ਬਿਓਰੋ। ਸੱਤ ਸਮੰਦਰੋੰ ਪਾਰ ਚੋਰੀ ਦੇ ਮਾਮਲੇ ਨੂੰ ਸੁਲਝਾਏ ਜਾਣ ਦਾ ਇੱਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜੋ ਆਪਣੇ ਆਪ ਵਿੱਚ ਹੀ ਕਾਫੀ ਦਿਲਚਸਪ ਹੈ। ਕੈਨੇਡਾ ਵਿੱਚ ਇੱਕ ਸੰਗੀਤਕਾਰ ਨੇ ਠੀਕ 15 ਸਾਲਾੰ ਬਾਅਦ ਆਪਣੇ ਚੋਰੀ ਹੋਏ ਗਿਟਾਰ ਨੂੰ ਲੱਭ ਕੇ ਪੁਲਿਸ ਨੂੰ ਸੂਚਿਤ ਕੀਤਾ, ਜਿਸ ਤੋੰ ਬਾਅਦ ਪੁਲਿਸ ਨੇ ਮੌਕੇ ਤੋੰ ਗਿਟਾਰ ਬਰਾਮਦ ਕਰਕੇ ਉਸਦੇ ਹਵਾਲੇ ਕਰ ਦਿੱਤਾ।
ਮਾਮਲਾ ਜੁਲਾਈ 2007 ਦਾ ਹੈ, ਜਦੋੰ ਸਰੀ ਦੇ ਇੱਕ ਸਟੋਰੇਜ ਲਾਕਰ ‘ਚੋੰ ਕਈ ਗਿਟਾਰ ਚੋਰੀ ਹੋਏ ਸਨ। ਇਹਨਾੰ ਵਿਚੋੰ 14 ਗਿਟਾਰ ਸੰਗੀਤਕਾਰ ਮਿੱਚ ਮੇਰਟ ਦੇ ਸਨ। ਉਸ ਵਕਤ ਗਿਟਾਰਾੰ ਦੀ ਕੀਮਤ 25 ਹਜ਼ਾਰ ਡਾਲਰ ਸੀ। ਪੁਲਿਸ ਉਸ ਵਕਤ 3 ਗਿਟਾਰ ਹੀ ਲੱਭਣ ਵਿੱਚ ਕਾਮਯਾਬ ਰਹੀ ਸੀ। ਹਾਲਾੰਕਿ ਬਾਅਦ ਵਿੱਚ 2 ਹੋਰ ਗਿਟਾਰ Ridge Meadows ਅਤੇ Vancouver police ਵੱਲੋੰ ਬਰਾਮਦ ਕਰ ਲਏ ਗਏ ਸਨ।
ਘਟਨਾ ਦੇ ਠੀਕ 15 ਸਾਲਾੰ ਬਾਅਦ, 6 ਜੁਲਾਈ 2022 ਨੂੰ ਸੰਗੀਤਕਾਰ ਮਿੱਚ ਮੇਰਟ ਨੇ ਪੁਲਿਸ ਨੂੰ ਫੋਨ ‘ਤੇ ਸੂਚਨਾ ਦਿੱਤੀ ਕਿ ਵੈਨਕੁਵਰ ‘ਚ ਇੱਕ ਦੁਕਾਨ ‘ਤੇ ਲੱਗੀ ਸੇਲ ਵਿੱਚ ਇੱਕ ਗਿਟਾਰ ਵੀ ਮੌਜੂਦ ਹੈ, ਜੋ ਉਹਨਾੰ ਨੂੰ ਆਪਣਾ ਚੋਰੀ ਹੋਇਆ ਗਿਟਾਰ ਹੀ ਲੱਗ ਰਿਹਾ ਹੈ। ਅਗਲੇ ਹੀ ਦਿਨ 7 ਜੁਲਾਈ ਦੀ ਸਵੇਰ ਪੁਲਿਸ ਉਸ ਦੁਕਾਨ ‘ਤੇ ਪਹੁੰਚੀ ਅਤੇ ਗਿਟਾਰ ਦੀ ਪਛਾਣ ਕਰਕੇ ਉਸ ਨੂੰ ਬਰਾਮਦ ਕੀਤਾ ਅਤੇ ਮੇਰਟ ਦੇ ਹਵਾਲੇ ਕੀਤਾ।
ਮੇਰਟ ਲਈ ਗਿਟਾਰ ਦੀ ਖਾਸ ਅਹਿਮੀਅਤ
ਇਸ ਗਿਰਾਟ ਦੀ ਮਿੱਚ ਮੇਰਟ ਦੇ ਦਿਲ ਵਿੱਚ ਬੇਹੱਦ ਖਾਸ ਜਗ੍ਹਾ ਹੈ, ਕਿਉੰਕਿ ਉਸ ਨੂੰ ਇਹ ਗਿਟਾਰ ਉਸਦੇ ਪਿਤਾ ਨੇ ਗਿਫਟ ਕੀਤਾ ਸੀ। ਪਿਤਾ ਵੱਲੋੰ ਮਿਲੇ ਗਿਫਟ ਦੇ ਚਲਦੇ ਉਸ ਦੀਆੰ ਭਾਵਨਾਵਾੰ ਇਸ ਗਿਟਾਰ ਨਾਲ ਜੁੜੀਆੰ ਸਨ। ਸ਼ਾਇਦ ਇਹੀ ਵਜ੍ਹਾ ਰਹੀ ਕਿ ਜਿਸ ਗਿਟਾਰ ਨੂੰ ਪੁਲਿਸ ਨਹੀੰ ਲੱਭ ਸਕੀ, ਉਸ ਨੂੰ ਖੁਦ ਮਿੱਚ ਮੇਰਟ ਨੇ ਲੱਭ ਲਿਆ ਅਤੇ ਪੁਲਿਸ ਦੀ ਮਦਦ ਨਾਲ ਉਸ ਨੂੰ ਮੁੜ ਹਾਸਲ ਕੀਤਾ।
ਆਮ ਲੋਕਾੰ ਨੂੰ ਪੁਲਿਸ ਦੀ ਅਪੀਲ
ਮਿੱਚ ਮੇਰਟ ਦੀ ਮਦਦ ਨਾਲ ਇਸ ਗਿਟਾਰ ਨੂੰ ਲੱਭਣ ਤੋੰ ਬਾਅਦ ਹੁਣ ਕੈਨੇਡੀਅਨ ਪੁਲਿਸ ਨੇ ਆਮ ਲੋਕਾੰ ਨੂੰ ਅਪੀਲ ਕੀਤੀ ਹੈ ਕਿ ਉਹ ਮੇਰਟ ਦੇ ਬਾਕੀ ਗਿਟਾਰ ਲੱਭਣ ਵਿੱਚ ਪੁਲਿਸ ਦੀ ਮਦਦ ਕਰਨ। ਪੁਲਿਸ ਨੇ ਬਿਆਨ ਜਾਰੀ ਕਰਕੇ ਕਿਹਾ ਕਿ ਹੋ ਸਕਦਾ ਹੈ ਲੋਕਾੰ ਨੇ ਕੁਝ ਹੋਰ ਅਜਿਹੇ ਗਿਟਾਰ ਖਰੀਦੇ ਹਨ, ਜੋ ਚੋਰੀ ਦੇ ਹੋ ਸਕਦੇ ਹਨ। ਜੇਕਰ ਉਹਨਾੰ ਨੂੰ ਅਜਿਹਾ ਲਗਦਾ ਹੈ, ਤਾੰ ਉਹ ਪੁਲਿਸ ਨਾਲ ਸੰਪਰਕ ਕਰ ਸਕਦੇ ਹਨ।
