ਜਲੰਧਰ। ਵੀਰਵਾਰ ਨੂੰ ਜਲੰਧਰ ‘ਚ ਲੁਟੇਰਿਆੰ ਨੇ ਵੱਡੀ ਅਪਰਾਧਿਕ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਸੋਢਲ ਰੋਡ ਸਥਿਤ ਇੰਸਟ੍ਰੀਅਲ ਏਰੀਆ ਵਿੱਚ Uco Bank ਤੋੰ ਦਿਨ-ਦਿਹਾੜੇ ਲੱਖਾੰ ਰੁਪਏ ਲੁੱਟ ਲਏ ਗਏ। ਇਥੇ ਦੁਪਹਿਰ ਬਾਅਦ 3 ਨੌਜਵਾਨ ਹਥਿਆਰ ਲੈ ਕੇ ਬੈੰਕ ਵਿੱਚ ਦਾਖਲ ਹੋਏ ਅਤੇ ਮੁਲਾਜ਼ਮਾੰ ਤੇ ਬੈੰਕ ‘ਚ ਮੌਜੂਦ ਲੋਕਾੰ ਨੂੰ ਬੰਧਕ ਬਣ ਕੇ ਲੱਖਾੰ ਰੁਪਏ ਲੁੱਟ ਕੇ ਫਰਾਰ ਹੋ ਗਏ।
ਗਾਹਕਾੰ ਨੂੰ ਵੀ ਬਣਾਇਆ ਨਿਸ਼ਾਨਾ
ਬੈੰਕ ਮੁਲਾਜ਼ਮਾੰ ਦੇ ਮੁਤਾਬਕ, 3 ਵਿੱਚੋੰ 2 ਲੁਟੇਰਿਆੰ ਦੇ ਕੋਲ ਪਿਸਤੌਲ ਸਨ। ਉਹ ਬ੍ਰਾੰਚ ਵਿੱਚ ਰੱਖੇ 13 ਲੱਖ ਰੁਪਏ ਕੈਸ਼ ਤੋੰ ਇਲਾਵਾ ਉਥੇ ਆਏ ਲੋਕਾੰ ਦੇ ਸੋਨਾ-ਚਾੰਦੀ ਦੇ ਗਹਿਣੇ ਵੀ ਉਤਰਵਾ ਕੇ ਲੈ ਗਏ। ਬੈੰਕ ਸਟਾਫ ਨੇ ਦੱਸਿਆ ਕਿ ਇੱਕ ਲੁਟੇਰੇ ਨੇ ਪਿਸਤੌਲ ਦੀ ਨੋਕ ‘ਤੇ ਲੋਕਾੰ ਨੂੰ ਗਹਿਣੇ ਉਤਾਰਨ ਲਈ ਕਿਹਾ। ਸਾਰੇ ਲੁਟੇਰਿਆੰ ਨੇ ਆਪਣੀ ਪਛਾਣ ਲੁਕਾਉਣ ਲਈ ਮੂੰਹ ‘ਤੇ ਮਾਸਕ ਲਾਏ ਹੋਏ ਸਨ।
ਇਸ ਤਰ੍ਹਾੰ ਦਿੱਤਾ ਵਾਰਦਾਤ ਨੂੰ ਅੰਜਾਮ..
ਲੁੱਟ ਦੇ ਵਕਤ ਬੈੰਕ ‘ਚ ਮੌਜੂਦ ਵਿਨੋਦ ਨਾਮੀ ਇੱਕ ਗਾਹਕ ਨੇ ਦੱਸਿਆ ਕਿ ਲੁਟੇਰਿਆੰ ਨੇ ਬੈੰਕ ਵਿੱਚ ਆਉੰਦੇ ਹੀ ਹਵਾ ਵਿੱਚ ਪਿਸਤੌਲ ਲਹਿਰਾਉੰਦੇ ਹੋਏ ਕਿਹਾ, ‘ਜਿਹੜਾ ਜਿਥੇ ਹੈ, ਉਥੇ ਹੀ ਖੜ੍ਹਾ ਰਹੇ ਜਾੰ ਬਹਿ ਜਾਵੇ। ਜੇ ਹਿੱਲੇ ਤਾੰ ਗੋਲੀ ਮਾਰ ਦਿਆੰਗੇ।’ ਵਿਨੋਦ ਨੇ ਕਿਹਾ ਕਿ ਬੈੰਕ ਵਿੱਚ ਸਾਰੇ ਲੋਕ ਡਰ ਗਏ, ਪਰ ਪਹਿਲਾੰ ਉਹਨਾੰ ਨੂੰ ਲੱਗਿਆ ਕਿ ਸ਼ਾਇਦ ਕੋਈ ਡਰਾਮਾ ਕਰ ਰਿਹਾ ਹੈ। ਪਰ ਜਦੋੰ ਉਹਨਾੰ ਨੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇਣਾ ਸ਼ੁਰੂ ਕੀਤਾ, ਤਾੰ ਉਹ ਡਰ ਗਏ।
ਵਿਨੋਦ ਮੁਤਾਬਕ, ‘ਇੱਕ ਲੁਟੇਰੇ ਨੇ ਕੈਸ਼ ਲੁੱਟਣਾ ਸ਼ੁਰੂ ਕੀਤਾ, ਤਾੰ ਦੂਜੇ ਨੇ ਮਹਿਲਾਵਾੰ ਦੇ ਗਹਿਣੇ ਉਤਰਵਾਉਣੇ ਸ਼ੁਰੂ ਕੀਤੇ। ਮੇਰੇ ਸਾਹਮਣੇ ਹੀ ਇੱਕ ਮੈਡਮ ਦੇ ਗਲੇ ਤੋੰ ਸੋਨੇ ਦੀ ਚੈਨ ਅਤੇ ਹੱਥਾੰ ਤੋੰ ਸੋਨੇ ਦੇ ਕੜੇ, ਅੰਗੂਠੀਆੰ ਤੇ ਵਾਲੀਆੰ ਉਤਰਵਾ ਕੇ ਲੈ ਗਏ। ਉਹਨਾੰ ਨੇ ਬੈੰਕ ਵਿੱਚ ਮੌਜੂਦ ਮਰਦਾੰ ਤੋੰ ਵੀ ਅੰਗੂਠੀਆੰ ਤੇ ਚੈਨਾੰ ਉਤਰਵਾ ਲਈਆੰ।
ਬੈੰਕ ‘ਚ ਨਹੀੰ ਸੀ ਕੋਈ ਸੁਰੱਖਿਆ ਕਰਮੀ
ਇਸ ਪੂਰੀ ਵਾਰਦਾਤ ਦੇ ਮਾਮਲੇ ‘ਚ ਬੈੰਕ ਦੀ ਸੁਰੱਖਿਆ ਨੂੰ ਲੈ ਕੇ ਵੀ ਵੱਡੀ ਲਾਪਰਵਾਹੀ ਸਾਹਮਣੇ ਆਈ ਹੈ। ਲੁੱਟ ਦੇ ਵਕਤ ਬੈੰਕ ਵਿੱਚ ਕੋਈ ਸੁਰੱਖਿਆ ਕਰਮੀ ਹੀ ਨਹੀੰ ਸੀ। ਇੰਡਸਟਰੀਅਲ ਏਰੀਆ ਦਾ ਬੈੰਕ ਜਿਸ ਵਿੱਚ ਹਰ ਰੋਜ਼ ਕਰੋੜਾੰ ਰੁਪਏ ਦਾ ਲੈਣ-ਦੇਣ ਹੁੰਦਾ ਹੈ, ਉਸ ਵਿੱਚ ਸੁਰੱਖਿਆ ਕਰਮੀ ਦਾ ਨਾ ਹੋਣਾ ਵੀ ਕਈ ਸਵਾਲ ਖੜ੍ਹੇ ਕਰ ਰਿਹਾ ਹੈ।
