ਨਵੀਂ ਦਿੱਲੀ। ਕੇਂਦਰ ਦੇ ਤਿੰਨ ਖੇਤੀ ਕਾਨੂੰਨਾਂ ਤੇ ਸੰਸਦ ਤੋਂ ਲੈ ਕੇ ਸੜਕ ਤੱਕ ਸੰਗਰਾਮ ਛਿੜਿਆ ਹੈ। ਕਿਸਾਨ ਜਥੇਬੰਦੀਆਂ ਤੋਂ ਇਲਾਵਾ ਤਮਾਮ ਵਿਰੋਧੀ ਪਾਰਟੀਆਂ ਸਰਕਾਰ ਦੇ ਖਿਲਾਫ ਮੋਰਚਾ ਖੋਲ੍ਹ ਕੇ ਬੈਠੀਆਂ ਹਨ, ਪਰ ਇਸ ਵਿਚਾਲੇ ਬੁਧਵਾਰ ਨੂੰ 2 ਵੱਡੀਆਂ ਸਿਆਸੀ ਪਾਰਟੀਆਂ ਦੇ ਆਗੂ ਆਪਸ ਵਿਚ ਉਲਝ ਗਏ। ਸੰਸਦ ਦੇ ਬਾਹਰ ਖੇਤੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨਾਲ ਕਾਂਗਰਸੀ ਸਾਂਸਦ ਰਵਨੀਤ ਸਿੰਘ ਬਿੱਟੂ ਦੀ ਤਿੱਖੀ ਬਹਿਸ ਹੋਈ।
ਤਖਤੀਆਂ ਲੈ ਕੇ ਸੰਸਦ ਦੇ ਬਾਹਰ ਪ੍ਰਦਰਸ਼ਨ ਕਰ ਰਹੇ ਹਰਸਿਮਰਤ ਕੌਰ ਬਾਦਲ ਦੇ ਕੋਲ ਆ ਕੇ ਰਵਨੀਤ ਬਿੱਟੂ ਨੇ ਕਿਹਾ, “ਤੁਹਾਡਾ ਇਹ ਪ੍ਰਦਰਸ਼ਨ ਨਕਲੀ ਹੈ।” ਬਿੱਟੂ ਨੇ ਕਿਹਾ ਕਿ ਜਦੋਂ ਬਿਲ ਪਾਸ ਹੋਏ ਉਸ ਵੇਲੇ ਹਰਸਿਮਰਤ ਬਾਦਲ ਕੇਂਦਰ ਵਿੱਚ ਮੰਤਰੀ ਸਨ ਤੇ ਉਹਨਾਂ ਨੇ ਖੁਦ ਸੰਸਦ ਤੋਂ ਇਸ ਬਿਲ ਨੂੰ ਪਾਸ ਕਰਾਇਆ ਹੈ। ਉਨ੍ਹਾਂ ਕਿਹਾ ਕਿ ਹਰਸਿਮਰਤ ਨੇ ਆਪਣਾ ਅਹੁਦਾ ਉਦੋਂ ਛੱਡਿਆ, ਜਦੋਂ ਜਨਤਾ ਵਿੱਚ ਵਿਰੋਧ ਸ਼ੁਰੂ ਹੋ ਗਿਆ ਸੀ।
ਬਿੱਟੂ ਦੀ ਇਸ ਟਿੱਪਣੀ ‘ਤੇ ਹਰਸਿਮਰਤ ਕੌਰ ਬਾਦਲ ਨੇ ਕਿਹਾ, “ਮੈਂ ਮੰਤਰੀ ਨਹੀਂ ਸੀ। ਮੈਂ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਸੀ।” ਇਸ ‘ਤੇ ਰਵਨੀਤ ਬਿੱਟੂ ਬੋਲੇ, “ਤੁਸੀਂ ਮੰਤਰੀ ਰਹਿੰਦੇ ਹੋਏ ਕੋਈ ਵਿਰੋਧ ਨਹੀਂ ਕੀਤਾ। ਬਿੱਲ ਪਾਸ ਹੋਇਆ, ਤਾਂ ਵੀ ਕੁਝ ਨਹੀਂ ਕਿਹਾ। ਫਿਰ ਘਰ ਜਾ ਕੇ ਅਸਤੀਫਾ ਦੇ ਦਿੱਤਾ।”
ਹਰਸਿਮਰਤ ਬਾਦਲ ਬਿੱਲ ਪਾਸ ਹੋਣ ਤੋਂ ਬਾਅਦ ਪਾਰਲੀਮੈਂਟ ਦੇ ਬਾਹਰ ਡਰਾਮਾ ਕਰਦੇ ਨਜ਼ਰ ਆਉਂਦੇ ਨੇ ਪਰ ਬਿੱਲ ਪਾਸ ਹੋਣ ਤੋਂ ਪਹਿਲਾਂ ਜਦੋਂ ਪਾਰਲੀਮੈਂਟ ਦੇ ਅੰਦਰ ਬੋਲਣ ਦਾ ਮੌਕਾ ਸੀ ਓਦੋਂ ਇਨ੍ਹਾਂ ਨੇ ਮੋਦੀ ਸਰਕਾਰ ਦੀ ਕੈਬਿਨੇਟ ਵਿੱਚ ਬੈਠ ਕੇ ਕਾਲੇ ਕਾਨੂੰਨਾਂ ਨੂੰ ਪਾਸ ਕਰਾਏ। pic.twitter.com/5OJyqjqZZF
— Ravneet Singh Bittu (@RavneetBittu) August 4, 2021
ਹਰਸਿਮਰਤ ਕੌਰ ਬਾਦਲ ਨੇ ਕਿਹਾ, “ਤੁਹਾਡੇ ਭੱਜਣ ਦੀ ਵਜਾ ਨਾਲ ਅਜਿਹਾ ਹੋਇਆ ਸੀ। ਰਾਹੁਲ ਗਾਂਧੀ ਨੇ ਸੰਸਦ ਛੱਡ ਦਿੱਤੀ ਅਤੇ ਕਾਂਗਰਸ ਦੇ ਵਾਕ ਆਊਟ ਕਾਰਨ ਬਿੱਲ ਪਾਸ ਹੋ ਗਏ। ਬਿੱਟੂ ਨੇ ਕਿਹਾ, “ਇਹ ਲੋਕ ਡਰਾਮਾ ਕਰ ਰਹੇ ਹਨ। ਪੂਰੀ ਤਰ੍ਹਾਂ ਝੂਠੇ ਹਨ ਇਹ ਲੋਕ। ਬਿੱਲ ਪਾਸ ਹੋਣ ਤੋਂ ਬਾਅਦ 2 ਮਹੀਨੇ ਤੱਕ ਸੁਖਬੀਰ ਬਾਦਲ ਅਤੇ ਪ੍ਰਕਾਸ਼ ਸਿੰਘ ਬਾਦਲ ਗਾਇਬ ਰਹੇ।”
ਬਾਦਲਾਂ ਦੀ ਸੱਚਾਈ ਤੁਹਾਡੇ ਸਾਹਮਣੇ ਹੈ pic.twitter.com/6v1zgZQfGw
— Ravneet Singh Bittu (@RavneetBittu) August 4, 2021
ਸੰਸਦ ਦੇ ਬਾਹਰ ਹੋਈ ਇਸ ਤਕਰਾਰ ਤੋਂ ਬਾਅਦ ਅਕਾਲੀ ਦਲ, ਰਵਨੀਤ ਬਿੱਟੂ ‘ਤੇ ਭੜਕ ਉੱਠਿਆ। ਅਕਾਲੀ ਦਲ ਦੇ ਆਗੂਆਂ ਨੇ ਬਿੱਟੂ ਨੂੰ ਬੀਜੇਪੀ ਦਾ ਏਜੰਟ ਤੱਕ ਦੱਸ ਦਿੱਤਾ। ਅਕਾਲੀ ਆਗੂ ਹਰਚਰਨ ਬੈਂਸ ਨੇ ਟਵੀਟ ਕੀਤਾ, “ਰਾਹੁਲ ਗਾਂਧੀ, ਜਿਹੜੇ ਕਿਸਾਨਾਂ ਦੀ ਰਾਖੀ ਲਈ ਬੀਜੇਪੀ ਨਾਲ ਲੜ ਰਹੇ ਹਨ, ਕੀ ਉਹਨਾਂ ਨਾਲ ਲੜਨ ਲਈ ਤੁਹਾਨੂੰ ਵਾਕਈ ਕਿਸੇ ਨੂੰ ਕਹਿਣ ਦੀ ਲੋੜ ਹੈ? ਕੀ ਇਹ ਕਾਫੀ ਨਹੀਂ ਕਿ ਤੁਸੀਂ ਆਪਣੇ ਲੋਕਾਂ ਨੂੰ ਖੇਤੀ ਬਿੱਲਾਂ ਖਿਲਾਫ ਵੋਟ ਪਾਉਣ ਦੀ ਇਜਾਜ਼ਤ ਨਹੀਂ ਦਿੱਤੀ?”
@RahulGandhi Did u really have to depute sm1to fight those who r fighting BJP in defense of farmers? Wasn't it enough that U didn't allow your ppl to vote against farm Bills? Must you try & fightng those who r fighting to save farmers pic.twitter.com/Ie7Nbino9k
— Harcharan Bains (@Harcharan_Bains) August 4, 2021
ਉਧਰ ਕਾਂਗਰਸੀ ਆਗੂ ਬਿੱਟੂ ਦੇ ਬਚਾਅ ਵਿੱਚ ਉਤਰ ਆਏ ਹਨ। ਕਾਂਗਰਸੀ ਆਗੂ ਪ੍ਰਤਾਪ ਬਾਜਵਾ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ, “ਮੇਰੇ ਸਾਥੀ ਰਵਨੀਤ ਬਿੱਟੂ ਸਹੀ ਕਹਿ ਰਹੇ ਹਨ। ਹਰਸਿਮਰਤ ਬਾਦਲ ਕੈਬਨਿਟ ਦਾ ਹਿੱਸਾ ਸਨ ਅਤੇ ਅਕਾਲੀ ਦਲ ਨੇ ਜੂਨ 2020 ਵਿੱਚ ਖੇਤੀ ਕਾਨੂੰਨਾਂ ਦਾ ਸਮਰਥਨ ਕੀਤਾ ਸੀ। ਅਕਾਲੀ ਦਲ ਇਨ੍ਹਾਂ ਕਾਨੂੰਨਾਂ ਲਈ ਓਨਾ ਹੀ ਗੁਨਾਹਗਾਰ ਹੈ, ਜਿੰਨਾ ਕਿ ਬੀਜੇਪੀ। ਉਨ੍ਹਾਂ ਦਾ ਵਿਰੋਧ ਮੌਕਾਪ੍ਰਸਤੀ ਹੈ। ਉਹ ਕਦੇ ਵੀ ਕਿਸਾਨਾਂ ਲਈ ਨਹੀਂ ਖੜੇ ਹੋਏ।”
My colleague @RavneetBittu is correct. @HarsimratBadal_ held a cabinet post & SAD supported the farm laws in June 2020.
SAD is as much at fault for these laws as the BJP. Their opposition is opportunistic. They have never stood for the farmers.
Their protest is just tokenism. https://t.co/QUfF96nY5L
— Partap Singh Bajwa (@Partap_Sbajwa) August 4, 2021
ਇਕ ਹੋਰ ਟਵੀਟ ਵਿੱਚ ਉਹਨਾਂ ਲਿਖਿਆ, “ਜਦੋਂ ਮੌਕਾ ਮਿਲਿਆ ਤਾਂ ਕਾਲੇ ਕਾਨੂੰਨਾਂ ਤੇ ਹਸਤਾਖਰ ਕੀਤੇ। ਹੁਣ ਮੌਕਾ ਮਿਲਿਆ ਤਾਂ ਉਨ੍ਹਾਂ ਹੀ ਕਾਨੂੰਨਾਂ ਦੇ ਵਿਰੋਧੀ ਬਣ ਗਏ। ਅਕਾਲੀ ਦਲ ਸਿਰਫ ਦਲ ਬਦਲਣਾ ਜਾਣਦਾ ਹੈ।”
जब मौका मिला तो काले कानूनों पर हस्ताक्षर किए,
अब मौका मिला तो उन्ही कानूनों के विरोधी बन गए!अकाली दल सिर्फ दल बदलना जानता है! pic.twitter.com/VZG7zVAqZf
— Partap Singh Bajwa (@Partap_Sbajwa) August 4, 2021
