ਟੋਕਿਓ। ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਟੋਕਿਓ ਓਲੰਪਿਕ ਵਿਚ ਇਤਿਹਾਸ ਰਚ ਦਿੱਤਾ ਹੈ ਟੀਮ ਨੇ 41 ਸਾਲ ਦਾ ਮੈਡਲ ਦਾ ਸੋਕਾ ਖਤਮ ਕਰਦੇ ਹੋਏ ਬਰਾਉਂਸ ਮੈਡਲ ਭਾਰਤ ਦੀ ਝੋਲੀ ਪਾਇਆ ਹੈ ਇਸ ਤੋਂ ਪਹਿਲਾਂ ਓਲੰਪਿਕ ਵਿਚ ਹਾਕੀ ਟੀਮ ਨੇ 1980 ਵਿਚ ਗੋਲਡ ਮੈਡਲ ਆਪਣੇ ਨਾਂ ਕੀਤਾ ਸੀ। ਬ੍ਰਾਨਜ਼ ਮੈਡਲ ਮੈਚ ਵਿੱਚ ਟੀਮ ਇੰਡੀਆ ਨੇ ਜਰਮਨੀ ਨੂੰ 5-4 ਨਾਲ ਮਾਤ ਦਿੱਤੀ।
ਪਹਿਲੇ ਕੁਆਰਟਰ ‘ਚ ਹਾਵੀ ਰਿਹਾ ਜਰਮਨੀ
ਬ੍ਰਾਨਜ਼ ਮੈਡਲ ਮੈਚ ਦੇ ਪਹਿਲੇ ਕੁਆਰਟਰ ਵਿੱਚ ਜਰਮਨੀ ਦੀ ਟੀਮ ਭਾਰਤ ‘ਤੇ ਹਾਵੀ ਨਜ਼ਰ ਆਈ। ਜਰਮਨੀ ਨੇ ਮੈਚ ਦੇ ਦੂਜੇ ਹੀ ਮਿੰਟ ਗੋਲ ਕਰਕੇ ਭਾਰਤ ‘ਤੇ ਲੀਡ ਬਣਾ ਲਈ ਸੀ। ਪਹਿਲੇ ਕੁਆਰਟਰ ਦੇ ਖਤਮ ਹੋਣ ਤੋਂ ਠੀਕ ਪਹਿਲਾਂ ਉਸ ਨੂੰ 2 ਪੈਨਲਟੀ ਕਾਰਨਰ ਵੀ ਮਿਲੇ, ਪਰ ਭਾਰਤੀ ਗੋਲਕੀਪਰ ਸ਼੍ਰੀਜੇਸ਼ ਨੇ ਲਗਾਤਾਰ 2 ਸੇਵ ਕੀਤੇ।
ਦੂਜੇ ਕੁਆਰਟਰ ‘ਚ ਭਾਰਤ ਦਾ ਜਵਾਬੀ ਹਮਲਾ
ਦੂਜੇ ਕੁਆਰਟਰ ਦੀ ਸ਼ੁਰੂਆਤ ਤੋਂ ਹੀ ਟੀਮ ਇੰਡੀਆ ਨੇ ਵਾਪਸੀ ਕੀਤੀ ਅਤੇ 17ਵੇਂ ਮਿੰਟ ‘ਚ ਗੋਲ ਕਰਕੇ ਸਕੋਰ 1-1 ਦੀ ਬਰਾਬਰੀ ‘ਤੇ ਲਿਆ ਖੜ੍ਹਾ ਕੀਤਾ। ਇਸ ਤੋਂ ਬਾਅਦ ਜਰਮਨੀ ਦੀ ਟੀਮ ਨੇ ਲਗਾਤਾਰ 2 ਗੋਲ ਕੀਤੇ, ਪਰ ਭਾਰਤ ਨੇ ਅਟੈਕ ਕਰਨਾ ਨਹੀੰ ਛੱਡਿਆ। ਭਾਰਤ ਦੇ ਹਾਰਦਿਕ ਸਿੰਘ ਨੇ 27ਵੇਂ ਅਤੇ ਹਰਮਨਪ੍ਰੀਤ ਸਿੰਘ ਨੇ 29ਵੇਂ ਮਿੰਟ ‘ਚ ਗੋਲ ਕਰਕੇ ਸਕੋਰ 3-3 ਨਾਲ ਬਰਾਬਰ ਕਰ ਦਿੱਤਾ। ਹਾਫ ਟਾਈਮ ਤੱਕ ਮੈਚ ਦਾ ਸਕੋਰ ਇਹੀ ਰਿਹਾ।
ਤੀਜੇ ਤੇ ਚੌਥੇ ਕੁਆਰਟਰ ‘ਚ ਭਾਰਤ ਨੇ ਵਿਖਾਇਆ ਦਮ
ਹਾਫ ਟਾਈਮ ਤੋਂ ਬਾਅਦ 31ਵੇਂ ਮਿੰਟ ‘ਚ ਰੁਪਿੰਦਰਪਾਲ ਸਿਂਘ ਨੇ ਪੈਨਲਟੀ ਕਾਰਨਰ ‘ਤੇ ਗੋਲ ਕਰਕੇ ਭਾਰਤ ਨੂੰ 4-3 ਦੀ ਲੀਡ ਦਵਾਈ। ਇਸ ਤੋਂ ਠੀਕ 3 ਮਿੰਟਾਂ ਬਾਅਦ ਸਿਮਰਨਜੀਤ ਸਿੰਘ ਨੇ ਗੋਲ ਕਰਕੇ ਲੀਡ ਨੂੰ 5-3 ਕਰ ਦਿੱਤਾ। ਚੌਥੇ ਕੁਆਰਟਰ ‘ਚ ਜਰਮਨੀ ਦੀ ਟੀਮ ਨੇ ਇੱਕ ਹੋਰ ਗੋਲ ਕਰਕੇ ਮੈਚ ‘ਚ ਫਿਰ ਵਾਪਸੀ ਦੀ ਕੋਸ਼ਿਸ਼ ਕੀਤੀ, ਬਾਵਜੂਦ ਇਸਦੇ ਭਾਰਤ 5-4 ‘ਤੇ ਮੈਚ ਖਤਮ ਕਰਨ ‘ਚ ਕਾਮਯਾਬ ਰਿਹਾ।
ਟੋਕਿਓ ਓਲੰਪਿਕ ‘ਚ ਭਾਰਤ ਨੂੰ ਹੁਣ ਤੱਕ 4 ਮੈਡਲ
ਜਿਕਰੇਖਾਸ ਹੈ ਕਿ ਟੋਕਿਓ ਓਲੰਪਿਕ ‘ਚ ਇਹ ਭਾਰਤ ਦਾ ਚੌਥਾ ਮੈਡਲ ਹੈ। ਸਭ ਤੋਂ ਪਹਿਲਾਂ ਮੀਰਾਬਾਈ ਚਾਨੂ ਨੇ ਵੇਟ ਲਿਫਟਿੰਗ ‘ਚ 49 ਕਿੱਲੋ ਭਾਰ ਵਰਗ ‘ਚ ਸਿਲਵਰ ਮੈਡਲ ਆਪਣੇ ਨਾਂਅ ਕੀਤਾ ਸੀ। ਇਸ ਤੋਂ ਬਾਅਦ ਪੀਵੀ ਸਿੰਧੂ ਨੇ ਬੈਡਮਿੰਟਨ ‘ਚ ਬ੍ਰਾਨਜ਼ ਮੈਡਲ ਹਾਸਲ ਕੀਤਾ। ਬਾਕਸਿੰਗ ‘ਚ ਲਵਲੀਨਾ ਬੋਰਗੋਹੇਨ ਨੇ ਵੀ ਬ੍ਰਾਨਜ਼ ਭਾਰਤ ਦੀ ਝੋਲੀ ਪਾਇਆ। ਅਤੇ ਹੁਣ ਪੁਰਸ਼ ਹਾਕੀ ਟੀਮ ਨੇ ਬ੍ਰਾਨਜ਼ ਮੈਡਲ ਆਪਣੇ
