September 12, 2022
(New Delhi)
ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੋਮਵਾਰ ਨੂੰ ਦਿੱਲੀ ‘ਚ ਕੇੰਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੁਲਾਕਾਤ ਕੀਤੀ। ਗ੍ਰਹਿ ਮੰਤਰੀ ਨਾਲ ਕਰੀਬ ਪੌਣੇ ਘੰਟੇ ਚੱਲੀ ਮੁਲਾਕਾਤ ਤੋੰ ਬਾਅਦ ਕੈਪਟਨ ਨੇ ਮੀਡੀਆ ਨਾਲ ਗੱਲਬਾਤ ਦੌਰਾਨ ਪੰਜਾਬ ਲੋਕ ਕਾੰਗਰਸ ਦੇ ਬੀਜੇਪੀ ‘ਚ ਰਲੇਵੇੰ ਦੇ ਸਵਾਲ ਨੂੰ ਨਕਾਰਿਆ ਅਤੇ ਕਿਹਾ ਕਿ ਇਹ ਸਿਰਫ਼ ਅਟਕਲਾੰ ਹਨ।
ਅਮਰਿੰਦਰ ਸਿੰਘ ਨੇ ਇਸ ਤੋੰ ਪਹਿਲਾੰ 30 ਅਗਸਤ ਨੂੰ ਪ੍ਰਧਾਨ ਮੰਤਰੀ ਨਰੇੰਦਰ ਮੋਦੀ ਨਾਲ ਵੀ ਮੁਲਾਕਾਤ ਕੀਤੀ ਸੀ। ਉਦੋੰ ਤੋੰ ਹੀ ਉਹਨਾੰ ਦੀ ਪਾਰਟੀ ਦੇ ਬੀਜੇਪੀ ‘ਚ ਰਲੇਵੇੰ ਦੀ ਚਰਚਾ ਜ਼ੋਰਾੰ ‘ਤੇ ਸੀ।(ਪੜ੍ਹੋ ਪੂਰੀ ਖ਼ਬਰ)
ਬੀਜੇਪੀ ਦੇ ਨਾਲ ਮਿਲ ਕੇ ਲੜੀ ਸੀ ਚੋਣ
ਕੈਪਟਨ ਅਮਰਿੰਦਰ ਸਿੰਘ ਨੇ ਪਿਛਲੇ ਸਾਲ ਸਤੰਬਰ ਮਹੀਨੇ ‘ਚ ਕਾੰਗਰਸ ਤੋੰ ਅਸਤੀਫ਼ਾ ਦਿੱਤਾ ਸੀ ਅਤੇ ਆਪਣੀ ਨਵੀੰ ਪਾਰਟੀ ਪੰਜਾਬ ਲੋਕ ਕਾੰਗਰਸ ਦਾ ਗਠਨ ਕੀਤਾ ਸੀ। ਪੰਜਾਬ ਵਿਧਾਨ ਸਭਾ ਚੋਣਾੰ ‘ਚ ਕੈਪਟਨ ਨੇ ਬੀਜੇਪੀ ਨਾਲ ਗਠਜੋੜ ਕਰਕੇ ਚੋਣ ਲੜੀ ਸੀ। ਹਾਲਾੰਕਿ, ਗਠਜੋੜ ਨੇ ਚੋਣਾੰ ‘ਚ ਚੰਗਾ ਪ੍ਰਦਰਸ਼ਨ ਨਹੀੰ ਕੀਤਾ ਅਤੇ ਅਮਰਿੰਦਰ ਸਿੰਘ ਆਪਣੀ ਸੀਟ ਵੀ ਨਹੀੰ ਬਚਾ ਸਕੇ।
