ਬਿਓਰੋ। ਚੰਡੀਗੜ੍ਹ ਨੇੜੇ ਖਰੜ ਦੀ ਰਹਿਣ ਵਾਲੀ ਪੰਜਾਬ ਦੀ ਧੀ ਹਰਨਾਜ਼ ਕੌਰ ਨੇ ਪੂਰੇ ਦੇਸ਼ ਨੂੰ ‘ਨਾਜ਼’ ਮਹਿਸੂਸ ਕਰਵਾਇਆ ਹੈ। 21 ਸਾਲਾ ਹਰਨਾਜ਼ ਸੰਧੂ ਨੇ ‘ਮਿਸ ਯੂਨੀਵਰਸ 2021’ ਦਾ ਤਾਜ ਆਪਣੇ ਨਾਂਅ ਕਰਦਿਆਂ 21 ਸਾਲ ਬਾਅਦ ਭਾਰਤ ਨੂੰ ਇਹ ਖੁਸ਼ੀ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਸਾਲ 2000 ਵਿੱਚ ਲਾਰਾ ਦੱਤਾ ਨੇ ਭਾਰਤ ਨੂੰ ਇਹ ਖਿਤਾਬ ਦਵਾਇਆ ਸੀ। ਉਦੋਂ ਤੋਂ ਹੀ ਭਾਰਤ ਇਸ ਖਿਤਾਬ ਦਾ ਬੇਸਬਰੀ ਨਾਲ ਇੰਤਜਾਰ ਕਰ ਰਿਹਾ ਸੀ ਅਤੇ ਅਖੀਰ ਇਹ ਸੋਕਾ ਖਤਮ ਹੋ ਗਿਆ।
The new Miss Universe is…India!!!! #MISSUNIVERSE pic.twitter.com/DTiOKzTHl4
— Miss Universe (@MissUniverse) December 13, 2021
ਜਿੱਤ ਤੋਂ ਬਾਅਦ ਹਰਨਾਜ਼ ਕੌਰ ਸੰਧੂ ਨੇ ਭਾਰਤ ਦੇ ਨਾਂਅ ਇੱਕ ਮੈਸੇਜ ਵਿੱਚ ਕਿਹਾ, “ਚੱਕ ਦੇ ਫੱਟੇ”…ਹਰਨਾਜ਼ ਦੇ ਚਿਹਰੇ ‘ਤੇ ਖਿਤਾਬ ਜਿੱਤਣ ਦੀ ਖੁਸ਼ੀ ਸਾਫ਼ ਝਲਕ ਰਹੀ ਸੀ।
WHO ARE YOU? #MISSUNIVERSE pic.twitter.com/YUy7x9iTN8
— Miss Universe (@MissUniverse) December 13, 2021
70ਵਾਂ ਮਿਸ ਯੂਨੀਵਰਸ ਪੇਜੇਂਟ 12 ਦਸੰਬਰ ਨੂੰ ਇਜ਼ਰਾਇਲ ਵਿਖੇ ਹੋਇਆ, ਜਿਸ ਵਿੱਚ ਹਰਨਾਜ਼ ਨੇ 79 ਦੇਸ਼ਾਂ ਦੀਆਂ ਪ੍ਰਤੀਭਾਗੀਆਂ ਨੂੰ ਪਿੱਛੇ ਛੱਡਦੇ ਗੋਏ ਮਿਸ ਯੂਨੀਵਰਸ ਦਾ ਤਾਜ ਆਪਣੇ ਸਿਰ ‘ਤੇ ਸਜਾਇਆ। ਮਿਸ ਯੂਨੀਵਰਸ ਦੀ ਰਨਰ ਅੱਪ ਮਿਸ ਪਰਾਗਵੇ ਨਾਡੀਆ ਫੇਰੇਰਾ ਅਤੇ ਸੈਕੰਡ ਰਨਰ ਅੱਪ ਮਿਸ ਸਾਊਥ ਅਫਰੀਕਾ ਲਾਲੇਲਾ ਮਸਵਾਨੇ ਰਹੇ।
ਉਰਵਸ਼ੀ ਰੌਤੇਲਾ ਰਹੀ ਜਜਮੈਂਟ ਦਾ ਹਿੱਸਾ
ਇਸ ਇਵੈਂਟ ਦੀ ਖਾਸ ਗੱਲ ਇਹ ਵੀ ਰਹੀ ਕਿ ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੌਤੇਲਾ ਨੂੰ ਮਿਸ ਯੂਨੀਵਰਸ ਕਾਂਟੈਸਟ ਜੱਜ ਕਰਨ ਦਾ ਮੌਕਾ ਮਿਲਿਆ। ਉਹ ਭਾਰਤ ਵੱਲੋਂ ਜਿਊਰੀ ਟੀਮ ਦਾ ਹਿੱਸਾ ਰਹੇ।
@urvashirautela @MissUniverse 2021 Judge 🙏🏻
Namaste everyone☆
☆
☆
☆
☆#love #UrvashiRautela #MissUniverse2021 #2021 pic.twitter.com/OXXF4KWsss
— URVASHI RAUTELA🇮🇳 (@UrvashiRautela) December 11, 2021
ਉਰਵਸ਼ੀ ਨੇ ਇੱਕ ਵੀਡੀਓ ਵੀ ਸ਼ੇਅਰ ਕੀਤੀ ਹੈ, ਜੋ ਉਸ ਵੇਲੇ ਦੀ ਹੈ ਦੋਂ ਹਰਨਾਜ਼ ਸੰਧੂ ਨੂੰ ਮਿਸ ਯੂਨੀਵਰਸ 2021 ਦਾ ਤਾਜ ਪਹਿਨਾਇਆ ਜਾ ਰਿਹਾ ਸੀ। ਇਸ ਖੁਸ਼ੀ ਦੇ ਮੌਕੇ ਉਰਵਸ਼ੀ ਬੇਹੱਦ ਇਮੋਸ਼ਨਲ ਨਜ਼ਰ ਆਈ। ਹਰਨਾਜ਼ ਸੰਧੂ ਦਾ ਨਾਂਅ ਅਨਾਊਂਸ ਹੁੰਦੇ ਹੀ ਉਰਵਸ਼ੀ ਕੁਰਸੀ ਤੋਂ ਖੜ੍ਹੀ ਹੋਈ ਅਤੇ ਉਹਨਾਂ ਦੀਆਂ ਅੱਖਾਂ ‘ਚੋਂ ਹੰਝੂ ਆਉਣ ਲੱਗੇ। ਉਰਵਸ਼ੀ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਹੀ ਹੈ।
ਉਰਵਸ਼ੀ ਨੇ ਇੱਕ ਤਸਵੀਰ ਵੀ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਹੱਥ ਵਿੱਚ ਤਿਰੰਗਾ ਫੜ ਕੇ ਹਰਨਾਜ਼ ਕੌਰ ਸੰਧੂ ਦੇ ਨਾਲ ਨਜ਼ਰ ਆ ਰਹੀ ਹੈ।
ਜਿਕਰੇਖਾਸ ਹੈ ਕਿ ਹਰਨਾਜ਼ ਸੰਧੂ ਨੇ ਹਾਲ ਹੀ ਵਿੱਚ ‘ਮਿਸ ਦੀਵਾ ਮਿਸ ਯੂਨੀਵਰਸ ਇੰਡੀਆ 2021’ ਦਾ ਖਿਤਾਬ ਆਪਣੇ ਨਾਂਅ ਕੀਤਾ ਸੀ। ਇਸਦੇ ਬਾਅਦ ਤੋਂ ਹੀ ਉਹਨਾਂ ਨੇ ਮਿਸ ਯੂਨੀਵਰਸ 2021 ਦਾ ਤਾਜ ਜਿੱਤਣ ਲਈ ਜੀ-ਤੋੜ ਮਿਹਨਤ ਸ਼ੁਰੂ ਕਰ ਦਿੱਤੀ ਸੀ।
