September 21, 2022
(Chandigarh)
ਪੰਜਾਬ ਦੇ ਸਾਬਕਾ ਵਿਧਾਨ ਸਭਾ ਸਪੀਕਰ ਅਤੇ ਸੀਨੀਅਰ ਕਾੰਗਰਸੀ ਆਗੂ ਰਾਣਾ ਕੇਪੀ ਸਿੰਘ ‘ਤੇ ਗੈਰ-ਕਾਨੂੰਨੀ ਮਾਈਨਿੰਗ ਵਿੱਚ ਸ਼ਮੂਲੀਅਤ ਦਾ ਇਲਜ਼ਾਮ ਲੱਗਿਆ ਹੈ। ਸੂਬੇ ਦੇ ਮਾਈਨਿੰਗ ਮੰਤਰੀ ਹਰਜੋਤ ਸਿੰਘ ਬੈੰਸ ਨੇ ਪੰਜਾਬ ਵਿਜੀਲੈੰਸ ਬਿਓਰੋ ਨੂੰ ਰਾਣਾ ਕੇਪੀ ‘ਤੇ ਲੱਗੇ ਇਲਜ਼ਾਮਾੰ ਦੀ ਜਾੰਚ ਕਰਨ ਲਈ ਕਿਹਾ ਹੈ। ਵਿਭਾਗ ਦੇ ਸੀਨੀਅਰ ਅਧਿਕਾਰੀਆੰ ਦੀ ਇੱਕ ਕਮੇਟੀ ਵੀ ਮਾਮਲੇ ਦੀ ਆਪਣੇ ਪੱਧਰ ‘ਤੇ ਜਾੰਚ ਕਰੇਗੀ।
ਮਾਈਨਿੰਗ ਮੰਤਰੀ ਹਰਜੋਤ ਬੈੰਸ ਨੇ ਦਾਅਵਾ ਕੀਤਾ ਕਿ CBI ਨੇ ਪਿਛਲੇ ਸਾਲ ਜੁਲਾਈ ਮਹੀਨੇ ਵਿੱਚ ਸੂਬੇ ਦੇ ਮੁੱਖ ਸਕੱਤਰ ਨੂੰ ਸਾਬਕਾ ਸਪੀਕਰ ਦੀ ਭੂਮਿਕਾ ਦੀ ਜਾੰਚ ਕਰਨ ਲਈ ਕਿਹਾ ਸੀ, ਪਰ ਉਸ ਵਕਤ ਸਰਕਾਰ ਵੱਲੋੰ ਮਾਮਲਾ ਦਬਾ ਦਿਤਾ ਗਿਆ ਸੀ।
ਰਾਣਾ ਕੇਪੀ ‘ਤੇ ਇਹ ਹਨ ਇਲਜ਼ਾਮ
ਵਿਜੀਲੈੰਸ ਨੂੰ ਲਿਖੇ ਪੱਤਰ ‘ਚ ਬੈੰਸ ਨੇ ਕਿਹਾ ਕਿ ਸ਼ੁਰੂਆਤੀ ਜਾੰਚ ਵਿੱਚ ਸਾਹਮਣੇ ਆਇਆ ਹੈ ਕਿ ਰੋਪੜ ਅਤੇ ਅਨੰਦਪੁਰ ਸਾਹਿਬ ਵਿੱਚ ਕ੍ਰਸ਼ਰ ਮਾਲਕਾੰ ਤੋੰ ਰਾਣਾ ਕੇਪੀ ਦੇ ਸਾਥੀਆੰ ਨੇ Protection money ਵਜੋੰ ਲੱਖਾੰ ਰੁਪਏ ਦੀ ਪੇਮੈੰਟ ਲਈ ਸੀ। ਬੈੰਸ ਨੇ ਇਹ ਵੀ ਇਲਜ਼ਾਮ ਲਾਇਆ ਕਿ ਅਨੰਦਪੁਰ ਸਾਹਿਬ ਵਿੱਚ ਕਈ ਕ੍ਰਸ਼ਰ ਰਾਣਾ ਕੇਪੀ ਦੇ ਕਰੀਬੀਆੰ ਵੱਲੋੰ ਚਲਾਏ ਜਾ ਰਹੇ ਹਨ ਅਤੇ ਭ੍ਰਿਸ਼ਟਾਚਾਰ ਤਹਿਤ ਕਮਾਏ ਗਏ ਪੈਸਿਆੰ ਨਾਲ ਕਰੋੜਾੰ ਦੀ ਜਾਇਦਾਦ ਖਰੀਦੀ ਗਈ ਹੈ। ਉਹਨਾੰ ਇਲਜ਼ਾਮ ਲਾਇਆ ਕਿ ਵਿਕਾਸ ਕਾਰਜਾੰ ਨੂੰ ਚਲਾਉਣ ਵਾਲੀਆੰ ਕੰਪਨੀਆੰ ਨੂੰ ਚੁਣਿੰਦਾ ਕ੍ਰਸ਼ਰਜ਼ ਤੋੰ ਵੱਧ ਪੈਸਿਆੰ ‘ਤੇ ਮੈਟੀਰੀਅਲ ਖਰੀਦਣ ਲਈ ਵੀ ਮਜਬੂਰ ਕੀਤਾ ਗਿਆ।
ਮੇਰੇ ਖਿਲਾਫ਼ CBI ਜਾਂਚ ਹੋਵੇ- ਰਾਣਾ ਕੇਪੀ
ਆਪਣੇ ਖਿਲਾਫ਼ ਵਿਜੀਲੈੰਸ ਜਾੰਚ ਦੇ ਆਦੇਸ਼ਾੰ ਤੋੰ ਭੜਕੇ ਸਾਬਕਾ ਸਪੀਕਰ ਰਾਣਾ ਕੇਪੀ ਸਿੰਘ ਨੇ ‘ਆਪ’ ‘ਤੇ ਪਲਟਵਾਰ ਕੀਤਾ ਹੈ। ਉਹਨਾੰ ਕਿਹਾ ਕਿ CBI ਦੀ ਜਿਸ ਜਾੰਚ ਦਾ ਮਾਈਨਿੰਗ ਮੰਤਰੀ ਜ਼ਿਕਰ ਕਰ ਰਹੇ ਹਨ, ਉਹ ਕਦੇ ਹੋਈ ਹੀ ਨਹੀੰ। ਉਹਨਾੰ ਕਿਹਾ, “ਮੈੰ ਖੁਦ ਸੀਐੱਮ ਭਗਵੰਤ ਮਾਨ ਨੂੰ ਮਿਲ ਕੇ ਮਾਮਲੇ ਦੀ CBI ਜਾੰਚ ਦੀ ਮੰਗ ਕਰਾੰਗਾ। ਜੇਕਰ ਅਜਿਹਾ ਨਾ ਹੋਇਆ, ਤਾੰ ਕੋਰਟ ਦਾ ਦਰਵਾਜ਼ਾ ਖੜਕਾਵਾੰਗਾ।”
ਹਰਜੋਤ ਬੈੰਸ ਨੂੰ ਅਹੁਦੇ ਤੋੰ ਹਟਾਉਣ ਦੀ ਮੰਗ
ਇਸਦੇ ਨਾਲ ਹੀ ਰਾਣਾ ਕੇਪੀ ਸਿੰਘ ਨੇ ਇਹ ਵੀ ਕਿਹਾ ਕਿ ਹਰਜੋਤ ਸਿੰਘ ਬੈੰਸ ਉਹਨਾੰ ਨਾਲ ਨਿੱਜੀ ਰੰਜਿਸ਼ ਕੱਢ ਰਹੇ ਹਨ। ਚੋਣਾੰ ਦੌਰਾਨ ਇੱਕ-ਦੂਜੇ ਖਿਲਾਫ਼ ਕੂੜ ਪ੍ਰਚਾਰ ਦੇ ਚਲਦੇ ਉਹ ਸਿਆਸੀ ਬਦਲਾਖੋਰੀ ਤਹਿਤ ਇਹ ਇਲਜ਼ਾਮ ਲਗਾ ਰਹੇ ਹਨ। ਰਾਣਾ ਕੇਪੀ ਨੇ ਮੰਗ ਕੀਤੀ ਕਿ ਜਦੋੰ ਤੱਕ ਉਹਨਾੰ ਖਿਲਾਫ਼ ਮਾਮਲੇ ਦੀ ਜਾੰਚ ਮੁਕੰਮਲ ਨਹੀੰ ਹੁੰਦੀ, ਹਰਜੋਤ ਸਿੰਘ ਬੈੰਸ ਨੂੰ ਅਹੁਦੇ ਤੋੰ ਹਟਾਇਆ ਜਾਵੇ ਤਾੰ ਜੋ ਇਸ ਮਾਮਲੇ ਨੂੰ ਸਿਆਸੀ ਬਦਲਾਖੋਰੀ ਦੀ ਰੰਗਤ ਨਾ ਦਿੱਤੀ ਜਾ ਸਕੇ।
