ਟੋਕਿਓ। ਟੋਕਿਓ ਓਲੰਪਿਕਸ ‘ਚ ਡਿਸਕਸ ਥ੍ਰੋ ਦੇ ਮੁਕਾਬਲੇ ‘ਚ ਭਾਰਤ ਦੀ ਕਮਲਪ੍ਰੀਤ ਕੌਰ ਨੇ ਭਾਰਤ ਲਈ ਗੋਲਡ ਮੈਡਲ ਦੀ ਆਸ ਜਗਾ ਦਿੱਤੀ ਹੈ। ਕਮਲਪ੍ਰੀਤ ਨੇ ਤੀਜੀ ਕੋਸ਼ਿਸ਼ ‘ਚ 64 ਮੀਟਰ ਦਾ ਥ੍ਰੋ ਕਰਕੇ ਫਾਈਨਲ ‘ਚ ਆਪਣੇ ਲਈ ਜਗ੍ਹਾ ਬਣਾਈ ਹੈ। ਕਮਲਪ੍ਰੀਤ ਨੇ ਓਲੰਪਿਕਸ ‘ਚ ਆਪਣੇ ਪ੍ਰਦਰਸ਼ਨ ਨਾਲ ਸਾਰਿਆਂ ਨੂੰ ਆਪਣੀ ਵਾਹਵਾਹੀ ਲਈ ਮਜਬੂਰ ਕਰ ਦਿੱਤਾ ਹੈ।
ਪੰਜਾਬ ਦੇ ਮੁਕਤਸਰ ਦੀ ਰਹਿਣ ਵਾਲੀ ਕਲਮਪ੍ਰੀਤ ਕੌਰ ਨੇ ਜੇਕਰ ਇਹੀ ਪ੍ਰਦਰਸ਼ਨ ਫਾਈਨਲ ‘ਚ ਦੋਹਰਾਇਆ, ਤਾਂ ਉਹ ਐਥਲੈਟਿਕਸ ‘ਚ ਮੈਡਲ ਲਿਆਉਣ ਵਾਲੀ ਪਹਿਲੀ ਭਾਰਤੀ ਬਣ ਜਾਵੇਗੀ।
ਤੁਸੀਂ ਆਲਰੇਡੀ ਚੈਂਪੀਅਨ ਹੋ- ਕੈਪਟਨ
ਕਮਲਪ੍ਰੀਤ ਦੀ ਇਸ ਉਪਲਬਧੀ ‘ਤੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਉਹਨਾਂ ਨੂੰ ਵਧਾਈ ਦਿੱਤੀ ਹੈ। ਟਵੀਟ ਕਰਦਿਆਂ ਮੁੱਖ ਮੰਤਰੀ ਨੇ ਕਿਹਾ, “ਕਮਲਪ੍ਰੀਤ ਕੌਰ, ਤੁਸੀਂ ਆਲਰੇਡੀ ਇੱਕ ਚੈਂਪੀਅਨ ਐਥਲੀਟ ਹੋ। ਮੈਨੂੰ ਭਰੋਸਾ ਹੈ ਕਿ ਤੁਹਾਡੀ ਮਿਹਨਤ ਭਾਰਤ ਨੂੰ ਓਲੰਪਿਕਸ ‘ਚ ਐਥਲੈਟਿਕਸ ‘ਚ ਪਹਿਲਾ ਮੈਡਲ ਦਵਾਏਗੀ। ਫਾਈਨਲ ‘ਚ ਗੋਲਡ ਮੈਡਲ ਲਈ ਖੇਡਣਾ। ਰੱਬ ਤੁਹਾਨੂੰ ਅਸ਼ੀਰਵਾਦ ਦੇਵੇ ਬੇਟਾ।”
You are already a champion athelete Kamalpreet Kaur. I am sure your hard work will get India the first ever medal in athletics at Olympics. Go for the Gold Medal in the finals. God bless you beta. pic.twitter.com/tlPOUY5jQb
— Capt.Amarinder Singh (@capt_amarinder) July 31, 2021
ਬਾਦਲ ਸਾਬ੍ਹ ਤੇ ਮੈਂ ਰੋਮਾਂਚਿਤ ਹੋਏ- ਸੁਖਬੀਰ
ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਵੀ ਪਿੰਡ ਬਾਦਲ ਦੀ ਧੀ ਕਮਲਪ੍ਰੀਤ ਕੌਰ ਨੂੰ ਟਵੀਟ ਜ਼ਰੀਏ ਵਧਾਈ ਦਿੱਤੀ। ਉਹਨਾਂ ਲਿਖਿਆ, “ਬਾਦਲ ਸਾਬ੍ਹ ਤੇ ਮੈਂ ਅੱਜ ਤੜਕ ਸਵੇਰ ਕਮਲਪ੍ਰੀਤ ਕੌਰ ਨੂੰ ਡਿਸਕਸ ਥ੍ਰੋ ਦੇ ਫਾਈਨਲ ਲਈ ਕੁਆਲੀਫਾਈ ਕਰਦੇ ਵੇਖ ਕੇ ਬੇਹੱਦ ਰੋਮਾਂਚਿਤ ਸੀ। ਪੰਜਾਬ ‘ਚ ਸਾਡੇ ਸਾਰਿਆਂ ਵੱਲੋਂ ਵਧਾਈ ਅਤੇ ਸ਼ੁਭਕਾਮਨਾਵਾਂ।”
Badal saab & I were thrilled to watch Kamalpreet Kaur qualifying for finals of Discus Throw early this morning with a 64.00 throw at #TokyoOlympics. Congratulations & best wishes from all of us in Punjab!#TokyoOlympics2020 pic.twitter.com/4X2IYlAV0R
— Sukhbir Singh Badal (@officeofssbadal) July 31, 2021
ਮੈਚ ਤੋਂ ਪਹਿਲਾਂ ਫੋਨ ‘ਤੇ ਵੀ ਹੌਂਸਲਾ ਅਫਜ਼ਾਈ
ਸੁਖਬੀਰ ਬਾਦਲ ਨੇ ਮੈਚ ਤੋਂ ਪਹਿਲਾਂ ਵੀ ਕਮਲਪ੍ਰੀਤ ਨੂੰ ਵੀਡੀਓ ਕਾਲ ਕਰਕੇ ਮੈਚ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ ਸਨ ਅਤੇ ਉਹਨਾਂ ਦੀ ਹੌਂਸਲਾ ਅਫਜ਼ਾਈ ਕੀਤੀ ਸੀ। ਫੋਨ ‘ਤੇ ਗੱਲ ਕਰਦਿਆਂ ਸੁਖਬੀਰ ਨੇ ਕਿਹਾ ਕਿ ਪੂਰੇ ਪੰਜਾਬ ਨੂੰ ਤੁਹਾਡੇ ‘ਤੇ ਮਾਣ ਹੈ।
Punjab’s daughter, Kamalpreet Kaur from Lambi, has shined her way amidst the pandemic with her determination to become the 1st Indian woman to cross the 65m mark in the discus throw. Punjab is proud of you. May Gurusahab bless you with strength & success at the #TokyoOlympics pic.twitter.com/4ks9TtNXlH
— Sukhbir Singh Badal (@officeofssbadal) July 30, 2021
ਪੜ੍ਹਾਈ ‘ਚ ਸੀ ਕਮਜ਼ੋਰ, ਇਸ ਲਈ ਖੇਡਾਂ ‘ਤੇ ਰਿਹਾ ਫੋਕਸ
ਕਮਲਪ੍ਰੀਤ ਕੌਰ ਪੰਜਾਬ ਦੇ ਮੁਕਤਸਰ ‘ਚ ਪਿੰਡ ਬਾਦਲ ਦੀ ਰਹਿਣ ਵਾਲੀ ਹੈ। ਉਹ ਖੁਦ ਕਹਿੰਦੇ ਹਨ ਕਿ ਉਹ ਪੜ੍ਹਾਈ ‘ਚ ਕਮਜ਼ੋਰ ਸਨ, ਜਿਸ ਤੋਂ ਬਾਅਦ ਉਹਨਾਂ ਦੇ ਕੋਚ ਨੇ ਇੱਕ ਸੂਬਾ ਪੱਧਰੀ ਪ੍ਰਤੀਯੋਗਤਾ ‘ਚ ਹਿੱਸਾ ਲੈਣ ਲਈ ਕਿਹਾ ਸੀ। ਉਸ ਪ੍ਰਤੀਯੋਗਤਾ ‘ਚ ਕਮਲਪ੍ਰੀਤ ਚੌਥਾ ਸਥਾਨ ਹਾਸਲ ਕਰਨ ‘ਚ ਕਾਮਯਾਬ ਰਹੀ ਸੀ। ਪੜ੍ਹਾਈ ‘ਚ ਕਮਜ਼ੋਰ ਹੋਣ ਦੇ ਚਲਦੇ ਕਮਲਪ੍ਰੀਤ ਨੂੰ ਲੱਗਿਆ ਕਿ ਉਹਨਾਂ ਨੂੰ ਖੇਡ ‘ਤੇ ਧਿਆਨ ਦੇਣਾ ਚਾਹੀਦਾ ਹੈ, ਜਿਸ ਤੋਂ ਬਾਅਦ ਉਹਨਾਂ ਨੇ ਆਪਣਾ ਪੂਰਾ ਫੋਕਸ ਖੇਡਾਂ ‘ਤੇ ਰੱਖਿਆ।
