ਪਟਿਆਲਾ ਦੀ ਕੇੰਦਰੀ ਜੇਲ੍ਹ ਵਿੱਚ ਬੰਦ ਸਾਬਕਾ ਕ੍ਰਿਕਟਰ ਅਤੇ ਕਾੰਗਰਸੀ ਆਗੂ ਨਵਜੋਤ ਸਿੰਘ ਸਿੱਧੂ ਦੀ ਸ਼ਨੀਵਾਰ ਨੂੰ ਅਚਾਨਕ ਤਬੀਅਤ ਵਿਗੜ ਗਈ। ਉਹਨਾੰ ਨੂੰ ਗੋਡੇ ਵਿੱਚ ਦਰਦ ਹੋਣ ਲੱਗਿਆ, ਜਿਸਦੇ ਚਲਦੇ ਤੁਰੰਤ ਡਾਕਟਰਾੰ ਦੀ ਟੀਮ ਵੱਲੋੰ ਉਹਨਾੰ ਦੀ ਜਾੰਚ ਕੀਤੀ ਗਈ। ਮੈਡੀਕਲ ਜਾੰਚ ਤੋੰ ਬਾਅਦ ਸਿੱਧੂ ਨੂੰ ਬੈਰਕ ਵਿੱਚ ਸੌਣ ਲਈ ਬੈੱਡ ਦੇਣ ਦੀ ਸਿਫਾਰਿਸ਼ ਕੀਤੀ ਗਈ ਹੈ। ਇਸ ਤੋੰ ਪਹਿਲਾੰ ਉਹ ਆਮ ਕੈਦੀਆੰ ਵਾੰਗ ਫਰਸ਼ ‘ਤੇ ਹੀ ਸੌ ਰਹੇ ਹਨ।
ਇਸ ਤੋੰ ਇਲਾਵਾ ਡਾਕਟਰਾੰ ਦੀ ਟੀਮ ਨੇ ਉਹਨਾੰ ਨੂੰ ਗੋਡਿਆੰ ਲਈ ਕੁਝ ਐਕਸਰਸਾਈਜ਼ ਵੀ ਦੱਸੀਆੰ ਹਨ, ਤਾੰ ਜੋ ਉਹਨਾੰ ਨੂੰ ਮਜਬੂਤੀ ਮਿਲ ਸਕੇ। ਨਾਲ ਹੀ ਵਜ਼ਨ ਘਟਾਉਣ ਦੀ ਵੀ ਸਲਾਹ ਦਿੱਤੀ ਹੈ।
ਵਜ਼ਨ ਵਧਣ ਕਾਰਨ ਹੋ ਰਹੀ ਸੀ ਪਰੇਸ਼ਾਨੀ
ਦਰਅਸਲ, ਪਟਿਆਲਾ ਜੇਲ੍ਹ ਦੀ ਬੈਰਕ ਨੰਬਰ 10 ਵਿੱਚ ਬੰਦ ਨਵਜੋਤ ਸਿੱਧੂ ਲਗਾਤਾਰ ਫਰਸ਼ ‘ਤੇ ਸੌ ਰਹੇ ਸਨ। ਪਰ ਉਹਨਾੰ ਦਾ ਵਜ਼ਨ ਵਧਣ ਦੇ ਚਲਦੇ 6 ਫੁੱਟ ਲੰਮੇ ਸਿੱਧੂ ਨੂੰ ਫਰਸ਼ ਤੋੰ ਉਠਣ ਵੇਲੇ ਪਰੇਸ਼ਾਨੀ ਹੋ ਰਹੀ ਸੀ। ਇਸੇ ਦੇ ਚਲਦੇ ਡਾਕਟਰਾੰ ਦੀ ਟੀਮ ਨੇ ਉਹਨਾੰ ਨੂੰ ਬੈੱਡ ਦੇਣ ਦੀ ਸਿਫਾਰਿਸ਼ ਕੀਤੀ ਹੈ। ਨਾਲ ਹੀ ਕੱਦ ਅਤੇ ਵਜ਼ਨ ਦੇ ਹਿਸਾਬ ਨਾਲ ਉਹਨਾੰ ਦੀ ਟਾਇਲਟ ਸੀਟ ਵੀ ਉੱਚੀ ਕਰਵਾਈ ਜਾ ਰਹੀ ਹੈ।
ਸਿੱਧੂ ਨੂੰ ਪਹਿਲਾੰ ਤੋੰ ਲੀਵਰ ਦੀ ਸਮੱਸਿਆ
ਕਾਬਿਲੇਗੌਰ ਹੈ ਕਿ ਨਵਜੋਤ ਸਿੱਧੂ ਨੂੰ ਪਹਿਲਾੰ ਤੋੰ ਹੀ ਲੀਵਰ ਦੀ ਸਮੱਸਿਆ ਸੀ, ਜਿਸਦੇ ਚਲਦੇ ਉਹ PGI ਚੰਡੀਗੜ੍ਹ ਵਿੱਚ ਐਡਮਿਟ ਵੀ ਰਹੇ ਸਨ। ਸੁਪਰੀਮ ਕੋਰਟ ਵੱਲੋੰ ਸਜ਼ਾ ਦੇ ਐਲਾਨ ਦੇ ਸਮੇੰ ਵੀ ਸਿੱਧੂ ਨੇ ਆਪਣੀਆੰ ਬਿਮਾਰੀਆੰ ਬਾਰੇ ਜਾਣਕਾਰੀ ਦਿੱਤੀ ਸੀ ਅਤੇ ਜੇਲ੍ਹ ਅੰਦਰ ਸਪੈਸ਼ਲ ਡਾਈਟ ਮੰਗੀ ਸੀ। ਦੱਸ ਦਈਏ ਕਿ ਨਵਜੋਤ ਸਿੰਘ ਸਿੱਧੂ ਸਾਲਾੰ ਪੁਰਾਣੇ ਰੋਡਰੇਜ ਕੇਸ ਵਿੱਚ 1 ਸਾਲ ਕੈਦ ਦੀ ਸਜ਼ਾ ਭੁਗਤ ਰਹੇ ਹਨ।
