ਬਿਓਰੋ। 2022 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਵੀ ਨਸ਼ੇ ਦਾ ਮੁੱਦਾ ਵੱਡਾ ਸਿਆਸੀ ਮੁੱਦਾ ਬਣਨ ਵਾਲਾ ਹੈ। ਮਜੀਠੀਆ ਖਿਲਾਫ਼ ਸਰਕਾਰ ਦੇ ਐਕਸ਼ਨ ਤੋਂ ਇਸਦੇ ਸੰਕੇਤ ਸਾਫ਼ ਹਨ। ਅਕਾਲੀ ਆਗੂਆਂ ਖਿਲਾਫ FIR ਦਰਜ ਕਰਨ ਤੋਂ ਬਾਅਦ ਸੀਐੱਮ ਚਰਨਜੀਤ ਸਿੰਘ ਚੰਨੀ ਦਾ ਬਿਆਨ ਵੀ ਇਸੇ ਵੱਲ ਇਸ਼ਾਰਾ ਕਰ ਰਿਹਾ ਹੈ।
ਲੜਾਈ ਲੰਮੀ ਹੈ, ਲੋਕਾਂ ਦਾ ਸਾਥ ਚਾਹੀਦਾ ਹੈ- CM
ਸੀਐਮ ਨੇ ਟਵੀਟ ਕਰਕੇ ਲਿਖਿਆ, “ਜਿਨ੍ਹਾਂ ਮਾਵਾਂ ਦੇ ਪੁੱਤਰ ਨਸ਼ੇ ਦੀ ਭੇਟ ਚੜ੍ਹ ਗਏ..ਜਿਨ੍ਹਾਂ ਨੌਜਵਾਨਾਂ ਦੀਆਂ ਨਸ਼ਿਆਂ ਨਾਲ ਜ਼ਿੰਦਗੀਆਂ ਗਲ ਗਈਆਂ..ਜਿਹੜੇ ਪਰਿਵਾਰ ਨਸ਼ਿਆਂ ਨਾਲ ਬਰਬਾਦ ਹੋ ਗਏ.. ਗੁਰੂਆਂ, ਪੀਰਾਂ, ਫਕੀਰਾਂ ਦੀ ਧਰਤੀ ਪੰਜਾਬ ਜਿਸ ਵਿੱਚ ਨਸ਼ੇ ਫੈਲਾਏ ਗਏ.. ਅੱਜ ਉਹਨਾਂ ਮਾਵਾਂ, ਨੌਜਵਾਨਾਂ, ਪਰਿਵਾਰਾਂ ਅਤੇ ਪੰਜਾਬ ਨੂੰ ਬਰਬਾਦੀ ਦੀ ਰਾਹ ‘ਤੇ ਤੋਰਨ ਵਾਲਿਆਂ ਦੇ ਖਿਲਾਫ਼ ਕਾਨੂੰਨੀ ਕਾਰਵਾਈ ਦੀ ਸ਼ੁਰੂਆਤ ਹੋਈ ਹੈ।” ਉਹਨਾਂ ਕਿਹਾ ਕਿ ਪੰਜਾਬ ਸਰਕਾਰ ਨਸ਼ੇ ਫੈਲਾਉਣ ਵਾਲੇ ਨਸ਼ਿਆਂ ਦੇ ਸੌਦਾਗਰਾਂ ਖਿਲਾਫ਼ ਕਾਨੂੰਨੀ ਕਾਰਵਾਈ ਕਰਨ ਅਤੇ ਪੰਜਾਬੀਆਂ ਨੂੰ ਇਨਸਾਫ਼ ਦਿਵਾਉਣ ਲਈ ਵਚਨਬੱਧ ਹੈ। ਸੀਐੱਮ ਨੇ ਕਿਹਾ, “ਇਹ ਬਹੁਤ ਵੱਡੀ ਲੜਾਈ ਹੈ ਅਤੇ ਮੈਂ ਇਸ ਵਿੱਚ ਸਮੂਹ ਪੰਜਾਬੀਆਂ ਨੂੰ ਸਾਥ ਦੇਣ ਲਈ ਅਪੀਲ ਕਰਦਾ ਹਾਂ।”
ਸਤਿਕਾਰਯੋਗ ਪੰਜਾਬੀਓ, ਮੈਂ ਆਪ ਸਾਰਿਆਂ ਨੂੰ ਬੇਨਤੀ ਕਰਨਾ ਚਾਹੁੰਦਾ ਹਾਂ ਕਿ pic.twitter.com/h43ObJoQNf
— Charanjit S Channi (@CHARANJITCHANNI) December 21, 2021
ਮਜੀਠੀਆ ‘ਤੇ ਦਰਜ ਪਰਚਾ ਗੈਰ-ਕਾਨੂੰਨੀ- ਕੈਪਟਨ
ਸੂਬੇ ਦੇ ਸਾਬਕਾ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਨੂੰ ਚੰਨੀ ਸਰਕਾਰ ਦੀ ਇਹ ਕਾਰਵਾਈ ਮਹਿਜ਼ ਸਿਆਸੀ ਸਟੰਟ ਲੱਗ ਰਿਹਾ ਹੈ। ਕੈਪਟਨ ਨੇ ਮਜੀਠੀਆ ‘ਤੇ ਦਰਜ਼ ਪਰਚੇ ਨੂੰ ਗ਼ੈਰ-ਕਾਨੂੰਨੀ ਕਰਾਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਇਸ ਕੇਸ ਨਾਲ ਜੁੜੀ ਹਰ ਚੀਜ਼ ਦਾ ਮੈਨੂੰ ਪਤਾ ਹੈ। ਇਸ ਵਿਚ ਕੋਈ ਸਬੂਤ ਨਹੀਂ ਹੈ। ਕਾਂਗਰਸ ਸਰਕਾਰ ਸਿਰਫ ਦੁਸ਼ਮਣੀ ਕੱਢ ਰਹੀ ਹੈ। ਇਸ ਦੇਸ਼ ਵਿੱਚ ਕਾਨੂੰਨ ਹੈ ਅਤੇ ਉਸੇ ਦੇ ਅਧਾਰ ‘ਤੇ ਕੰਮ ਹੋਣਾ ਚਾਹੀਦਾ ਹੈ। ਕੈਪਟਨ ਨੇ ਕਿਹਾ ਕਿ ਜੇਕਰ ਮਜੀਠੀਆ ਨੂੰ ਉਹ ਫੜ ਵੀ ਲੈਂਦੇ ਹਨ, ਤਾਂ ਅਗਲੇ ਹੀ ਦਿਨ ਉਨ੍ਹਾਂ ਦੀ ਜ਼ਮਾਨਤ ਹੋ ਜਾਵੇਗੀ।
— Capt.Amarinder Singh (@capt_amarinder) December 21, 2021
‘ਆਪ’ ਨੇ ਕਾਂਗਰਸ-ਅਕਾਲੀ ਦਲ ‘ਤੇ ਚੁੱਕੇ ਸਵਾਲ
ਓਧਰ ਆਮ ਆਦਮੀ ਪਾਰਟੀ ਇਸ FIR ਦੇ ਬਹਾਨੇ ਕਾਂਗਰਸ ਤੇ ਅਕਾਲੀ ਦਲ ਦੋਵਾਂ ‘ਤੇ ਹਮਲਾਵਰ ਹੈ। ‘ਆਪ’ ਮੁਤਾਬਕ, ਇਹ ਸਿਰਫ਼ ਚੋਣਾਂ ਵਿੱਚ ਆਮ ਜਨਤਾ ਨੂੰ ਲੁਭਾਉਣ ਅਤੇ ਹੋਰਨਾਂ ਮੁੱਦਿਆਂ ਤੋਂ ਧਿਆਨ ਭਟਕਾਉਣ ਲਈ ਕੀਤਾ ਇੱਕ ਚੁਣਾਵੀ ਸਟੰਟ ਹੈ।
ਵੋਟਾਂ ਨੇੜੇ ਆਉਂਦੀਆਂ ਦੇਖ ਮਹਿਜ਼ ਇੱਕ ਹਫ਼ਤੇ ਦੀ ਰਹਿ ਗਈ ਚੰਨੀ ਸਰਕਾਰ ਨੇ ਬਾਦਲਾਂ ਨਾਲ ਮਿਲ਼ ਕੇ ਮਜੀਠੀਆ ਨੂੰ ਬਚਾਉਣ ਲਈ ਉਸ 'ਤੇ ਦਰਜ ਕੀਤਾ ਕੇਸ, ਪੰਜਾਬ ਦੇ ਲੋਕਾਂ ਨਾਲ ਕਾਂਗਰਸ ਨੇ ਸ਼ਰੇਆਮ ਕਰ ਰਹੀ ਧੋਖਾ – @raghav_chadha pic.twitter.com/rQwVM9tQDn
— AAP Punjab (@AAPPunjab) December 21, 2021
