀ ਮੇਰੀ ਆਉMy humble tribute to
"Hind ki Chandar" on his martyrdom day, is to resolve to continue fighting those creating a false sense of discrimination/inequality on basis of religion/caste/identity in Punjab.— Sunil Jakhar (@sunilkjakhar) December 8, 2021
ਜਾਖੜ ਨੂੰ ਸੀਐੱਮ ਨਾ ਬਣਨ ਦਾ ਦਰਦ !
ਮੰਨਿਆ ਜਾ ਰਿਹਾ ਹੈ ਕਿ ਇਸ ਟਵੀਟ ਦੇ ਜ਼ਰੀਏ ਜਾਖੜ ਨੇ ਆਪਣਾ ਦਰਦ ਪਾਰਟੀ ਨੂੰ ਦੱਸ ਦਿੱਤਾ ਹੈ। ਦਰਅਸਲ, ਕੈਪਟਨ ਨੂੰ ਹਟਾਏ ਜਾਣ ਤੋਂ ਬਾਅਦ ਸੀਐੱਮ ਦੀ ਰੇਸ ‘ਚ ਜਾਖੜ ਦਾ ਨਾਂਅ ਸਭ ਤੋਂ ਅੱਗੇ ਸੀ, ਪਰ ਹਿੰਦੂ ਹੋਣ ਦੇ ਚਲਦੇ ਉਹਨਾਂ ਨੂੰ ਮੁੱਖ ਮੰਤਰੀ ਨਹੀ ਬਣਾਇਆ ਗਿਆ ਅਤੇ ਇਸ ਗੱਲ ਲਈ ਪਾਰਟੀ ਹਾਈਕਮਾਂਡ ‘ਤੇ ਅੰਬਿਕਾ ਸੋਨੀ ਨੇ ਦਬਾਅ ਬਣਾਇਆ ਸੀ। ਉਸ ਵੇਲੇ ਵੀ ਜਾਖੜ ਨੇ ਗੁਰੂ ਤੇਗ ਬਹਾਦਰ ਜੀ ਦੀ ਸ਼ਹਾਦਤ ਦੀ ਮਿਸਾਲ ਦਿੱਤੀ ਸੀ।
ਹੁਣ ਜਾਖੜ ਨੇ ਆਪਣੇ ਟਵੀਟ ਤੋਂ ਸਾਫ਼ ਸੰਕੇਤ ਦੇ ਦਿੱਤੇ ਹਨ ਕਿ ਉਹਨਾਂ ਦੀ ਲੜਾਈ ਜਾਰੀ ਰਹੇਗੀ। ਹਾਲਾਂਕਿ, ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਉਹ ਪਾਰਟੀ ਵਿੱਚ ਰਹਿ ਕੇ ਹੀ ਆਪਣਾ ਸੰਘਰਸ਼ ਜਾਰੀ ਰੱਖਣਗੇ ਜਾਂ ਫਿਰ ਕਿਸੇ ਦੂਜੇ ਵਿਕਲਪ ‘ਤੇ ਵਿਚਾਰ ਕਰ ਰਹੇ ਹਨ।
ਜਾਖੜ ਦੀ ਨਰਾਜ਼ਗੀ ਨਾਲ ਪਾਰਟੀ ਨੂੰ ਨੁਕਸਾਨ
ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਦਾ ਰੁਖ ਆਪਣੀ ਪਾਰਟੀ ਲਈ ਚਿੰਤਾ ਦਾ ਵਿਸ਼ਾ ਬਣਿਆ ਹੋਇਆ ਹੈ, ਕਿਉਂਕਿ ਪਾਰਟੀ ਨੇ ਨਾ ਸਿਰਫ਼ ਜਾਖੜ ਨੂੰ ਕੈਂਪੇਨ ਕਮੇਟੀ ਦਾ ਚੇਅਰਮੈਨ ਬਣਾਇਆ ਹੈ, ਬਲਕਿ ਉਹਨਾਂ ਨੂੰ ਸਕ੍ਰੀਨਿੰਗ ਕਮੇਟੀ ਦਾ ਮੈਂਬਰ ਵੀ ਨਿਯੁਕਤ ਕੀਤਾ ਹੈ। ਜਾਖੜ ਦੇ ਕਰੀਬੀ ਸੂਤਰ ਦੱਸਦੇ ਹਨ ਕਿ ਉਹ ਪਾਰਟੀ ਦੇ ਮੰਚ ਤੋਂ ਹੀ ਆਪਣੀ ਲੜਾਈ ਜਾਰੀ ਰੱਖਣਗੇ।
ਕਾਂਗਰਸੀ ਆਗੂ ਵੀ ਜਾਣਦੇ ਹਨ ਕਿ ਜਾਖੜ ਦੀ ਨਰਾਜ਼ਗੀ 2022 ਦੀਆਂ ਚੋਣਾਂ ਵਿੱਚ ਪਾਰਟੀ ‘ਤੇ ਭਾਰੀ ਪੈ ਸਕਦੀ ਹੈ, ਕਿਉਂਕਿ ਹਿੰਦੂ ਵੋਟਰ ਕਾਂਗਰਸ ਤੋਂ ਦੂਰ ਹੋ ਸਕਦਾ ਹੈ। ਪਾਰਟੀ ਦੇ ਕੋਲ ਜਾਖੜ ਦੀ ਟੱਕਰ ਦਾ ਕੋਈ ਹਿੰਦੂ ਚਿਹਰਾ ਵੀ ਨਹੀਂ ਹੈ। ਅਜਿਹੇ ਵਿੱਚ ਜੇਕਰ ਜਾਖੜ ਪਾਰਟੀ ਦੇ ਨਾਲ ਦਿਲੋਂ ਨਹੀਂ ਚੱਲੇ, ਤਾਂ ਕਾਂਗਰਸ ਦੀ ਪਰੇਸ਼ਾਨੀ ਵੱਧ ਸਕਦੀ ਹੈ।