ਬਿਓਰੋ। ਅੱਜ ਇੱਕ ਨਾਂਅ ਜੋ ਹਰ ਦੇਸ਼ਵਾਸੀ ਦੀ ਜੁਬਾਨ ‘ਤੇ ਹੈ, ਉਹ ਹੈ ਮਿਸ ਯੂਨੀਵਰਸ 2021 ਹਰਨਾਜ਼ ਕੌਰ ਸੰਧੂ ਦਾ…ਦੇਸ਼ ਦੇ ਹਰ ਸ਼ਖਸ ਨੂੰ ‘ਨਾਜ਼’ ਮਹਿਸੂਸ ਕਰਾਉਣ ਵਾਲੀ ਇਹ 21 ਸਾਲਾ ਕੁੜੀ ਪੰਜਾਬ ਦੇ ਇੱਕ ਛੋਟੇ ਜਿਹੇ ਪਿੰਡ ਨਾਲ ਸਬੰਧ ਰਖਦੀ ਹੈ। ਇਸ ਪਿੰਡ ਤੋਂ ‘ਕ੍ਰਾਊਨ’ ਤੱਕ ਦਾ ਹਰਨਾਜ਼ ਦਾ ਸਫ਼ਰ ਬੇਸ਼ੱਕ ਅਸਾਨ ਨਹੀਂ ਸੀ, ਪਰ ਪੰਜਾਬ ਦੀ ਇਸ ਧੀ ਨੇ ਇਹ ਸਾਬਿਤ ਕਰ ਦਿੱਤਾ ਕਿ ਸੱਚੀ ਲਗਨ ਨਾਲ ਇਨਸਾਨ ਆਪਣੇ ਮੁਕਾਮ ਤੱਕ ਜ਼ਰੂਰ ਪਹੁੰਚਦਾ ਹੈ।
Congratulations to Harnaaz Sandhu on being crowned as #MissUniverse2021. Once again a daughter of India makes the nation proud.
Best wishes for all your future endeavours beta! pic.twitter.com/RH8CWNKbdT
— Capt.Amarinder Singh (@capt_amarinder) December 13, 2021
1400 ਦੀ ਅਬਾਦੀ ਵਾਲੇ ਪਿੰਡ ਤੋਂ ਹਨ ਹਰਨਾਜ਼
ਗੁਰਦਾਸਪੁਰ ਜਿਲ੍ਹੇ ਦੇ ਜਿਸ ਕੋਹਾਲੀ ਪਿੰਡ ਵਿੱਚ ਹਰਨਾਜ਼ ਕੌਰ ਪੈਦਾ ਹੋਈ, ਉਸ ਦੀ ਅਬਾਜੀ ਮਹਿਜ਼ 1393 ਹੈ। ਇੰਨੇ ਛੋਟੇ ਜਿਹੇ ਪਿੰਡ ਤੋਂ ਨਿਕਲ ਕੇ ਪੂਰੀ ਦੁਨੀਆ ‘ਚ ਨਾਂਅ ਖੱਟਣਾ ਆਪਣੇ ਆਪ ਵਿੱਚ ਇੱਕ ਬਿਹਤਰੀਨ ਅਹਿਸਾਸ ਹੈ, ਜਿਸ ਨੂੰ ਸਿਰਫ਼ ਹਰਨਾਜ਼ ਹੀ ਮਹਿਸੂਸ ਕਰ ਸਕਦੀ ਹੈ।
Women raising the bar in all fields! #HarnaazSandhu has brought back the #MissUniverse crown to India after 2 decades and we couldn't be more proud of her! Many Congratulations 🙏🏻#MissUniverse2021 pic.twitter.com/fFSflaSB6H
— Sunny Deol (@iamsunnydeol) December 13, 2021
2006 ‘ਚ UK ‘ਚ ਸੈਟਲ ਹੋ ਗਿਆ ਸੀ ਪਰਿਵਾਰ
ਦਿਲਚਸਪ ਇਹ ਵੀ ਹੈ ਕਿ ਹਰਨਾਜ਼ ਦਾ ਪਰਿਵਾਰ 2006 ਵਿੱਚ ਸੱਤ ਸਮੰਦਰ ਪਾਰ ਇੰਗਲੈਂਡ ਵਿੱਚ ਸ਼ਿਫਟ ਹੋ ਗਿਆ ਸੀ। ਪਰਿਵਾਰ 2 ਸਾਲ ਉਥੇ ਰਿਹਾ, ਪਰ ਹਾਲਾਤ ਅਜਿਹੇ ਬਣੇ ਕਿ ਉਹਨਾਂ ਨੂੰ ਵਾਪਸ ਪਰਤਣਾ ਪਿਆ। ਜਾਂ ਫਿਰ ਇੰਝ ਕਹਿ ਲਈਏ ਕਿ ਹਰਨਾਜ਼ ਨੇ ‘ਮਿਸ ਯੂਨੀਵਰਸ’ ਬਣਨਾ ਸੀ, ਇਸ ਲਈ ਪਰਿਵਾਰ ਵਾਪਸ ਪਰਤਿਆ। ਇੰਗਲੈਂਡ ਤੋਂ ਵਾਪਸ ਪਰਤ ਕੇ ਹਰਨਾਜ਼ ਕੌਰ ਦਾ ਪਰਿਵਾਰ ਮੋਹਾਲੀ ਨੇੜੇ ਖਰੜ ਵਿਚ ਵੱਸ ਗਿਆ।
ਮਾਡਲਿੰਗ ਚੁਣੀ, ਪਰ ਪੜ੍ਹਾਈ ਤੋਂ ਨਹੀਂ ਬਣਾਈ ਦੂਰੀ
21 ਸਾਲਾ ਹਰਨਾਜ਼ ਕੌਰ ਬੇਸ਼ੱਕ ਪੇਸ਼ੇ ਤੋਂ ਇੱਕ ਮਾਡਲ ਹਨ, ਪਰ ਮਾਡਲਿੰਗ ਅਤੇ ਕਈ ਪੇਜੇਂਟ ‘ਚ ਜਿੱਤ ਹਾਸਲ ਕਰਨ ਤੋਂ ਬਾਅਦ ਉਹਨਾਂ ਨੇ ਪੜ੍ਹਾਈ ਤੋਂ ਕਦੇ ਦੂਰੀ ਨਹੀਂ ਬਣਾਈ। ਜੱਜ ਬਣਨ ਦੀ ਚਾਹ ਰੱਖਣ ਵਾਲੀ ਹਰਨਾਜ਼ ਇਸ ਵਕਤ ਚੰਡੀਗੜ੍ਹ ਵਿੱਚ ਗ੍ਰੇਜੁਏਸ਼ਨ ਦੀ ਪੜ੍ਹਾਈ ਕਰ ਰਹੀ ਹੈ। ਉਹਨਾਂ ਨੇ ਚੰਡੀਗੜ੍ਹ ਦੇ ਸ਼ਿਵਾਲਿਕ ਪਬਲਿਕ ਸਕੂਲ ਤੋਂ ਆਪਣੀ ਸ਼ੁਰੂਆਤੀ ਪੜ੍ਹਾਈ ਕੀਤੀ ਹੈ।
ਘੁੜਸਵਾਰੀ ਤੇ ਘੁੰਮਣ ਦੀ ਸ਼ੌਕੀਨ ਹੈ ਹਰਨਾਜ਼
ਹਰਨਾਜ਼ ਦਾ ਪੂਰਾ ਪਰਿਵਾਰ ਖੇਤੀਬਾੜੀ ਅਤੇ ਬਿਊਰੋਕ੍ਰੇਸੀ ਨਾਲ ਸਬੰਧਤ ਰਿਹਾ ਹੈ, ਪਰ ਇਸ ਤੋਂ ਵੱਖ ਹਰਨਾਜ਼ ਨੂੰ ਐਕਟਿੰਗ ਤੇ ਡਾਂਸਿੰਗ ਤੋਂ ਇਲਾਵਾ ਘੁੜਸਵਾਰੀ, ਤੈਰਾਕੀ ਅਤੇ ਘੁੰਮਣ ਦਾ ਖਾਸ ਸ਼ੌਂਕ ਹੈ। ਖਾਲੀ ਸਮੇਂ ਦੌਰਾਨ ਹਰਨਾਜ਼ ਆਪਣੇ ਇਹ ਸ਼ੌਂਕ ਪੂਰਾ ਕਰਦੇ ਹਨ। ਭਵਿੱਖ ‘ਚ ਮੌਕਾ ਮਿਲਣ ‘ਤੇ ਉਹ ਫਿਲਮਾਂ ‘ਚ ਵੀ ਕੰਮ ਕਰਨਾ ਚਾਹੁੰਦੇ ਹਨ।
2 ਫਿਲਮਾਂ ‘ਚ ਕੰਮ ਕਰ ਚੁੱਕੀ ਹੈ ਹਰਨਾਜ਼
ਪੜ੍ਹਾਈ ਤੇ ਪੇਜੇਂਟ ਦੇ ਨਾਲ-ਨਾਲ ਹਰਨਾਜ਼ ਕੌਰ 2 ਪੰਜਾਬੀ ਫਿਲਮਾਂ ਵਿੱਚ ਵੀ ਨਜ਼ਰ ਆ ਚੁੱਕੇ ਹਨ। ਉਹਨਾਂ ਨੇ ‘ਯਾਰਾ ਦੀਆਂ ਪੋ ਬਾਰਾਂ’ ਅਤੇ ‘ਬਾਈ ਜੀ ਕੁੱਟਾਂਗੇ’ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕੀਤਾ ਹੈ।
ਹੁਣ ਭਰਾ ਦੇ ਨਾਲ ਗਾਣਾ ਲਾਂਚ ਕਰਨ ਦੀ ਯੋਜਨਾ
ਹਰਨਾਜ਼ ਦਾ ਭਰਾ ਹਰਨੂਰ ਮਿਊਜਿਕ ਕੰਪੋਜ਼ਰ ਹੈ। ਮਿਸ ਯੂਨੀਵਰਸ ਦਾ ਖਿਤਾਬ ਮਿਲਦੇ ਹੀ ਭਰਾ ਆਪਣੀ ਭੈਣ ਲਈ ਨਵਾਂ ਗਾਣਾ ਤਿਆਰ ਕਰ ਰਿਹਾ ਹੈ। ਹਰਨਾਜ਼ ਨੂੰ ਖੁਦ ਵੀ ਸੰਗੀਤ ਦਾ ਸ਼ੌਂਕ ਹੈ। ਇਸ ਲਈ ਦੋਵੇਂ ਭੈਣ-ਭਰਾ ਗਾਣਾ ਲਾਂਚ ਕਰਨ ਦੀ ਤਿਆਰੀ ਵਿੱਚ ਹਨ। ਜਿਵੇਂ ਹੀ ਹਰਨਾਜ਼ ਵਾਪਸ ਆਏਗੀ, ਗਾਣੇ ਦੀ ਰਿਕਾਰਡਿੰਗ ਸ਼ੁਰੂ ਹੋ ਜਾਵੇਗੀ।
ਇਹ ਖਿਤਾਬ ਵੀ ਕੀਤੇ ਆਪਣੇ ਨਾਂਅ
ਮਿਸ ਯੂਨੀਵਰਸ ਬਣਨ ਤੋਂ ਪਹਿਲਾਂ ਹਰਨਾਜ਼ ਕੌਰ ਕਈ ਖਿਤਾਬ ਆਪਣੇ ਨਾਂਅ ਕਰ ਚੁੱਕੀ ਹੈ।
- 2017- ਟਾਈਮਜ਼ ਫ੍ਰੈਸ਼ ਫੇਸ ਮਿਸ ਚੰਡੀਗੜ੍ਹ
- 2018- ਮਿਸ ਮੈਕਸ ਇਮਰਜਿੰਗ ਸਟਾਰ
- 2019- ਫੇਮਿਨਾ ਮਿਸ ਇੰਡੀਆ ਪੰਜਾਬ
- 2021- ਮਿਸ ਦੀਵਾ ਯੂਨੀਵਰਸ ਇੰਡੀਆ
ਇਹਨਾਂ ਤੋਂ ਇਲਾਵਾ ਹਾਲ ਹੀ ਵਿੱਚ ਕਾਲਜ ਦੇ ਸਲਾਨਾ ਇਨਾਮ ਵੰਡ ਸਮਾਰੋਹ ਵਿੱਚ ਹਰਨਾਜ਼ ਨੂੰ ‘ਦੀਵਾ ਆਫ ਕਾਲਜ’ ਐਵਾਰਡ ਨਾਲ ਵੀ ਸਨਮਾਨਿਤ ਕੀਤਾ ਗਿਆ।
ਜਿੱਤ ‘ਚ ਮੈਡੀਟੇਸ਼ਨ ਦਾ ਅਹਿਮ ਰੋਲ
ਹਰਨਾਜ਼ ਕੌਰ ਸੰਧੂ ਮੁਤਾਬਕ, ਉਹ ਯੋਗਾ ਅਤੇ ਮੈਡੀਟੇਸ਼ਨ ਕਾਫੀ ਕਰਦੇ ਹਨ। ਉਹਨਾਂ ਦੇ ‘ਮਿਸ ਯੂਨੀਵਰਸ’ ਬਣਨ ਵਿੱਚ ਵੀ ਇਹਨਾਂ ਦੋਵਾਂ ਦਾ ਅਹਿਮ ਰੋਲ ਹੈ। ਹਰਨਾਜ਼ ਦਾ ਕਹਿਣਾ ਹੈ ਕਿ ਮੈਂਟਲ ਹੈਲਥ ਦਾ ਧਿਆਨ ਰੱਖ ਕੇ ਹੀ ਉਹ ਇਸ ਮੁਕਾਮ ਤੱਕ ਪਹੁੰਚ ਸਕੀ।
Foodie ਹੈ ਹਰਨਾਜ਼, ਪਰ ਫਿਟਨੈੱਸ ਦਾ ਵੀ ਖਿਆਲ
17 ਸਾਲਾਂ ਦੀ ਉਮਰ ਤੱਕ ਹਰਨਾਜ਼ ਕਾਫੀ ਇੰਟ੍ਰੋਵਰਟ ਹੁੰਦੀ ਸੀ। ਸਕੂਲ ਵਿੱਚ ਉਹਨਾਂ ਦੇ ਦੁਬਲੇਪਨ ਦਾ ਮਜਾਕ ਵੀ ਉਡਾਇਆ ਜਾਂਦਾ ਸੀ। ਇਸਦੇ ਚਲਦੇ ਕੁਝ ਸਮੇਂ ਲਈ ਉਹ ਡਿਪ੍ਰੈਸ਼ਨ ‘ਚ ਵੀ ਰਹੀ, ਪਰ ਪਰਿਵਾਰ ਨੇ ਉਹਨਾਂ ਨੂੰ ਪੂਰਾ ਸੁਪੋਰਟ ਕੀਤਾ।
ਇੱਕ ਇੰਟਰਵਿਊ ਵਿੱਚ ਹਰਨਾਜ਼ ਨੇ ਦੱਸਿਆ ਕਿ ਉਹ ਆਪਣੀ ਪਸੰਦ ਦੀ ਹਰ ਚੀਜ਼ ਖਾਂਦੇ ਹਨ, ਪਰ ਇਸ ਸਭ ਦੇ ਬਾਵਜੂਦ ਵਰਕਆਊਟ ਕਰਨਾ ਨਹੀਂ ਭੁੱਲਦੇ। ਉਹਨਾਂ ਦਾ ਕਹਿਣਾ ਹੈ ਕਿ ਇਨਸਾਨ ਨੂੰ ਆਪਣੇ ਮਨ ਮੁਤਾਬਕ ਖਾਣਾ ਚਾਹੀਦਾ ਹੈ, ਪਰ ਫਿਟਨੈੱਸ ਲਈ ਵਰਕਆਊਟ ਕਰਨਾ ਵੀ ਨਹੀਂ ਛੱਡਣਾ ਚਾਹੀਦਾ।
ਲਾਰਾ ਨੇ ਖਿਤਾਬ ਜਿੱਤਿਆ, ਤਾਂ 50 ਦਿਨਾਂ ਦੀ ਸੀ ਹਰਨਾਜ਼
ਦਿਲਚਸਪ ਹੈ ਕਿ ਜਦੋਂ ਇਸ ਤੋਂ ਪਹਿਲਾਂ ਸਾਲ 2000 ਵਿੱਚ ਭਾਰਤ ਨੇ ’ਮਿਸ ਯੂਨੀਵਰਸ’ ਦਾ ਖਿਤਾਬ ਆਪਣੇ ਨਾਂਅ ਕੀਤਾ ਸੀ, ਉਸ ਵਕਤ ਹਰਨਾਜ਼ ਦੀ ਉਮਰ ਮਹਿਜ਼ 50 ਦਿਨ ਸੀ। ਉਸ ਵਕਤ ਲਾਰਾ ਦੱਤਾ ਨੇ ਭਾਰਤ ਨੂੰ ਇਹ ਮਾਣ ਹਾਸਲ ਕਰਵਾਇਆ ਸੀ। ਹੁਣ 21 ਸਾਲਾਂ ਬਾਅਦ, 21 ਸਾਲਾ ਹਰਨਾਜ਼ ਸੰਧੂ ਨੇ ਮੁੜ ਤੋਂ ਭਾਰਤ ਨੂੰ ਇਹ ਮਾਣ ਦਵਾਇਆ ਹੈ।
Congratulations @HarnaazSandhu03 !!!! Welcome to the club!!! We’ve waited 21 long years for this!!! You make us SO SO proud!!! A billion dreams come true!!! @MissDivaOrg @MissUniverse
— Lara Dutta Bhupathi (@LaraDutta) December 13, 2021
