ਬਿਓਰੋ। ਲੁਧਿਆਣਾ ਵਿੱਚ 8 ਸਾਲਾ ਮਾਸੂਮ ਸਹਿਜਪ੍ਰੀਤ ਦਾ ਕਤਲ ਕਰ ਦਿੱਤਾ ਗਿਆ। ਪੁਲਿਸ ਨੇ 2 ਦਿਨਾਂ ਤੋੰ ਲਾਪਤਾ ਸਹਿਜਪ੍ਰੀਤ ਸਿੰਘ ਦੀ ਲਾਸ਼ ਸਿੱਧਵਾੰ ਨਹਿਰ ਤੋੰ ਬਰਾਮਦ ਕਰ ਲਈ ਹੈ। ਪੁਲਿਸ ਜਾੰਚ ‘ਚ ਸਾਹਮਣੇ ਆਇਆ ਹੈ ਕਿ ਸਹਿਜਪ੍ਰੀਤ ਨੂੰ ਉਸਦੇ ਤਾਇਆ ਸਵਰਨ ਸਿੰਘ ਨੇ ਹੀ ਮੌਤ ਦੇ ਘਾਟ ਉਤਾਰਿਆ ਹੈ। ਮੁਲਜ਼ਮ ਸਵਰਨ ਸਿੰਘ ਦੀ ਨਿਸ਼ਾਨਦੇਹੀ ‘ਤੇ ਐਤਵਾਰ ਸਵੇਰੇ ਪੁਲਿਸ ਨੇ ਲਾਸ਼ ਬਰਾਮਦ ਕੀਤੀ ਹੈ।
ਆਪਸੀ ਰੰਜਿਸ਼ ‘ਚ ਮਾਸੂਮ ਨੂੰ ਮਾਰ ਦਿੱਤਾ
ਜਾਣਕਾਰੀ ਮੁਤਾਬਕ, ਸਵਰਨ ਸਿੰਘ ਦੇ ਛੋਟੇ ਭਰਾ ਦਾ ਵਿਆਹ ਉਸਦੀ ਸਾਲੀ ਨਾਲ ਹੋਇਆ ਸੀ। ਸਵਰਨ ਸਿੰਘ ਆਪਣੀ ਮਾੰ ਦੀ ਕਾਫੀ ਸੇਵਾ ਕਰਦਾ ਸੀ, ਪਰ ਉਸਦੀ ਪਤਨੀ ਅਤੇ ਸਾਲੀ ਦੋਵੇੰ ਉਸ ਨੂੰ ਰੋਕਦੇ ਸਨ ਅਤੇ ਤਾਨੇ ਦਿੰਦੇ ਸਨ। ਇਸੇ ਕਾਰਨ ਸਵਰਨ ਸਿੰਘ ਕਾਫੀ ਪਰੇਸ਼ਾਨ ਸੀ ਅਤੇ ਉਸਨੇ ਮਨ ਵਿੱਚ ਬਦਲਾ ਧਾਰ ਲਿਆ ਕਿ ਜਿਵੇੰ ਇਹ ਲੋਕ ਉਸ ਨੂੰ ਉਸਦੀ ਮਾੰ ਤੋੰ ਵੱਖ ਕਰਨਾ ਚਾਹੁੰਦੇ ਹਨ, ਉਹ ਵੀ ਆਪਣੇ 8 ਸਾਲ ਦੇ ਭਤੀਜੇ ਸਹਿਜਪ੍ਰੀਤ ਨੂੰ ਉਹਨਾੰ ਤੋੰ ਵੱਖ ਕਰ ਦਵੇਗਾ।
18 ਅਗਸਤ ਦੀ ਰਾਤ ਨੂੰ ਉਹ ਸਹਿਜਪ੍ਰੀਤ ਨੂੰ ਨਾਲ ਲੈ ਗਿਆ। ਉਸਨੇ ਜਗਰਾਓੰ ਪੁੱਲ ਦੇ ਕੋਲ ਬੱਚੇ ਦੀ ਸਾਈਕਲ ਖੜ੍ਹੀ ਕਰਵਾਈ ਅਤੇ ਉਸ ਨੂੰ ਬਾਈਕ ‘ਤੇ ਬਿਠਾ ਕੇ ਅੰਮ੍ਰਿਤਸਰ ਸਥਿਤ ਦਰਬਾਰ ਸਾਹਿਬ ਜਾਣ ਦੀ ਗੱਲ ਕਹੀ। ਲਾਡੋਵਾਲ ਦੇ ਕੋਲ ਬੱਚੇ ਨੇ ਨੀੰਦ ਆਉਣ ਦੀ ਗੱਲ ਕਹੀ, ਤਾੰ ਉਹ ਵਾਪਸ ਜਲੰਧਰ ਬਾਈਪਾਸ ਪਹੁੰਚਿਆ। ਉਥੋੰ ਬੱਚੇ ਨੂੰ ਫਰੂਟ ਲੈ ਕੇ ਦਿੱਤਾ ਅਤੇ ਕਟਾਣਾ ਸਾਹਿਬ ਗੁਰਦੁਆਰਾ ਲੈ ਗਿਆ।
ਉਥੋੰ ਸਵੇਰੇ-ਸਵੇਰੇ ਨਿਕਲ ਕੇ ਉਸਨੇ ਰਸਤੇ ਵਿੱਚ ਪਹਿਲਾੰ ਗੁਰਦੁਆਰਾ ਸਾਹਿਬ ਵਿਖੇ ਮੱਥਾ ਟੇਕਿਆ ਅਤੇ ਨਹਿਰ ਦੇ ਰਸਤੇ ਵਾਪਸੀ ਲਈ ਨਿਕਲ ਪਿਆ। ਰਸਤੇ ਵਿੱਚ ਹਰਨਾਮਪੁਰਾ ਦੇ ਕੋਲ ਉਸਨੇ ਬੱਚੇ ਨੂੰ ਨਹਿਰ ਵਿੱਚ ਸੁੱਟ ਦਿੱਤਾ ਅਤੇ ਉਥੋੰ ਫਰਾਰ ਹੋ ਗਿਆ। ਉਸ ਤੋੰ ਬਾਅਦ ਉਹ ਸਿੱਧੇ ਘਰ ਆਇਆ ਅਤੇ ਪਰਿਵਾਰ ਵਾਲਿਆੰ ਦੇ ਨਾਲ ਬੱਚੇ ਨੂੰ ਲੱਭਣ ਦਾ ਢੌੰਗ ਕਰਨ ਲੱਗਿਆ। ਪੁਲਿਸ ਹੁਣ ਸਵਰਨ ਸਿੰਘ ਨੂੰ ਸੋਮਵਾਰ ਨੂੰ ਅਦਾਲਤ ‘ਚ ਪੇਸ਼ ਕਰੇਗੀ ਅਤੇ ਉਸ ਤੋੰ ਪੁੱਛਗਿੱਛ ਜਾਰੀ ਹੈ।
