ਪਟਿਆਲਾ। ਕਾਂਗਰਸ ਛੱਡਣ ਤੋਂ ਬਾਅਦ ਆਪਣੀ ਵੱਖਰੀ ਪਾਰਟੀ ਬਣਾ ਕੇ ਨਵੀਂ ਸਿਆਸੀ ਇਨਿੰਗ ਸ਼ੁਰੂ ਕਰਨ ਵਾਲੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਹੁਣ ਮੈਦਾਨ ਵਿੱਚ ਉਤਰ ਆਏ ਹਨ। ਮੰਗਲਵਾਰ ਨੂੰ ਉਨ੍ਹਾਂ ਨੇ ਆਪਣੀ ਪੰਜਾਬ ਲੋਕ ਕਾਂਗਰਸ ਪਾਰਟੀ ਦਾ ਪਹਿਲਾ ਰੋਡ ਸ਼ੋਅ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਇੱਕ ਪਬਲਿਕ ਰੈਲੀ ਨੂੰ ਵੀ ਸੰਬੋਧਿਤ ਕੀਤਾ ਅਤੇ ਕਰੜੇ ਤੇਵਰ ਦਿਖਾਏ।
Thankyou Rajpura for the overwhelming welcome!
Happy to induct Jagdish Kumar Jagga in the Punjab Lok Congress today. pic.twitter.com/IoI30fpdBV
— Capt.Amarinder Singh (@capt_amarinder) December 21, 2021
ਕੈਪਟਨ ਨੇ ਕਿਹਾ ਕਿ ਉਹ 2 ਵਾਰ ਮੁੱਖ ਮੰਤਰੀ ਰਹੇ, ਪਰ ਕੁਝ ਲੋਕ ਪਹਿਲੀ ਵਾਰ ਸੀਐੱਮ ਅਤੇ ਪਾਰਟੀ ਪ੍ਰਧਾਨ ਬਣਨ ‘ਤੇ ਹੀ ਖੁਦ ਨੂੰ ਖੁਦਾ ਸਮਝਣ ਲੱਗੇ ਹਨ। ਕੈਪਟਨ ਨੇ ਕਾਂਗਰਸੀ ਆਗੂਆਂ ‘ਤੇ ਧੱਕੇਸ਼ਾਹੀ ਦਾ ਵੀ ਇਲਜ਼ਾਮ ਲਗਾਇਆ। ਉਨ੍ਹਾਂ ਕਿਹਾ, “ਚੰਨੀ ਸਰਕਾਰ ਮਹਿਜ਼ 10 ਦਿਨਾਂ ਦੀ ਮਹਿਮਾਨ ਹੈ। ਹਕੂਮਤ ਕੀ ਹੁੰਦੀ ਹੈ, ਮੈਂ ਉਨ੍ਹਾਂ ਨੂੰ ਦੱਸਾਂਗਾ।” ਕੈਪਟਨ ਨੇ ਕਿਹਾ ਕਿ ਉਨ੍ਹਾਂ ਦੇ ਕਰੀਬੀਆਂ ਨੂੰ ਤੰਗ ਕਰਨ ਵਾਲੇ ਇੱਕ-ਇੱਕ ਆਦਮੀ ਦਾ ਹਿਸਾਬ ਲਿਆ ਜਾਵੇਗਾ।
— Capt.Amarinder Singh (@capt_amarinder) December 21, 2021
ਰੰਧਾਵਾ ‘ਤੇ ਖੂਬ ਵਰ੍ਹੇ ਕੈਪਟਨ
ਕੈਪਟਨ ਨੇ ਡਿਪਟੀ ਸੀਐੱਮ ਸੁਖਜਿੰਦਰ ਸਿੰਘ ਰੰਧਾਵਾ ‘ਤੇ ਜੰਮ ਕੇ ਹਮਲੇ ਕੀਤੇ। ਕੈਪਟਨ ਨੇ ਕਿਹਾ ਕਿ 600 ਕਿੱਲੋਮੀਟਰ ਬਾਰਡਰ ਪੰਜਾਬ ਨਾਲ ਲੱਗਦਾ ਹੈ। ਸਰਹੱਦ ਪਾਰ ਤੋਂ ਡਰੋਨ ਦੇ ਜ਼ਰੀਏ ਵੱਡੀ ਮਾਤਰਾ ਵਿੱਚ ਹਥਿਆਰ ਅਤੇ ਨਸ਼ਾ ਆ ਰਿਹਾ ਹੈ। ਰੰਧਾਵਾ ਨੂੰ ਇਹ ਡਰੋਨ ਨਜ਼ਰ ਨਹੀਂ ਆਉਂਦੇ। ਅਸਲ ਵਿੱਚ ਡਰੋਨ ਬਰਾਮਦਗੀ ਦੀ ਸੱਚਾਈ ਉਹ ਲੋਕਾਂ ਤੋਂ ਲੁਕਾ ਰਹੇ ਹਨ, ਜੋ ਪੰਜਾਬ ਅਤੇ ਦੇਸ਼ ਦੀ ਸੁਰੱਖਿਆ ਲਈ ਵੱਡਾ ਖਤਰਾ ਹੈ।
ਬੇਅਦਬੀ ਗਲਤ, ਪਰ ਲਿੰਚਿੰਗ ਵੀ ਗੈਰ-ਕਾਨੂੰਨੀ- ਕੈਪਟਨ
ਕੈਪਟਨ ਅਮਰਿੰਦਰ ਸਿੰਘ ਨੇ ਦਰਬਾਰ ਸਾਹਿਬ ਅਤੇ ਕਪੂਰਥਲਾ ਦੇ ਨਿਜ਼ਾਮਪੁਰ ਮੋੜ ਗੁਰਦੁਆਰੇ ਵਿੱਚ ਹੋਈ ਬੇਅਦਬੀ ਗਲਤ ਕਰਾਰ ਦਿੱਤਾ। ਹਾਲਾਂਕਿ ਉਨ੍ਹਾਂ ਨੇ ਭੀੜ ਵੱਲੋਂ ਮੁਲਜ਼ਮਾਂ ਦੀ ਮੌਤ ਨੂੰ ਵੀ ਗੈਰ-ਕਾਨੂੰਨੀ ਦੱਸਿਆ। ਉਨ੍ਹਾਂ ਕਿਹਾ ਕਿ ਦੇਸ਼ ਕਾਨੂੰਨ ਦੇ ਹਿਸਾਬ ਨਾਲ ਚੱਲਦਾ ਹੈ।
