ਅੰਮ੍ਰਿਤਸਰ। ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਨੇ ਬੰਦੀ ਸਿੰਘਾੰ ਦੀ ਰਿਹਾਈ ਦੀ ਮੰਗ ਕਰਦਿਆੰ ਕੇੰਦਰ ਸਰਕਾਰ ‘ਤੇ ਤਿੱਖਾ ਹਮਲਾ ਬੋਲਿਆ ਹੈ। ਉਹਨਾੰ ਕਿਹਾ ਕਿ ਜੇਕਰ ਬਲਾਤਕਾਰੀਆੰ ਨੂੰ ਰਿਹਾਈ ਮਿਲ ਸਕਦੀ ਹੈ, ਤਾੰ ਬੰਦੀ ਸਿੰਘਾੰ ਨੂੰ ਕਿਉੰ ਨਹੀੰ?
#ਬੰਦੀਸਿੰਘਰਿਹਾਅਕਰੋ #FreeSikhPrisoners #ReleaseSikhPrisoners #HumanRightsViolation
— Shiromani Gurdwara Parbandhak Committee (SGPC) (@SGPCAmritsar) August 21, 2022
ਬਿਲਕਿਸ ਬਾਨੋ ਰੇਪ ਕੇਸ ‘ਚ ਮੁਲਜ਼ਮਾੰ ਦੀ ਰਿਹਾਈ ‘ਤੇ ਬੋਲਦਿਆੰ ਐਡਵੋਕੇਟ ਧਾਮੀ ਨੇ ਕਿਹਾ, “ਗੁਜਰਾਤ ਅਤਿਆਚਾਰ ਸਮੇੰ ਬਿਲਕਿਸ ਬਾਨੋ ਬਲਾਤਕਾਰ ਕੇਸ ਵਿੱਚ ਸਜ਼ਾ ਭੁਗਤ ਰਹੇ ਦੋਸ਼ੀਆੰ ਨੂੰ ਛੱਡਣ ਦਾ ਫ਼ੈਸਲਾ ਕੀਤਾ ਜਾ ਸਕਦਾ ਹੈ, ਤਾੰ ਫਿਰ ਉਮਰ ਕੈਦ ਤੋੰ ਦੁੱਗਣੀਆੰ ਸਜ਼ਾਵਾੰ ਭੁਗਤਣ ਵਾਲੇ ਸਿੱਖਾੰ ਨੂੰ ਰਿਹਾਅ ਕਿਉੰ ਨਹੀੰ ਕੀਤਾ ਜਾ ਸਕਦਾ।”
‘ਪੱਖਪਾਤੀ ਰਵੱਈਆ ਅਪਣਾ ਰਹੀਆੰ ਸਰਕਾਰਾੰ’
ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਨੇ ਆਖਿਆ ਕਿ ਸਰਕਾਰਾੰ ਪੱਖਪਾਤ ਵਾਲੀ ਨੀਤੀ ਅਪਣਾ ਰਹੀਆੰ ਹਨ। ਇੱਕ ਪਾਸੇ ਬਲਾਤਕਾਰ ਵਰਗੇ ਸੰਗੀਨ ਤੇ ਸਮਾਜ ਦੇ ਨਾੰ ‘ਤੇ ਧੱਬਾ ਕਹੇ ਜਾੰਦੇ ਅਪਰਾਧ ਬਲਾਤਕਾਰ ਦੇ ਦੋਸ਼ੀ ਸਰਕਾਰਾੰ ਵੱਲੋੰ ਹਮਦਰਦੀ ਭਰੀ ਭਾਵਨਾ ਨਾਲ ਛੱਡ ਦਿੱਤੇ ਜਾੰਦੇ ਹਨ, ਜਦਕਿ ਦੂਜੇ ਪਾਸੇ ਸਿੱਖ ਬੰਦੀਆੰ ਨੂੰ ਤਿੰਨ-ਤਿੰਨ ਦਹਾਕਿਆੰ ਤੋੰ ਜੇਲ੍ਹਾੰ ਦੀਆੰ ਕਾਲ ਕੋਠੜੀਆੰ ਵਿੱਚ ਬੰਦ ਰਖਿਆ ਹੋਇਆ ਹੈ। ਕੀ ਇਸ ਤਰ੍ਹਾੰ ਕਰਕੇ ਸਾਡੇ ਦੇਸ਼ ਦੀਆੰ ਸਰਕਾਰਾੰ ਘੱਟ ਗਿਣਤੀਆੰ ਨੂੰ ਜਾਣਬੁੱਝ ਕੇ ਦਬਾ ਨਹੀੰ ਰਹੀਆੰ?
ਅਜਿਹਾ ਧੱਕਾ ਤੇ ਪੱਖਪਾਤ ਠੀਕ ਨਹੀੰ- ਧਾਮੀ
ਐਡਵੋਕੇਟ ਧਾਮੀ ਨੇ ਇਸ ਪੱਖਪਾਤ ਨੂੰ ਭਾਰਤੀ ਸੰਵਿਧਾਨ ਦੇ ਉਲੰਘਣ ਦੇ ਨਾਲ-ਨਾਲ ਮਨੁੱਖੀ ਅਧਿਕਾਰਾੰ ਦੀ ਵੀ ਹੱਤਿਆ ਕਰਾਰ ਦਿੱਤਾ। ਉਹਨਾੰ ਕਿਹਾ ਕਿ ਅਜਿਹਾ ਧੱਕਾ ਅਤੇ ਪੱਖਪਾਤ ਠੀਕ ਨਹੀੰ ਹੈ ਅਤੇ ਸਰਕਾਰਾੰ ਨੂੰ ਇਸ ਮਾਮਲੇ ‘ਤੇ ਸੰਜੀਦਾ ਵਿਚਾਰ ਦੀ ਲੋੜ ਹੈ। ਐਡਵੋਕੇਟ ਧਾਮੀ ਨੇ ਭਾਰਤ ਸਰਕਾਰ ਨੂੰ ਸਭ ਲਈ ਇੱਕੋ-ਜਿਹੀ ਨੀਤੀ ਅਪਨਾਉਣ ਲਈ ਨੇਕਦਿਲੀ ਧਾਰਨ ਕਰਨ ਦੀ ਸਲਾਹ ਦਿੱਤੀ ਅਤੇ ਬੰਦੀ ਸਿੰਘਾੰ ਨੂੰ ਤੁਰੰਤ ਰਿਹਾਅ ਕਰਨ ਲਈ ਆਖਿਆ।
ਭਾਈ ਲਖਵਿੰਦਰ ਸਿੰਘ ਨੂੰ ਭੁੱਖ ਹੜਤਾਲ ਖਤਮ ਕਰਨ ਦੀ ਅਪੀਲ
ਇਸੇ ਦੌਰਾਨ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਨੇ ਬੁੜੈਲ ਜੇਲ੍ਹ ਵਿੱਚ ਬੰਦ ਭਾਈ ਲਖਵਿੰਦਰ ਸਿੰਘ ਨੂੰ ਆਪਣੀ ਭੁੱਖ ਹੜਤਾਲ ਖਤਮ ਕਰਨ ਦੀ ਵੀ ਅਪੀਲ ਕੀਤੀ। ਉਹਨਾੰ ਆਖਿਆ ਕਿ ਸਿੱਖ ਧਰਮ ਅੰਦਰ ਭੁੱਖ ਹੜਤਾਲ ਦੀ ਕੋਈ ਥਾੰ ਨਹੀੰ ਹੈ, ਇਸ ਲਈ ਉਹ ਆਪਣੀ ਜ਼ਿਦ ਛੱਡ ਦੇਣ। ਐਡਵੋਕੇਟ ਧਾਮੀ ਨੇ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਬੰਦੀ ਸਿੰਘਾੰ ਨੂੰ ਇਨਸਾਫ਼ ਦਵਾਉਣ ਲਈ ਯਤਨਸ਼ੀਲ ਹੈ ਤੇ ਰਹੇਗੀ।
