ਟੋਕਿਓ। ਮੀਰਾਬਾਈ ਚਾਨੂ ਨੇ ਟੋਕਿਓ ਓਲੰਪਿਕਸ ‘ਚ ਭਾਰਤ ਨੂੰ ਪਹਿਲਾ ਮੈਡਲ ਦਵਾਇਆ ਹੈ। ਉਹਨਾਂ ਨੇ 49 ਕਿੱਲੋਗ੍ਰਾਮ ਭਾਰ ਵਰਗ ‘ਚ ਕੁੱਲ 202 ਕਿੱਲੋ ਵਜ਼ਨ ਚੁੱਕ ਕੇ ਸਿਲਵਰ ਮੈਡਲ ਆਪਣੇ ਨਾੰਅ ਕੀਤਾ। ਮੀਰਾਬਾਈ ਦੀ ਇਸ ਉਪਲਬੱਧੀ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਸਣੇ ਦੇਸ਼ ਦੀਆਂ ਤਮਾਮ ਹਸਤੀਆਂ ਨੇ ਉਹਨਾਂ ਨੂੰ ਵਧਾਈ ਦਿੱਤੀ ਹੈ ਅਤੇ ਇਸ ਮੈਡਲ ਨੂੰ ਟੋਕਿਓ ਓਲੰਪਿਕਸ ‘ਚ ਭਾਰਤ ਦੀ ਸ਼ਾਨਦਾਰ ਸ਼ੁਰੂਆਤ ਦੱਸਿਆ ਹੈ।
ਇਸ ਤੋਂ ਵਧੀਆ ਸ਼ੁਰੂਆਤ ਨਹੀਂ ਹੋ ਸਕਦੀ ਸੀ- PM
ਮੀਰਾਬਾਈ ਚਾਨੂ ਦੀ ਇਸ ਉਪਲਬੱਧੀ ‘ਤੇ ਪ੍ਰਧਾਨ ਮੰਤਰੀ ਨੇ ਟਵੀਟ ਕੀਤਾ, “ਟੋਕਿਓ ਓਲੰਪਿਕਸ ਦੀ ਸ਼ੁਰੂਆਤ ਇਸ ਤੋਂ ਹੋਰ ਵਧੀਆ ਨਹੀਂ ਹੋ ਸਕਦੀ ਸੀ। ਮੀਰਾਬਾਈ ਚਾਨੂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਲੈ ਕੇ ਭਾਰਤ ਉਤਸ਼ਾਹਿਤ ਹੈ। ਵੇਟ ਲਿਫਟਿੰਗ ‘ਚ ਸਿਲਵਰ ਮੈਡਲ ਜਿੱਤਣ ਲਈ ਉਹਨਾਂ ਨੂੰ ਵਧਾਈ। ਉਹਨਾਂ ਦੀ ਸਫਲਤਾ ਹਰ ਭਾਰਤੀ ਨੂੰ ਪ੍ਰੇਰਿਤ ਕਰਦੀ ਹੈ।”
Could not have asked for a happier start to @Tokyo2020! India is elated by @mirabai_chanu’s stupendous performance. Congratulations to her for winning the Silver medal in weightlifting. Her success motivates every Indian. #Cheer4India #Tokyo2020 pic.twitter.com/B6uJtDlaJo
— Narendra Modi (@narendramodi) July 24, 2021
ਪ੍ਰਧਾਨ ਮੰਤਰੀ ਨੇ ਮੀਰਾਬਾਈ ਨੂੰ ਫੋਨ ਕਰਕੇ ਵੀ ਵਧਾਈ ਦਿੱਤੀ ਹੈ, ਜਿਸਦੀ ਜਾਣਕਾਰੀ ਕੇਂਦਰੀ ਖੇਡ ਮੰਤਰੀ ਅਨੁਰਾਗ ਠਾਕੁਰ ਨੇ ਟਵਿਟਰ ‘ਤੇ ਦਿੱਤੀ। ਆਪਣੇ ਟਵੀਟ ‘ਚ ਖੇਡ ਮੰਤਰੀ ਨੇ ਲਿਖਿਆ, “ਉਹ ਖਾਸ ਪਲ, ਜਦੋਂ ਤੁਸੀਂ ਭਾਰਤ ਦਾ ਪਹਿਲਾ ਟੋਕਿਓ ਓਲੰਪਿਕ ਮੈਡਲ ਜਿੱਤਿਆ ਹੋਵੇ ਅਤੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਜੀ ਤੁਹਾਨੂੰ ਵਧਾਈ ਦੇਣ ਲਈ ਫੋਨ ਕਰਨ। ਹਮੇਸ਼ਾ ਦੀ ਯਾਦ!”
That special moment when you’ve won India’s first #tokyo2020 Olympic medal and the Prime Minister of India 🇮🇳 Sh @narendramodi ji calls to congratulate you! Memories forever! pic.twitter.com/6ZzBHSMcGa
— Anurag Thakur (@ianuragthakur) July 24, 2021
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਮੀਰਾਬਾਈ ਨੂੰ ਵਧਾਈ ਦਿੱਤੀ। ਉਹਨਾਂ ਟਵੀਟ ਕੀਤਾ, “ਸਾਡਾ ਪਹਿਲਾ ਮੈਡਲ! ਟੋਕਿਓ ਓਲੰਪਿਕਸ ‘ਚ ਵਿਮਿਨ 49 ਕਿੱਲੋਗ੍ਰਾਮ ਵੇਟ ਲਿਫਟਿੰਗ ਇਵੈਂਟ ‘ਚ 202 ਕਿੱਲੋ ਦਾ ਭਾਰ ਚੁੱਕ ਕੇ ਸਿਲਵਰ ਜਿੱਤਣ ਲਈ ਸਾਈਖੋਮ ਮੀਰਾਬਾਈ ਚਾਨੂ ਨੂੰ ਵਧਾਈ। ਤੁਹਾਡੀ ਉਪਲਬਧੀ ‘ਤੇ ਭਾਰਤ ਨੂੰ ਬੇਹੱਦ ਮਾਣ ਹੈ।”
Our first medal! Congratulations to Saikhom Mirabai Chanu for winning Silver at Tokyo Olympics with a combined lift of 202 kg in women's 49kg weightlifting event. India is super proud of your accomplishment. pic.twitter.com/QkTSzeFcDS
— Capt.Amarinder Singh (@capt_amarinder) July 24, 2021
ਮੀਰਾਬਾਈ ਚਾਨੂ ਦੇ ਨਾਲ-ਨਾਲ ਮੁੱਖ ਮੰਤਰੀ ਨੇ ਉਹਨਾਂ ਦੇ ਸਹਾਇਕ ਕੋਚ ਸੰਦੀਪ ਕੁਮਾਰ ਨੂੰ ਵੀ ਵਧਾਈ ਦਿੱਤੀ, ਜੋ ਪੰਜਾਬ ਪੁਲਿਸ ‘ਚ ਇੰਸਪੈਕਟਰ ਦੇ ਅਹੁਦੇ ‘ਤੇ ਤੈਨਾਤ ਹੈ। ਸੀਐੱਮ ਨੇ ਕਿਹਾ, “ਇਹ ਤੁਹਾਡੇ ਸਮਰਪਣ ਅਤੇ ਮਿਹਨਤ ਦਾ ਹੀ ਨਤੀਜਾ ਹੈ ਕਿ ਮੀਰਾਬਾਈ ਚਾਨੂ ਨੇ ਟੋਕਿਓ ਓਲੰਪਿਕਸ ‘ਚ ਭਾਰਤ ਲਈ ਵੇਟਲਿਫਟਿੰਗ ‘ਚ ਇਤਿਹਾਸਕ ਸਿਲਵਰ ਮੈਡਲ ਜਿੱਤਿਆ।”
Special congratulations to Inspector Sandeep Kumar of @PunjabPoliceInd who is @mirabai_chanu assistant coach. Your dedication & hard work yielded results for India when Mirabai Chanu won a historic silver medal in weightlifting at #Tokyo2020 today. https://t.co/zBtLRxT4aG
— Capt.Amarinder Singh (@capt_amarinder) July 24, 2021
ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਵੀ ਮੀਰਾਬਾਈ ਨੂੰ ਵਧਾਈ ਦਿੱਤੀ। ਉਹਨਾਂ ਨੇ ਟਵਿਟਰ ‘ਤੇ ਲਿਖਿਆ, “ਭਾਰਤ ਨੇ ਆਪਣਾ ਪਹਿਲਾ ਮੈਡਲ ਹਾਸਲ ਕਰ ਲਿਆ। ਵੇਟ ਲਿਫਟਰ ਮੀਰਾਬਾਈ ਚਾਨੂ ਨੂੰ ਦਿਲੋਂ ਵਧਾਈ, ਜਿਹਨਾਂ ਨੇ ਟੋਕਿਓ ਓਲੰਪਿਕਸ ‘ਚ ਵਿਮਿਨ ਦੀ 49 ਕਿੱਲੋਗ੍ਰਾਮ ਕੈਟੇਗਰੀ ‘ਚ ਸਿਲਵਰ ਮੈਡਲ ਜਿੱਤਿਆ।”
India gets her first medal!
Heartiest congratulations to weightlifter Mirabai Chanu, who bagged a silver at Tokyo Olympics in women's 49kg category.#MirabaiChanu #TokyoOlympics pic.twitter.com/x3V79lnbxB— Sukhbir Singh Badal (@officeofssbadal) July 24, 2021
ਕਾਬਿਲੇਗੌਰ ਹੈ ਕਿ ਇਸ ਮੈਡਲ ਦੇ ਨਾਲ ਹੀ ਭਾਰਤ ਨੂੰ ਵੇਟ ਲਿਫਟਿੰਗ ‘ਚ 21 ਸਾਲਾਂ ਬਾਅਦ ਓਲੰਪਿਕ ਮੈਡਲ ਹਾਸਲ ਹੋਇਆ ਹੈ। ਇਸ ਤੋਂ ਪਹਿਲਾਂ 2000 ਸਿਡਨੀ ਓਲੰਪਿਕਸ ‘ਚ ਕਰਣਮ ਮੱਲੇਸ਼ਵਰੀ ਨੇ ਬ੍ਰਾਨਜ਼ ਮੈਡਲ ਆਪਣੇ ਨਾੰਅ ਕੀਤਾ ਸੀ।
