ਬਿਓਰੋ। ਪੰਜਾਬ ‘ਚ ਸਾਲ 2022 ਦੀਆਂ ਚੋਣਾਂ ਤੋਂ ਲੈ ਕੇ ਸਿਆਸੀ ਪਾਰਾ ਪੂਰੇ ਸਿਖਰਾਂ ‘ਤੇ ਹੈ, ਪਰ 2022 ਦੇ ਜ਼ਰੀਏ ਪਾਰਟੀਆਂ ਦੀ ਨਜ਼ਰ 2024 ‘ਚ ਹੋਣ ਵਾਲੀਆਂ ਲੋਕ ਸਭਾ ਚੋਣਾਂ ‘ਤੇ ਵੀ ਹੈ। ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਵੀ ਇਸ ਵੱਲ ਇਸ਼ਾਰਾ ਕੀਤਾ ਹੈ।
ਸੁਖਬੀਰ ਬਾਦਲ ਨੇ ਦੇਸ਼ ਭਰ ਦੀਆਂ ਖੇਤਰੀ ਪਾਰਟੀਆਂ ਨੂੰ 2024 ਲਈ ਇਕਜੁੱਟ ਹੋਣ ਦਾ ਸੁਨੇਹਾ ਦਿੱਤਾ ਹੈ। ਉਹਨਾਂ ਕਿਹਾ ਕਿ ਖੇਤਰੀ ਪਾਰਟੀਆਂ ਨੂੰ ਇੱਕ ਮੰਚ ‘ਤੇ ਆਉਣਾ ਚਾਹੀਦਾ ਹੈ ਅਤੇ 2024 ਦੀਆਂ ਲੋਕ ਸਭਾ ਚੋਣਾਂ ਲਈ ਨੈਸ਼ਨਲ ਫਰੰਟ ਤਿਆਰ ਕਰਨਾ ਚਾਹੀਦਾ ਹੈ।
There is need for regional parties to come together and form national front for 2024 Lok Sabha polls: SAD prez Sukhbir Singh Badal to PTI
— Press Trust of India (@PTI_News) July 25, 2021
ਅਕਾਲੀ ਦਲ ਦੇ ਪ੍ਰਧਾਨ ਆਪਣੀ ਪੁਰਾਣੀ ਭਾਈਵਾਲ BJP ‘ਤੇ ਵੀ ਹਮਲਾਵਰ ਨਜ਼ਰ ਆਏ। ਕਿਸਾਨ ਅੰਦੋਲਨ ‘ਤੇ ਬੀਜੇਪੀ ਨੂੰ ਘੇਰਦਿਆਂ ਸੁਖਬੀਰ ਬਾਦਲ ਨੇ ਕਿਹਾ, “BJP ਨਾਲ ਸਾਡੀ ਕਹਾਣੀ ਖਤਮ ਹੋ ਚੁੱਕੀ ਹੈ। ਅਕਾਲੀ ਦਲ ਨਾ ਹੀ ਕਿਸਾਨਾਂ ਦੇ ਮੁੱਦਿਆਂ ‘ਤੇ ਸਮਝੌਤਾ ਕਰੇਗੀ ਤੇ ਨਾ ਹੀ ਪੰਜਾਬ ‘ਚ ਖੇਤੀ ਕਾਨੂੰਨਾਂ ਨੂੰ ਲਾਗੂ ਹੋਣ ਦੀ ਇਜਾਜ਼ਤ ਦੇਣਗੇ।”
Our story with BJP over; SAD will neither compromise on farmer issues nor allow farm laws to be implemented in Punjab: Sukhbir Singh Badal
— Press Trust of India (@PTI_News) July 25, 2021
ਕਾਂਗਰਸ ਦੀ ਵੀ ਪੰਜਾਬ ਦੇ ਰਸਤੇ ’24 ‘ਤੇ ਨਜ਼ਰ
ਕਾਬਿਲੇਗੌਰ ਹੈ ਕਿ ਕਾਂਗਰਸ ਪਾਰਟੀ ਵੀ ਪੰਜਾਬ ਦੇ ਰਸਤੇ 2024 ਦੀਆਂ ਚੋਣਾਂ ‘ਚ ਆਪਣੀ ਪਕੜ ਮਜਬੂਤ ਕਰਨ ਦੀ ਕੋਸ਼ਿਸ਼ ‘ਚ ਹੈ। ਨਵਜੋਤ ਸਿੱਧੂ ਦੇ ਪੰਜਾਬ ਕਾਂਗਰਸ ਪ੍ਰਧਾਨ ਵਜੋਂ ਤਾਜਪੋਸ਼ੀ ਦੌਰਾਨ ਵੀ ਵਾਰ-ਵਾਰ ਇਸਦਾ ਜ਼ਿਕਰ ਸੁਣਨ ਨੂੰ ਮਿਲਿਆ। ਪੰਜਾਬ ਕਾਂਗਰਸ ਦੇ ਇੰਚਾਰਜ ਹਰੀਸ਼ ਰਾਵਤ ਅਤੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਨੇ ਖੁੱਲ੍ਹ ਕੇ ਮੰਚ ਤੋਂ ਕਿਹਾ ਕਿ 2024 ਲਈ ਸੱਤਾ ਦਾ ਰਾਹ ਪੰਜਾਬ ਤੋਂ ਹੀ ਹੋ ਕੇ ਜਾਵੇਗਾ।
